وعععع ياريدان

**كوكوايس** · 24-09-2010, 05:58 AM

يسعدلي اوقاتكم

انا مو غرضي لاتشويه سمعة ولا قطع رزق

بس اللي حصل انو في اواخر رمضان طلبنا سحور من ريدان

وياريت ماطلبنااااااااااااه

طلبت مندي لحم

وطلبي التاني مضغوط لحم (بالكلينكس)

المندي ماعليه كلام طبعا

اما المضغوووط والله وربي يحاسبني ازا ادعيت عليهم بالباطل

اول شي جاني عالوجه كلو عظم يعني باين انو بقايا

والادهى والامر انو باين طرف شي داخل الرز محفور على بالي جلدة الخروف

ديك اللحمة اللي تجي لينة اللي فوقها شحمة (مادري ايش يسموها)

والا اتفاجا بانها منديل كلينكس مطبوخ مع الاكل

طبعا عفت نفسي ولا قربت الاكل بنوعيه ابدا ابدا ابدا

فاللي حصل اتصلت عليهم اكلمهم وكان ردهم بكل وقاحة يمكن العامل مع الصيام والتعب نسي المنديل داخل القدر

طلبت منهم يتصرفوا في القرف اللي جاني حولوني على شخص يقولولو اخو
عبدالله السلمي طبعا اخد مني الموضوع بحمااااس وحسسني انو مالك الا اللي يرضيكي

طبعا وبكل برووووووود يقولي لاتفكري انو الشيخ ونحنا ناكل اللي احسن منكم

بالعكس والله ثم والله انو بناكل من اللي ياكلو منو الزباين

وجلس يتفلسف ويطيب خاطري

ودا كلو لاني هددتو لاحضر البلدية وافرجهم عالوساخة

المهم اللي حصل طلبت منو يرسل احد ياخد القرف دا (استغفر الله)

ولا يبات عندي ولا لحظة قالي تامرين امر وطبعا ارسل خبير الجودة

واخد الطلب مني وفي المقابل مسك العامل اللي رد عالتليفون وفصلوا

دا كلامو طبعا ( بريستيج ) يعني

وطلب مني انو مابلغ اي احد باللي سار اكيييييد عشان السمعة طبعا

طبعا انا فلوسي عندهم لحد دحينة ما اخدتها

دحينة يا آل المقاطعة بايش تنصحوني ابغى ابرد قلبي

انصحوني

للي يبغى الفرع ريدان فرع الصفا

**ستار نت** · 24-09-2010, 08:14 AM

لايكون مجمعين فضلات الناس اللي زادت ، خصوصا انهم عارفين انه
سحور ومارايح يبقى فترة طويلة ولابيتغير طعمه ولايلحق يفسد أصلا .

عموماً هذي من مساوئ خدمة التوصيل للمنازل ، لازم الواحد يجيب
طلباته بنفسه أو يطبخ في بيته أحسن .

**كوكوايس** · 28-09-2010, 04:18 AM

مشكور على ردك

بس احبي اقووول انو الاوردر ارسلت السواااااق راح جابو والوقت بدري الساعة 1

معقووووووووووووووووووووووووووووولة

اكتر من 50 مشاهد للموضوع وماحد رد عليا غير دا القمر

واااااااااااه فينكم يامقاطعييييين محد يشد فيكم الضهر

**القناص 999** · 28-09-2010, 06:15 AM

بادر مالك مطاعم " ريدان " بالتبرع ب 5 الاف وجبة يومية للمواطنين المتضررين من السيول وايصالها لهم في الشقق المفروشة التي يسكنون بها، وهذه بادرة رائعة تثلج الصدر ويشكر عليها الرجل كثيرا وجعلها الله في ميزان حسناته ، والمفترض على كل رجال الاعمال تجاه هذا الوطن الغالي و مواطنيه تحقيق مبدأ التكافل الاجتماعي الذي حث عليه الاسلام وتفعيل مبادئ الأخوة الصادقة خاصة في أوقات المحن،

المصدر
http://www.anaween.com/FollowNewsDetail.aspx?Fnid=2563

abuhisham · 28-09-2010, 09:58 AM

حياكي الله أختي الكريمة..

