المشاركة الأصلية كتبت بواسطة واضح ومبسوط

تحية طيبة ,,,

أنا عندي مشكلة مع مكتب مشهور في الرياض ..
طلبت شغالة وجابوها بعد شهرين ..

المهم , طلعت دبة وقصيرة وشينة , ما تطول الدواليب حقت المطبخ , إذا وقفت جنب دبة الغاز الطويلة ما تفرقهم , تحسبهم توأم ..

قلنا معليش نجربها ..

طلعت مع هذا كله ثقيلة دم وتكذب .. وتنام .. تنام وتقدررر النوم ..

وديتها للمكتب وقال .. هذي انتهت أشهر التجربة من يومين يا أبو الشباب ..

قلت وش الحل ؟؟

قال المكتب ما ينفعك .. بدلها أو سفرها .. وألحين مسنتره في بيتنا ماغير تاكل وترقد

الأخ واضح ومبسوط

العقد شريعة المتعاقدين إذا كانت الخادمة حسب الشروط المتفق عليها وامضت فترة التجربة ثلاثة اشهر فـ لايحق لك المطالبة ببديلة ، وبالمعقول فترة ثلاث اشهر كافية جدا لاكتشاف اي عيب بالخادمة .


والله الموفق

يا الله تخلص بعد شهر او اكثر والواحد مايقدر يستغني

يعني هي هي
لوا ماتوفقت من اول الله يكون في عونك

الاخ جزيرة خضراء


انا مادري وش قصدك

هل قصدك يعني السالفة بتطول عشان تسترد حقك ؟

انا معاك ان التوفيق من الله واذا الله وفق الواحد بخادمة نشيطة هو قمة المراد وهو اللي الواحد يتمناه له.

لكن ان ماتوفقنا بسبب قصور بالمكتب يلزم المكتب غصباً عليه بالبديلة وبالعقد اللي بينك وبينه

وكون كثير من المكاتب لعابة هذا انا وضعت امامكم الحلول العملية والاجراءات اللي تساعدك على استرداد حقك وبسرعة

ولعلمك اذا سويت الخطوات اللي ذكرتها في مواضيعي اتحداك اذا ماحكم القاضي في الموضوع من اول جلسة ولصالحك طبعا اذا كان العيب مثبت كما ذكرت لك وفي فترة التجربة .

المشاركة الأصلية كتبت بواسطة nail

الأخ واضح ومبسوط

العقد شريعة المتعاقدين إذا كانت الخادمة حسب الشروط المتفق عليها وامضت فترة التجربة ثلاثة اشهر فـ لايحق لك المطالبة ببديلة ، وبالمعقول فترة ثلاث اشهر كافية جدا لاكتشاف اي عيب بالخادمة .


والله الموفق

كلامك على عيني وراسي , لكن بالنسبة للمظهر القصير يقول هذي اندونيسية , أنت ما طلبت نيجيرية ؟؟

ثانيا الكذب يقول ( وش تتوقع من وحده غير متعلمة إلا تعليم بسيط ) .. !!

والنوم يقول هذي مشكلتكم , لا تخلونها تنام ؟؟ اشغلوها ..

وعلى فكره .. عيونها مهي مضبوطة بعد ..

ويقول ( احنا ما نضمن لك تفاصيل معينة ) فقط الشكل العام ..

أشكرك

المشاركة الأصلية كتبت بواسطة واضح ومبسوط

كلامك على عيني وراسي , لكن بالنسبة للمظهر القصير يقول هذي اندونيسية , أنت ما طلبت نيجيرية ؟؟

ثانيا الكذب يقول ( وش تتوقع من وحده غير متعلمة إلا تعليم بسيط ) .. !!

والنوم يقول هذي مشكلتكم , لا تخلونها تنام ؟؟ اشغلوها ..

وعلى فكره .. عيونها مهي مضبوطة بعد ..

ويقول ( احنا ما نضمن لك تفاصيل معينة ) فقط الشكل العام ..

أشكرك

يالغالي

كان معاك فترة تجربة طويلة 3 اشهر هذا شيء
والشيء الثاني وهو نوم الخادمة وثقله
تقدر تعالجة بتشغيلها كثير وتحفزها مثل اي موظفة يعني تعطيها حوافز

اما عاد الشكل فحسب طلبك
والطول والله ماهو عيب برأي خصوصا اذا تعدل شغلها .

تقدر تحسم عليها اذا قصرت بشغلها حسم معقول بعد ماهو تجز نص الراتب عشان خطأ بسيط ..

وبالمقابل اذا ضبطت شغلها وصارت نشيطة حفزها الانسان يبغى له تعامل .

