السلام عليكم ورحمة الله وبركاته

بإختصار الليله الساعه 7 مساءً تقريبا وأنا في مقر عملي نتفاجأ بواحد من جنسية مصريه دخل علينا.

وسأل الإف جي اللي برا بتاعكم؟؟ قلنا له إيه قال انا مندوب من شركة تويوتا مكلّف إني أسوي دراسه

ميدانيه. قلت له : شركة تويوتا والا شركة عبداللطيف جميل؟؟
قال : لا لا من شركة تويوتا الأم نفسها.

جلس معنا شوي ويسأل من ضمن اسألته هل تغيرت ثقتك بسيارات تويوتا؟ هل بديت تفكر في بديل

لسيارات تويوتا. ومن هالأسأله.

في أثناء حديثه انا قلت له إن تويوتا أغلب شي مزعل الناس في هالبلد منها الوكلاء المحليين.

وأخذت الاب توب أبوريه الموضوع اللي هنا بالخيمه عن حادثة الجيب لكزس اليل صاير عليه حادث

بسبب جنوط صينيه مركبها عبداللطيف جميل. ولكن قال لي اللكزس غير داخله من ضمن الدراسه.

لو فيه حادثه على التويوتا لانندكروزر مثلا أسجلها.


اللي يستفاد من هالسالفه ياإخوان إن هالشركة بدت تحس إنها وصلت بيوم من الأيام للقمه والحين قاعده

تتهاوى للحظيظ. بسبب؟ بعدة أسباب أولها الوكلاء وآخرها أغلاط تصنيعيه سببها التركيز على الكمية

المنتجه وعدم التركيز على الجوده.


ياإخوان والله العظيم الجيب الإف جي اللي شافه المندوب هذا برا مقر عملي قدام الباب ودخل عشانه

مغيرين فيه الهيدروليك تبع الدركسون مرتين والسياره توها ماوصلت 100.000كيلو متر !!!!

وين سيارات تويوتا اللي كانت تروح التشاليح بعد عشرين سنه والدركسون والأشياء الأساسيه شغاله 90%.

المقصد من كل هالكلام إني وحسب توقعي الشخصي إن الناس بدت تتوعى إن مهوب أي موتر عليه علامة

تويوتا يجمّل. ولاهوب كل موديل جديد أفضل من اللي قبله. وهذا مو من منطلق ان الناس تتمسك بالقديم

أو إنها ماتتقبل الجديد. لا لا بل من واقع تجربه. ياإخوان اللي يجرب الجيوب من 97 وتحت مايقدر

يعتمد بعدها على الجيل الـ 2008 وفوق ولو إقتناها مايقدر يجلدها بالبر مثل جيل الـ 97 وتحت.

صدّقوني مهما قلتوا لي عن قوة الجيل الجديد أقول لكم اسألوا أهل الوعر يعلّمونكم إن القديم لا بديل له.

تقبّلوا فائق إحترامي وتقديري... علماً بأن مقر العمل في شارع التخصصي .

المصدر
http://www.mekshat.com/vb/showthread.php?t=283679

قلنا له إيه قال انا مندوب من شركة تويوتا مكلّف إني أسوي دراسه

اهاااا اجل جولات ميدانية ودراسات !!!
الافضل والاسهل انهم يعملوا جولات لمستودعات الخمرة

الله ياالدنيا يوم احس بالخطر المحدق على مبيعاته جاااااااي يعمل دراسات ............

المشاركة الأصلية كتبت بواسطة ابو مسفر00

الله ياالدنيا يوم احس بالخطر المحدق على مبيعاته جاااااااي يعمل دراسات ............

يعمل دراسات على سواد وجههم

عقبال جمول وأعوانه

تم ارساله عبر القروب

تتهاوى للحظيظ. بسبب؟ بعدة أسباب أولها الوكلاء وآخرها أغلاط تصنيعيه سببها التركيز على الكمية

المنتجه وعدم التركيز على الجوده.

يعجبني المخ الفاهم

اهاااا اجل جولات ميدانية ودراسات !!!
الافضل والاسهل انهم يعملوا جولات لمستودعات الخمرة

yas

و ماعندهم شباب سعوديين يقوموا بهذه المهمة؟

نشر بموقع مقاطعه على الفيس بوك

كلام سليم 100% .. اقوى سيارات بالطعوس على كل مناطق المملكه موديلاتها قديمه .