الموضوع يعتبر ناقص بدون التوثيق بالصور..

ليتك صورتي الوجبة قبل إرجاعها للمحل و المطالبة بالتعويض.

على العموم .. الموضوع حتى الآن يعتبر شكوى غير موثقة لخدمة سيئة ..

نرجوا في المرات المقبلة (التي نتمنى أن لا تحصل) أن يتم توثيق الشكاوى بالصور التي تقطع الطريق أمام أي تشكيك أو طعن.

**ليل المشاعر** · 28-09-2010, 12:58 PM

عموما اختي الكريمه ومن واقع خبره. اذا قصدك تشتكتي المفروض تخلي الوجبه عندك وتتصلي على البلديه اما الان فمافيه شي واحد يدين المطعم.الحل هو انسي الموضوع وشطبي على هالمطعم نهائيا وبس.وعلى فكره تحصل اخطاء من بعض المطاعم مع الزحمه.طبعا انا ماادافع ولكن هالشي فعلا يحصل ولو انه شي مقزز لكنه يحصل

**كوكوايس** · 01-10-2010, 05:59 AM

مشكورييييييييين عالردود بالنسبة للصور ما اعرف اضيفها حاولت كم مرررررررررررررة

وانا عن نفسي حررررررررررررررررررررررمت المطعم دا موووووت عن حيااااااة

وقوووووووولتلهم اعتبروووووا انكم خسرتواااا 1 من 100000000

ويااااااااااااااارب ياخدلي حقي منهم اخد عزيز مقتدر

**ابوطلال** · 01-10-2010, 07:28 AM

اقتباس:

المشاركة الأصلية كتبت بواسطة كوكوايس

مشكورييييييييين عالردود بالنسبة للصور ما اعرف اضيفها حاولت كم مرررررررررررررة

وانا عن نفسي حررررررررررررررررررررررمت المطعم دا موووووت عن حيااااااة

وقوووووووولتلهم اعتبروووووا انكم خسرتواااا 1 من 100000000

ويااااااااااااااارب ياخدلي حقي منهم اخد عزيز مقتدر

والنعم بالله ..
ويجب ان لانسكت عن حقوقنا ومعاقبة من اراد بنا الضرر ..
شكري مع مروري .

**كوكوايس** · 04-10-2010, 08:23 PM

مشكوووووور ياعنوني

**راني2005** · 05-10-2010, 02:59 AM

الله يكون في العون بصراحه مطاعم ريدان كانت في بداية الأمر من أفضل المطاعم في جدة
ولكن مع كثرت الاقبال على المطعم اصبحت الجودة غير موجودة وحتي أخلاق الموظفين والله
أخلاق زي الزفت مع الناس.

اما بخصوص الأخ:الي يقول انه ريدان تبرع للناس في أيام النكبه الي حصلت في جدة هذا شي
ماهو غريب اسعار الوجبات زي منتو عارفين قاعدين يتلاعبو فيها يعني وعلى عينك يامستهلك
الدجاج أرتفع سعره وبعدين نزلت أسعار الدجاج وهوه وغير ما نزلو أي شي في التسعيره
يعني هذاحقي وحقك وحق كل المستهلكين يعني مانزل شي من جيبه نزل من حق المستهلك
الي أخذه بغير وجه حق مشروع أنظرو في مطاعم البيك خفض سعرالوجبة ليت كل الناس
يقتدو قدوة البيك وأسف على الأطاله.
والله بيأخذ حق كل مظلوم من كل ظالم جشع ما يخاف الله...

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
انواع عرض الموضوع
العرض العادي الانتقال إلى العرض المتطور الانتقال إلى العرض الشجري