مطاعم الشــواية الذهــبــية ..!!

**هيموو** · 22-08-2007, 12:21 AM

اول شي بسم الله الرحمن الرحيم ..

مطاعم الشواية الذهبيه ... صحن الضيافه سابقاً 45 مع المشروب ببسي او سفن حجم عائلي ..

الان ..

صحن الضيافه بـ 50 وبدوون مشروب ... يعني تقريبا ارتفع 9 ريالات لو بتاخذ مشروب معه .. يعني فوق الـ 20% ارتفااع بالسعر عن السابق !!...

وهذا الارتفااع حصل قريب جداً من اقل من شهرين ..!

____

والبديل انصحونا فيه ياخواان ... نشرت هاللشي للفائده ...

اخوكم هيمو .

**الحاسم 2005** · 22-08-2007, 12:34 AM

حسبي الله علييييهم

**أبو ناصر** · 22-08-2007, 01:20 AM

يا اخوي انت وين ساكن
اذا كنت في الرياض فانا انشاء الله راح اقولك عن مطاعم ممتازة وراح تعجبك

وممكن سؤال صحن الضيافة وشو ؟؟ يعني وش فيه رز ودجاج ولا مشاوي

**هيموو** · 22-08-2007, 01:36 AM

نعم يبو ناصر انا من سكان شرق الرياض .. والمطعم بحي الربوة ..

وصحن الضيافه فيه دجاج ومشاوي .. وياليت تعلمنا البديل ..

موب قصدنا السعر انه صار بـ 50 ...

القصد حنا رافضين مبدأ رفع السعر اياً كا صدقووني لو سكتنا ولا سوينا شي راح يتمادوون وبيرفعون اكثر واكثر ..

اخوكم ابراهيم

**أبو ناصر** · 22-08-2007, 02:11 AM

أجل انت من جيراننا يا هيموو

اذا كنت تاكل شاورما فرح لشارع المعرفه << الحسن بن حسين بن علي>> كل المطاعم اللي هناك ما رفعت اسعارها
الشاورما بريالين والصاروخ باربعة وازين واحد اسمه بوفية الليالي والاسم اللي مكتوب فوق ... دنيوخ المغيري
هذا اذا كنت تبي الرخيص
اما اذا كنت تبغى الزين فرح لم الدجاجه الشاميه وانا صراحه انصحك تروح لمه وهذا عاد عنده بروستد مهوب معقول <<خذ بروستد عادي لا تاخذ حراق >> وكمان الشاورما حقتهم خيال وعندهم وجبة كودو حلوه
اذا كنت ماسك خريص وجاك مفرق عبدالرحمن الناصر اطلع لشارع عبدالرحمن الناصر وأول اشارة تجيك عديها وبعد الاشارة تقريبا ب500 متر يجيك على يدك اليسار وقدامه محطة بنزين

واما المشاوي فوالله يالغالي اني ما اكلها ولا أحبها
بس اعرف مطعم أسمه أطلس الغرب
عنده دجاج على الفحم مهوب معقول صراحه
وسعره بـ12 ريال
واطلس الغرب هذا مكانه
شفت اذا كنت ماسك خريص وجاك مفرق حق شارع عبدالرحمن الناصر
اطلع من عنده ورح للشارع نفسه عاد أول اشارة توقف عندها بعد ماتدخل الشارع
رح يسار ويكون هو على طول بعد ما تلف من عند الاشاره على يدك اليمين

أتمنى اني اكون افدتك في هذا الموضوع

واعذرنا عاد ما نعرف بالمشاوي

**هيموو** · 22-08-2007, 02:48 AM

ابو ناصر بعض الامطاعم اللي قلتها عرفتها بس ماادري عن اسعارها الحين انت افدتني ..

بس شارع عبدالرحمن الناصر اول مرة اسمع فيه انا من سكان الريان يعني مااروح للروضة الا لابغيت شي معين... وماقصرت على تفاعلك الرائع , وشاكر لك مرورك ..

اخوكـ ابراهيم..

**أبو ناصر** · 22-08-2007, 03:42 AM

هيموو أخي الغالي ولا يهونون بقية الاعضاء
اي واحد يبغى يسال عن اي شيء بالروضة
تراي حاضر

واذا بغيتوا شيء اكتبه بالمنتدى

ولا رساله على الايميل
Aboood-101@hotmail.com

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
انواع عرض الموضوع
العرض العادي الانتقال إلى العرض المتطور الانتقال إلى العرض الشجري