[/URL]

شركة نيسان تقدم عرض بواسطة إعلاناتها في لوحات الشوارع

استمتع بها بـ 50% من قيمتها

ثم أعدها لنا بعد ثلاث سنوات

مع نيسان ... أنت كسبان

من يعطيني تفاصيل العرض .....

كيف استمتع بها بـ 50% من قيمتها ...

كيف أعيدها لهم بعد ثلاث سنوات .. هل السيارة ... هل النقود .....

وما نوع السيارة .... الخاص بالعرض ...

هل حقا مع نيسان ... إنت خسران ....

شاهد وركز السهم كتبت عبارة بخط صغير الذي لا يقف ويتأمل اللوحة جيدا بحجمها

الكبير عبارة ( حسب شروط العقد ) ...

وما هي شروط العقد بالتفصيل ومن يستطيع إحضار نسخة ويضعها في المنتدى ؟

حسب أحد الزملاء الذين سألوا عن هذا العرض (طبعا التفاصيل المملة تجدها في المعرض .. هذه فقط رؤوس أقلام)..

تدفع 25% من قيمة السيارة (العرض يسري على السيارات اللي سعرها أعلى من 120 ألف)
و تقسط 25% على مدى 3 سنوات
بعد إنتهاء الثلاث سنوات لديك الخيار ..
إما دفع الـ 50% المتبقية (ما اذكر كاش او أقساط) أو إرجاع السيارة لهم.

لكن في نظري الأمر لا يخلوا من الريبة .. و ما قدموا عرض كهذا إلا و هم ضامنين المكسب قبل أي شيء.

نيسان شركة تنتج سيارات رائعة
لكن الوكيل ( الحمراني ) فااااااااااااااااااااشل ولا أنصح بالتعامل معه وخلو سياراته له

خلوها تصدي ياجماعة الخير

اللي يبي سياره ياخذ له مستعمله

لين يجي اليوم اللي يوزعون الوكلاء سيارات بلاش

الصبر مفتاح 14

العرض مثل ماشرحت اختنا جمرة

تدفع 25% من قيمة السيارة مقدم

و25% تقسطها على ثلاث سنوات

بعد الثلاث سنوات انت مخير انك تكمل الأقساط او تعيد السيارة لهم

اذا حبيت تكمل الأقساط راح يكون نفس القسط الي عليك لمدة سنتين اضافية

الي عندي الأن عرض الصني
دفعه اولى 14000 ريال
قسط 529 ريال
دفعه اخيره 21000

مع العلم قيمة السيارة كاش تقريبا حوالي 50 الف ريال وبحسبتها اقساط تطلع 66740

يعني زيادة 16740 ريال يعني نسبة زيادة 33.84%

طبعا الدفعة الأخيرة في حالة رغبت اعادة السيارة تسقط عنك عند اكمال الأقساط تحسب عليك

أتمنى يكون شرحي وافي

شرح وافي و كافي أخي ليثال...

بس يمكن تحتاج تغير النظارة...


إللي حط المعلومات فوق ماكانت جمرة غضا.

اخر شي افكر فيه اني اخذ سياره من الوكاله

السلام عليكم ورحمة الله وبركاته

اللبيب بالإشارة يفهم

الحمراني يفكر تفكير عقيم المسكين

سوف أشرح لكم بالتفصيل

لنفرض سيارة الألتيما التعبانة وكل سيارات نيسان تعبان
"مع نيسان .. إنت خسران" ههه وليس كسبان

الألتيما فل أوبشن ب 92000 ريال

نصف القيمة 46000 + 10000 تأمين لمدة 3 سنوات = 56000 ريال
والبــــــــاقي 46000 ريال بعد ثلاث سنوات

لو حسبناها باليومي 365 * 3 سنوات =1095 يوم

56000 تقسيم 1095 =51 ريال يوميا

51 ريال * 30 =1530 ريال شهريا

مسكين يالحمراني

انت المسكين

تدفع دفعة أولى ما يقارب الـ 17000 وتقسط 820 شهريا لمدة ثلاث سنوات .. حسابيا تطلع عليك السيارة بـ 46500 ريال ولاكن ترجع السيارة لهم ( وهنا الزبدة ) فية شرط موب مذكور للعلن وهو أنه تكون السيارة ما تعدت الـ 90.000 كيلو وهو شيء شبة مستحيل للشخص الطبيعي وكل كيلو زيادة يحسب بـ 0,25 ريال .. وعليك الحساب ..

أو تدفع دفعة 38000 ريال وتأخذ السيارة ..

بالحساب الشخص الطبيعي راحي تعدى الـ 90.000 كيلو بكثييير فراح يقرر انه يشتريها لانه حرام يدفع فلوس ويعطيهم السيارة بعد ولاكنه بينصدم بالدفعة الاخيرة الكبيرة وهي 38000 ريال وحتى لو دفعت لهم الدفعة الاخيرة راح يكون سعرها 84500 ريال وهو بالظبط مثل سعر الالتيما بالتقسيط لمدة خمس سنوات ..

خلاصة القول إذا أنت راح تشتري السيارة وما راح تمشي كثير .. يعني اقل من 30000 كيلو في السنة يعني 82 كيلو في اليوم (بس ) .. العرض بيكون حلو لك ..

( وما أتوقع فيه أحد ما يتعدى الثلاثين الف في السنة ) <***** أنا مثلا لي شاري السيارة ما يقارب اربع شهور وطبلوني 17500 كيلو ..

وإذا أنت تتوقع تتعدى الـ 30000 كيلو في السنة اببببعد عن العرض ولا تخدعك كلمة نصف القيمة ..

ووالله ويعلم الله اني ماني حاقد على شركة الحمراني ولا الجبر أو سمسار لشكرة ثانية كل ما في الامر اني ابي النصح لأخواني المسلمين ولا ابي احد ينخدع بجشع التجار والي يبي يتأكد من كلامي يمر أقرب وكالة أو يدق عليهم ..

وأسف على الإطالة ولا تنسوني من صالح دعائكم ..

أخوكم / أمجد السعيد

أرجوا نشر الموضوع لكل إخوانك المسلمين ..

منقول
تحذير من عرض نيسان الجديد ( نصف القيمة ) .. - منتدى مقاطعة

أووووووووف وينك يالعمدة
بسم الله الرحمن الرحيم
الله يسكنهم مساكنهم
من وين طلع لنا هذا

المهم بارك الله فيك على زيادة المعلومات القيمة عن جشع التجار