السلام عليكم ورحمه الله وبركاته

وشحالكم جميع

<<< طولتها انت وخشتك

المهم هذا الموضوع من اول مشاركاتي في منتدى مقاطعه

وحبيت اقولك موقف صالي انا وابوي معى موظف عبداللطيف جميل

قبل يمكن ثلاثه اشهر رحت انا وابوي لوكاله عبداللطيف جميل في الخبر (كبري لكزس) الوكاد الوالد الله يطول في عمره هو ومن يقرا كان ناوي يشتر جيب لاند كروزر 2009 فئه VX-R فقال للموظف ابي الجيب وتكون مواصفاته كما هي بالاضافه الى شاشه DVD وفتحه سقف اذا امكن واللون ابيض

هاااذي طلباتي
الموظف : كاش والا اقساط
الوالد : كاش
الموظف : والمواصفات اللي تبيها موجوده بس بغيت اقولك شي
الوالد وعلى وجهه علامات الاستغراب : قلي شورك
الموظف: يا ابو حمد انا اشوف ان ما فيه فرق بين الـ GX-R والـ VX-R فشاريك تختار الـGX-R لان سعره ارخص واحسن
الوالد: شورك وهدايه الله بس لا تنسى المواصفات
الموظف: اووكيه بس بغيت اقولك شي علشان المواصفات
الوالد : وش عندك
الموظف: انا لي ولد عم شغال في وكاله عبداللطيف جميل وطبعا الموظفين اللي لهم شان في الوكاله يعطونهم سيارات وعطوه كامري فل اوبشن وطبعا الفل ابشن يكون فيه فتحه المهم هو طلع من الدوام مره من المرات وكان يبي يروح بيتهم وهو رايح بيتهم حصل له حادث وتقلب وطبعا هو توفى والسبب الرئيسي الفتحه لانه خرج من الفتحه وطار في الهواء وطاح وعلطووول توفى
الوالد: الله يرحمه
الموظف : ومثل ما نت تشوف الجيب سياره كبيره ومرتفعه عن الارض واحتمالات الانقلاب لا قدر الله واره وبشكل كبير
الوالد : شورك وهدايه الله الزم ما علي صحتي وقال الوالد (سيفتي فيريست) << لانه موظف ارامكو متقاعد وارامكو شعارهم سيفتي فيرسيت (معنى بالعربي السلامه اولا) الوالد الله يهديه متأثر
الموظف : صحيح والله انك حكيم
الوالد : ما يصح الا الصحيح
الموظف : طيب فيه لك شور ثاني
الوالد: هات شورك
الموظف : طيب انت ليه بي شاشه DVD
الوالد : للبزارين اذا جينا نسافر والا رايحين للحلال خلهم يطالعونه ويسكتون وفكونا من ازعاجهم
الموظف : طيب انا بقولك الحين وانت في البيت وشغلت لهم التفزيون على افلام الكرتون هم يسكتون والا يصير ازعاجهم اكثر من اول
الوالد: لا والله يزعجوننا اكثر من اول
الموظف : يعني اذا في البيت والتلفزيون شغال ما يسكتون تتوقع اذا هم في السياره راح يسكتون
الوالد : والله انك صادق ما ظنتي يسكتون
الموظف : اذا ما يحتاج شاشه DVD
الوالد : شورك وهدايه الله بس ممكن سؤال
الموظف : تفضل
الوالد : انت ليش قاعد تعلمني او بالاحرى تشور علي مع العلم ان اللي اسمعه ان الشركات تفرح بالعميل اذا طلب مواصفات لانه من صالحهم لان فيه زياده فلوس
فرد عليه الموظف : انا معك بس انا عارف النصب والاحتيال من الشركه وانا صراحه رافعين علي تقرير بالفصل لانه ما جاني عميل يمكن ثلاثه اسابيع والمطلوب علي ثلاثه عملاء في الاسبوع يعني مفصول مفصول فنسوي خير قبل ما نطلع من الشركه
الوالد : جزاك الله الف خير خلاص ما هناك خلاف اطلبلي GX فقط لاني ما احتاج المواصفات مثل ما قلت
الموظف والفرحه في وجهه: اووكيه عبي الفورم............<الخ اجرائات عاديه





انا ما راح اقول لكم ولا شي بس انت احكموا وقولي ارائكم

وتقبلوا تحياتي واشواقي

حمد اليامي

لو اشتري هاالجيب والله اكيد راح يكلف فوق 150 تقريبآ
على العموم الله يطول بعمر الوالد وعمرك
وعلى البركه الموتر

هذا نوع من انوع التسويق الى للأسف موجود عندنا
بس هذا دليل على قلة ثقافة المستهلك اتوقع ان الوالد كان مركز على الشكل اكثرمن المضمون
وهذى الى خلى الموظف يألف قصص ويتفلسف لا وكمان تتعاطفون مع وضعه عشان تصدقونه.......

على العموم الف مبروك على السياره

والله ما ادرري

بس احس حتى الموظفين حاقدين على الوكاله

على العمووم تقبلوا مروووري

والله لا يهينكم

اللهم دمرهم تدميرا