معاناتي مع سياراتي الكامري 2009 GLX فل

**جمرة غضا** · 20-06-2009, 11:39 PM

اقتباس:

السلام عليكم ورحمة الله وبركاته

كيفكم اخواني ؟

اخواني انا شريت كامري 2009 GLX فل

وكاش اخدته المهم الحين اخدته ع حسب امشي 1000 كيلو وبعدين تشييك على الموتر المهم اول يومين انا فرحان بالسياره وفجـأه السيارة قامت تطقطق انا مدري شنو الدعوة فتحت الكبوت اشيك شنو صاير الا المكينة تهتز وطفت مرة وحده (اشدعوة سياره بنزين فل و2009 وتتطفي ؟)

المهم دقيت على رقم الخدمة لعبداللطيف جميل(السريعه جدآ ) <_ هذي الا عطلوني فيها اسبوع ع شان يجون

ولمى رحت لهم الوكالة اخبرهم بالي صار قالو لي السبايك اختربو ( بالعربي المكينة خلاص ودعت الحياة مبكرآ )

قلت لهم ان شاءالله ناوي ادفع انا ومالي الا 3 ايام من استخدمت الموتر رد علي والله تدفع سعر المكينة وانا اول ماسمعتها استغربت من قلب ودقيت على الرقم حق خدمة العملاء ويحولوني ع المدير واقول له السالفة كاملة الا قال لي مالك الا طيبة الخاطر وصبغني بالكلام واخر شيء بعد اسبوع من كلامة معي قالو لي تعال استلم السياره وبعدها بسبوع المكيف ضرب ؟؟؟؟؟ شدعوة ؟؟؟ والمكينة صوتها تغير كلش عن الاول وكل ماروح الوكالة سيارتك مافيها شيء

ونصيحة اخوية لكلمن فكر ياخد من عبداللطيف جميل سياره لايفكر نهائيـآ والله انا عانيت مع الوكالة وبقوة وفي بنت تتدق عليك من شركة عبداللطيف جميل تبع خدمة العملاء ع شان تخق ولاتعرف تتكلم ولاتوصف الحالة

ماأقول الا حسبي الله على عبداللطيف جميل وجميع وكلاء السيارات والله يصبرني مع السياره

اخوكم

حسن الزاكي

مشاركة للعضو في الموضوع هذا
https://www.mqataa.co/vb/showthread.php?t=13274&page=7

تشكر يا أخي على عرضك لمعاناتك والله يخلف عليك ..
وللأسف حتى الآن لم يتحسن وضع وكلائنا
لذا خلوهم يصدون حتى يتعدل حالهم

**أبو راشد** · 21-06-2009, 06:50 AM

الله يعينك >> مع صيانة ابو الشيون راح تتعب اسئل مجرب

**dr.mazag** · 21-06-2009, 10:57 AM

أبيك تسأل أبو جميل وتقوله...
أكلك حلال؟؟؟؟؟؟؟

**المقاااطع 999** · 21-06-2009, 10:59 AM

حسبي الله ونعم الوكيل

**كل يوم كذا** · 21-06-2009, 05:34 PM

اللـه يعينك عليهم
والصراحة ما ادري وش اقولك أنا ملدوغ من قبل منهم علشان كذا ما عاد اجيهم بعد ما خلصت سالفتي معهم
وعلى طاري البنت الي تدق من خدمة العملاء والله ياني هبلت بها تهبل كل ما قالت لي شي رديت عليها بكلمة ألعن الظاهر قدمت استقالتها بعد ما قفلت معي خخخخ
ابو جميل الخسيس ما يوظف الي الخسيسين امثاله

**اسطبل داود** · 21-06-2009, 08:10 PM

شكراً لك أخت جمرة غضا
كان الله في عون صاحب السيارة على هذا الظلم.
وإن كنتُ أحمله جزءاً من المسئولية على شراء سيارة المقالب والمفاجآت غير السارة (كامري) التي كثيراً ما يعاني منها أصحابها، وبدأ الناس يعون حقيقة اهترائها الميكانيكي والفني، ويبتعدون عنها.

**ابو عادل22** · 21-06-2009, 11:08 PM

هذا جزاء اللي مايقاااااااااااااااااااااااااطع

**جمرة غضا** · 22-06-2009, 12:12 AM

اقتباس:

المشاركة الأصلية كتبت بواسطة مجووووووود

الله يعينك >> مع صيانة ابو الشيون راح تتعب اسئل مجرب

استغرب على كثر ما كتب وعلى كثر ما نبيه إلا نجد العملاء يتجهون له ؟؟
الله يخلف عليه

**جمرة غضا** · 22-06-2009, 12:13 AM

اقتباس:

المشاركة الأصلية كتبت بواسطة dr.mazag

أبيك تسأل أبو جميل وتقوله...
أكلك حلال؟؟؟؟؟؟؟

شاطر يوعظنا في التلفزيون .. يروح يعدل حاله أول

**جمرة غضا** · 22-06-2009, 12:13 AM

اقتباس:

المشاركة الأصلية كتبت بواسطة المقاااطع 999

حسبي الله ونعم الوكيل

تفتح أبواب السماء لــ دعوه المظلوم

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
انواع عرض الموضوع
العرض العادي الانتقال إلى العرض المتطور الانتقال إلى العرض الشجري