السلام عليكم ورحمة الله وبركاتة

اخواني واخواتي

اعظاء وزوار المنتدى

كل عام وانتم بخير وشهر خير علينا وعليكم

والله يوفقنا لصيامه وقيامه على اكمل وجه يرضي ربنا عز وجل


** في هذا الموضوع نرجو من كل متسوق قام بزيارة المراكز المعروفه والتسوق منها من اجل رمضان

ان يذكر لنا بعض الاسعار عن الاساسيات واذا كان هناك عروض وقتيه داخل المراكز والهايبر

حتى نستفيد جميعآ , ,

والله يحفظكم .

في الحقيقة لا أتذكر بأني خصصت لرمضان مقاضي خاصة اطلاقاً. رمضان مثله مثل باقي الشهور بالمقاضي بالنسبة لبيتي.

شكرآ اخوي بتار

فيه اشياء اساسيه مثل ,, العصيرات ( توت , برتقال ) , مكرونه , رقاق سمبوسه , لحم مفروم ,

كريمه , جلي ,,, الخ من الاشياء الاساسيه اللي مايخلو بيت في رمضان منها ,,

وانا برأيي انها تعتبر كافيه لنبعد عن الأسراف ,,

الان في السدحان الفيمتو بـ 3,90

تشتري حبتين فقط

اليوم انا اشتريت 8 حبات بنفس السعر ,, كلمتين حلوين مع المحاسب وخلالي كل حبتين في فاتورة

وفي كارفور لقيتها بـ 8,50

ولا أنا ..

مقاضي البيت العادية ..

الحمد لله النعم ماليه البيوت
لكن رمضان له نكهته الخاصة
ولا نريد ان نفقدها وايضًا لا نريد ان نسرف
والمفروض ان الشخص يستغل العروض الحقيقية وليست وهمية ... ويقضي لرمضان منها
وانصح انه ياخذ العرض ويطلع ....
فيه عروض ممتازة على الزيت في بنده
اخذ عرض عافية الــ 10 لتر
وفيه عروض على " رقائق السمبوسات "سويتز " ثنتين و معهن علبه 19 ريال
وجبن فرسان موزريلا عليها عرض "عندي انها افضل نوع "
وعاد فيها غيرهن بس نسيت اسعارها
الفيمتو قاعد انتظر عروضه وزين انها بدأت
تشكر قوانين على هالموضوع

الحمدلله مقضين من زمان
بس باقي أساسيات رمضان مثل الفيمتو
ولقمة القاضي
والسنبوسة
يمكن نطلع اليوم
والا نخلي الشباب يجيبونها وإن قالوا بنجيب واقعدوا رحنا ملح لانهم ما يعترفون بالتخفيضات يدخل اقرب محل وياخذ مهما كان السعر

بنت الرجال القيمات اللي بالكراتين زينه .....
تخلطونها مع عجينتكم او تستخدمونها هي فقط ؟
معليش بس عمري ما شريتها وودي اسأل عنها

الدجاج سوبر بريم برازيلي ممتاز 1200 بسعر 87 ريال

دجاج سوبر بريم برازيلي ممتاز 800 ب55 ريال

الفيمتو 4.95 من العثيم 3 حبات فقط < وبطرق ملتويه اخذت 6

التانج 26.75 < امي تقول تبيه ماتستغني ههههههه

الشوربه ب8 ريال

بس اخذنا انواع ثانيه للتجربه ب4 ريال

السنة هذي عندي اجازة في رمضان ولله الحمد
وانا الآن في جدة وطبعا الايام الأولى بكون معزوم عند الاهل
ولم اشتر شي حتى الآن .

واعتقد اني لن اذهب لسوبر ماركت كبير
وراح اشتري من اقرب بقالة صغيرة
وراح اوفر الوقت والبنزين وشراء اشياء اخرى لا احتاجها .

المشاركة الأصلية كتبت بواسطة أحمد الخزرج

السنة هذي عندي اجازة في رمضان ولله الحمد
وانا الآن في جدة وطبعا الايام الأولى بكون معزوم عند الاهل
ولم اشتر شي حتى الآن .

واعتقد اني لن اذهب لسوبر ماركت كبير
وراح اشتري من اقرب بقالة صغيرة
وراح اوفر الوقت والبنزين وشراء اشياء اخرى لا احتاجها .

نصيحة الميني ماركت والسوبر ماركت أسعارها أغلى من الهايبرات
سوبر ماركت حولنا تبيع رز الوليمة بــ 70 ريال وعند هايبر بنده عرض 59 ريال !
من الأفضل كل اسبوع تروح للهايبر وتاخذ افضل العروض
وفيه مواقع بالنت تقدم لك عروض الهايبرات محدثه
شاهدها وشف أي هايبر ينسبك عروضه ... ورح له وتسوق منه