المشاركة الأصلية كتبت بواسطة جمرة غضا

تذكرت موضوع سابق وضعه اخو هنا يتحدث عن زيادة بالاسعار
وعليه نقول مبروك الزيادة !
https://www.mqataa.co/vb/showthread.php?t=24634

بنفس الموضوع ستجد صورة للاسطوانات الجديدة

الاسطوانات الجديد راح تكون أوسخ من القيدمة ، وناقلة للحشرات والاتربة بالكميات
لأنها تحتوي على زخارف وفتحات كما هو واضح في الصورة .

على العموم قربوا المبيد الحشري لرش الاسطوانة عند باب البيت

رحت للمحل وطلع التلاعب من نفس العامل ومن حسن حضي ان صاحب المحل كان موجود ولما واجهني مع العامل انكر .

السلام عليكم ..

ليتها عند سلندر ابو 25 او 50 وبس..

الشق اوسع من الرقعه ..


من حوالي الشهرين شركة الغاز والتصنيع الاهلية ..


باديه تلعب مع المستهلكين لعبة الاتصالات المحقى ..

قولو كيف ..؟


السلندرات المنزلية المتوسطة والكبيرة طيبة جدا ..
وعندما يصل الموشر بها الى قرب الاشارة الحمراء ,,
تتصل على الشركة للتعبية فيرد عليك تسجيل صوتي (آليا) ....ادخل معلوماتك..... ورقم الاتصال ...الخ .وتنهي المكالمة ؟
وعلى أمل ولا عندك للشيطان طاري يجيك مستر كهتاني ارجنتلي بعد ثلاثة اربعة ستتت ايام تقفل الخط آليا مهوب انت هو يقفل اليا

اوانت ما تدري .كل شي فشنق...
تقعد تنتظر ااسبوع اسبوعين ولا يجي (جودو) ..
تعيد التسجيل مرة اخرى ولاعاد تصبر ..
الغاز خلص ..غداكم وعشاكم من الوليمة والشاهي مامش .
ما يرد عليك احد من الشركة ا لا (ساعات الدوام الرسمي) .يردون عليك ما يرد ما هذي بالمشكلة ..يرد انقطع عليكم الغاز وتم الحجز بالرد الاآلي .؟
ندري بس حجز الرد خربان له كم شهر ...وراك معصب ..
ياخي يبوني ادفع زيادة 300 ريال ليش ..؟
اانت ا مسجل مرتين حجز بالرد الالي ولك ما يقارب شهر .هاااااااااااااااااااااااااااااااه..؟

آسفين والله ياخي التسجيل الاآلي مهوب بيدنا عطلان طول شهر تقريبا .!

طيب ممكن لو تكرمت تستعجلون تعبون لي الخزان فارغ الله يرحم والديك

بعد يومين يكلمك سواق الوايت تبي تعبي ..؟
مستعجل ب(300)ريال تضاف للفاتوره..! موافق

هاااااااااااااااااااااااااه ثلاث ميه ليش ..؟

لا ماني بموافق .

طيب ما فيه تعبية اتصل واحجز ..
المستعجل يدفع 300 ريال


انت قلت مستعجل صح ..؟

لا مهوب صح ..لا مهوب عاجبني .عطني المسئول.



مهوب عاجبك تسدد ال 300 ريال مع السلامه واذا تبي تشتكي اشتك.

وين أشتكي ..؟

مكامة مسجلة :

سلام عليكم ياخي لوسمحت انا طلبت تعبئة خزان مرتين واسجل وهالحين الاخ اللي بالحجز يبي يدفعني 300ريال ارسل لي سواق بعد هالايام انتضار والخطاء مهوب مني من الشركة ومن الرد الاآلي انت معي والا معهم ..؟

من قال لك اني معك ..؟ معهم لا بالله ماني معك ..

وش لون تبيني معك..؟

ما بقى الا هي..

انت اللي بتدفع لي راتبي ..

ياخي خلهم يعبون لك خزانك وادفع الفاتورة وخلك سمح وادفع زود على الفاتورة ال 300 مستعجل وبعدين قدم شكواك ..

يمكن يمكن ولا تقول اني قلت لك يرجعون لك ال 300 ريال .

شرايكم ان كل اللي دار اعلاه حصل معي

وتم اضافة القليل جدا من بعض البهارات..

لا تواخذوني

كتببعد تعبئة الخزان .

المشاركة الأصلية كتبت بواسطة starex

رحت للمحل وطلع التلاعب من نفس العامل ومن حسن حضي ان صاحب المحل كان موجود ولما واجهني مع العامل انكر .

ياليتك طلبت فاتورة من الهندي قبل تشتري الاسطوانه عشان يتورط مع كفيله