وبالتوفيق

السلام عليكم
موضوع مهم ولى تجربة وارغب بمعرفة الحل

استقدمت خادمه عن طريق مكتب بالرياض وكان الشرط ان استلمها بجده مقر سكنى

الا نهم اتصلوا بي ليلة 21 رمضان وقالوا انها وصلت الرياض وانه على ان اجلبها او انها تروح الترحيل؟؟
قلت والعمل انا شرطي بجده قالوا هذا اللى حصل ولانقدر نسوي شئ

وكلت واحد من الاقارب وجابها لى بالطياره على حسابي

المهم

الخادمه يوم الوقفه بعرفة أضربت عن العمل وقالت انها تريد السفر الان
قلنا مايخالف بس بعد العيد عشان المكتب يستقبلك ويرسلك لبلدك
قالت الان والا يصب عليكم ماده حارقة
المهم طلبت الشرطه وبالموت عشان يجون
غيرت اقوالة مباشره وقعدت تصيح وتقول انى اتحرش بها ؟؟؟؟
(( الشغالة سيرلانكية عمرها 41 سنه ))
المهم بعد الضغط عليها اعترفت انها كاذبة وانها تبي تروح وبس

قالوا الشرطه لازم تجيب لها تذكره قلت النظام يقول ان خلال 3 اشهر
المكتب هو اللى يسفرها خاصة انها هى اللى طلبت

اخذت ورقة اخلاء من الشرطه وقالوا خذها البيت معاك ((آخر نكتة - الشرطه في خدمه الشعب ))
امحق والله قلت والله تذبونها بالشارع او عندكم مانى مسؤال عنها
قاموا يهدون بأن النظام يقول كذا ,,المهم عرفت ان السجون مليانة ولافيها مكان
وان الترحيل راح يستلمها ولكن انا اللى ابلغ الترحيل
وديتها الترحيل واعطيتهم التذكره
وبعد العيد كلمت المكتب وقالوا ابشر ومن هل الكلام
بس لازم ورقة مغادره
قلت مايخالف رحنا لمهم ماعطونا ورقة مغادره الا في اول محرم

رحت للمكتب قالوا ما لك شئ عندنا ورقة المغادره بتاريخ اكثر من 3 اشهر
قلت بس الحادثة والعصيان كان بعد اقل من 3 اشهر
قالوا مالك شئ
رح اشتكى ؟؟؟


طيب وش العمل بهل الحالة
صدقنى انا ما ابي دراهم بس ابي احرق دمهم

الاخ / نايل
اشكرك على موضوعك ا لمهم بس في حالة من نصب عليهم مكتب الصهيبي (مغلق الان) وانا احدهم كيف نقوم بشكوي وعلى من وخصمنا غير موجود ولايعرف اين هو ؟ ماهي الطريقه لإسترداد المبالغ اللتي اعطيناه اياها .. مع الشكر .

الاخ ماجد 2002

ااسف لاني لم ارد عليك طوال هذه المدة لانه لم يصلني اي تبليغ على بريدي باي مشاركات


والحل ترفق اوراقك وتتجه للمحكمة المستعجلة وسنتابع معك اولا ً بأول .

المشاركة الأصلية كتبت بواسطة ابوطلال

الاخ / نايل
اشكرك على موضوعك ا لمهم بس في حالة من نصب عليهم مكتب الصهيبي (مغلق الان) وانا احدهم كيف نقوم بشكوي وعلى من وخصمنا غير موجود ولايعرف اين هو ؟ ماهي الطريقه لإسترداد المبالغ اللتي اعطيناه اياها .. مع الشكر .

الاخ ابو طلال

لو سكر المكتب او الغيب الشركة هناك مسؤول يتحمل كل عمليات الشركة او المؤسسة او المكتب ..

تقدم للمحكمة المستعجلة وضع شكواك ضد اسم المكتب التجاري (يعني مالك دخل منو صاحبة فلان او فلان )
ولو كان مغلق الحقوق لاتذهب سدى هناك من تملكها بغير وجه حق.

وننتظر ردودكم

المشاركة الأصلية كتبت بواسطة nail

الاخ ماجد 2002

ااسف لاني لم ارد عليك طوال هذه المدة لانه لم يصلني اي تبليغ على بريدي باي مشاركات


والحل ترفق اوراقك وتتجه للمحكمة المستعجلة وسنتابع معك اولا ً بأول .

السلام عليكم

جزاك الله خير اهم شئ التواصل ’’’

طيب انا ما ابي ادخل محاكم ممكن محامي ووكيل يخلصون الموضوع

وكم يتكون الاتعاب و وش اللى راح اكسبة وهل يوجد حالات مماثلة ؟

دمتم