السلام عليكم ورحمه الله وبركاته

اخواني من فتره 6 شهور تقريبا اشتريت هاردسك جديد من اكسترا 320 جيجا
وتمنيت اني ماشريته من عندهم

هذا نوعه


قسمت المساحه لقسمين وحطيت كل ملفاتي فيه
المهمه والغير مهمه
وبعد 3 شهور تقريبا ضرب عندي قسم
والقسم اللي اخترب مهم جدا وفيه ملفات وتصاميم ودروس انا صممتها من سنوات

حاولت طول هذه الفتره استرجع بيناتي منه ماقدرت
واكثر من خبير سألته قال لي في محلات متخصصه تستخرج لك الملفات او تصلحه لك بدبل سعر الهاردسك 3 او 4 مرات ويطيح الظمان لو ماتصلح يعني راح اخسر من الجهتين
قلت حرام كذا انا عندي ضمان عليه 5 سنوات \ سنه على اكسترا و 4 سنوات الشركه المصنعه
______________________,,,,,,,,,

امس انا رحت لهم وشرحت المشكله لمسؤول الصيانه
وقال الفلبيني الفني انه فيه عطل عطاني ورقه وقال لي روح للموظف الفلاني عشان يشوف الاجراءات لك
رحت له وشغل الهاردسك وقال لي دام هو يشتغل يعني سليم ودام جهاز الكمبيوتر تعرف على الهارسك يعني الخلل من ملفاتك انت مش من الهاردسك
قلت له يعني انت تخالف كلام الفني وتعطي كلام من عندك
طيب طلع ملفاتي من الهاردسك واخذه لك بدون مقابل ما ابي شي منكم
حاول ماقدر يستخرج الملفات

قال لي لو فيه عطل راح نستبدله لك
قلت له ليش تستبدله لي انا ابي بياناتي وملفاتي يعني المفترض انك تصلحه بدل التبديل
قال هذا ظمان اكسترا كذا
قلت له ظمانكم فاشل يعني لو اشتري من عندكم محمول وخرب علي الجهاز ورجعته لكم ماراح تستبدلونه اصلا راح تماطلوني كم شهر على مايتم تصليحه
والحين تقول لي استبدال
عصب وقال لي خلاص الجهاز سليم 100% ولا راح يستبدل
قلت له انت واثق من كلامك
واذا واثق اكتب في ورقه انك تقول هذا سليم
اخذ الورقه وكتب ووقع
وهذه صوره من الورقه



قلت له طيب انا اوريك ياواثق
ورحت للفني وقلت له يقول لك الموظف ان الهاردسك سليم يعني انك ماتفهم في الصيانه
عصب وقال لي ماعليك منه واخذ ورقه وكتب المشكله وقال لي روح للمدير!!!!!


انا ماراح اقول هم غلطانين ولا انا راح اقول غلطان
انا من حقي استخرج بياناتي من الهاردسك على ذلك يتم تصليحه بدل استبداله
وهم مصرين على استبداله في حاله موافقه الشركه يعني راح انتظر كم شهر على مايوصل قرار الاستبدال ولو راح اصلحه انا راح اخسر فيه كثير ويمكن مايتصلح
والهاردسك اذا انفتح يعني يطيح الضمان حقه

انتظر ردودك واقتراحاتكم على اكسترا

إذا البيانات والملفات هامة لاتتركها مهما كان السبب

إكسترا غاسلي إيدي الثنتين ورجلي بعد منهم
بعد تجربه سابقة قبل ثلاث سنوات تقريباً
وحرّمت اشتري منهم .... حتى لو ما فيه إلا عندهم

الله يغنيني عنهم وعن ضماناتهم الغير مضمونه

دائما أقول إكسترا فااااااااااشلة
شريت منهم موبايل قبل كم سنة وللحين ندمان اني شاريه منهم
ما شاف الخير من يومها

حسبي الله عليهم
وكان الله بعونك

الله يكون بعونك

الهارد دسك ممكن اصلاحة عن طريق format lavel low لاكن التقسيم و البيانات راح تروح كلها الى الابد