لا يسمعونكم التجار ترا يرفعون اسعار المواد الاساسية

مشكورة بلورة

المشاركة الأصلية كتبت بواسطة جمرة غضا

جربي يا البلورة الفشل طريق النجاح
ان ما نفعت خلكم على شراء الجبن السائل مستمرين .... لكن صنعوا الجبن الابيض واللبنة في البيت فيه طرق مجربه وسهله وتوفر لكم كثير

جاري التجربه مره وثانيه

وان شاء الله تنجح

المشاركة الأصلية كتبت بواسطة alzuhary

لا يسمعونكم التجار ترا يرفعون اسعار المواد الاساسية

مشكورة بلورة

ما راح نسمعهم الا كل ما يرفع ضغطهم

وبندور على بدائل والله يغنينا عن كل تاجر جشع

العفو

المشاركة الأصلية كتبت بواسطة جمرة غضا

جربي يا البلورة الفشل طريق النجاح
ان ما نفعت خلكم على شراء الجبن السائل مستمرين .... لكن صنعوا الجبن الابيض واللبنة في البيت فيه طرق مجربه وسهله وتوفر لكم كثير

اعطينا الطريقة

المشاركة الأصلية كتبت بواسطة alzuhary

اعطينا الطريقة

تفضل
سبق ان كتبتها هنا
https://www.mqataa.co/vb/showthread.php?t=14063

المشاركة الأصلية كتبت بواسطة جمرة غضا

تفضل
سبق ان كتبتها هنا
https://www.mqataa.co/vb/showthread.php?t=14063

مشكورة جمرة ، ولو تدري عنك شركات الالبان تعاقدت معك

طريقة وحدة تطلع لك اللبنه واللبن والزبادي
اول شي حليب سواء بودرة او حليب بقر طازج
يسخن على النار وقبل ما يفور (يغلي )يفقل عليه وتخليه لين يدفى (لا يبرد ) وكل لترين حليب حط عليه علبه زبادي وحركه حتى يختلط مره وغطيه وحطه في الفرن واكيد ان الفرن مهوب شغال بس نبي مكان يساعد على الزبادى على تخمير الحليب وتخليه لمده 12 الى 10 ساعات
بعدها يكون عندك زبادي جاهز
اذا بغيت لبن تاخذ منه وتحط عليه شوي مويه ويخلط ويصير لبن
تبي لبنه تاخذ الزبادي المحضرة وتجيب (انا شارية غترة مخصوصه للبنة ) وتصب الزبادي فيها وتربط الغترة بقوة تصير زي الصرة
وتحطها بمشخاله وتحت المشخالة تحط يا بادية او زبدية بس لازم تكون عميقة ماابي الغترة توصل للقاع وتحطها في الثلاجة لمده يومين حتى تنزل الموية كلها من الغترة وتصيرعندك لبنه ..
المويه اللي تنزل تسمى شرش فيها فائدة لكن البعض مايفضلها يرميها ممكن تاخذها وتحل فيها الزبادي عشان ا للبن بدل الموية
........................................
الجبن بعد سهل مايبي له شي
تجيب الحليب الطازج (اذا ماعندكم بقرة فيه مزارع قريبة من الرياض تبيع حليب بقر طازجة توه محلوب او استخدم اي حليب طازج تلقاه في ثلاجات المحلات
خذ كم لتر لانه بعدين يقل حجهم
خذ مثلا 4 لتر وخلهم على النار وقبل ماتغلي بشوي حط عليه شوي ملح ون بغيت حبه سودا
ووقت غليه حط عليه اقل من فنجان شاهي خل وحركه شوي راح تلقى الحليب تغير لونه وصار مصفر وبدا يتكتل خله شوي وقفل عليه النار
جب قدر وفوقه مشخاله وحط على المشخاله غترة وصب الحليب المجبن عليه وضغط عليه عشان تنول الموية وحط فوقه اي شي ثقيل قدر فيه مويه ابريق فيه موية وحطه بالثلاجة يوم كامل
بعدها فك الغترة تلقى الجبن جاهز قطعه وحطه في علب وصب عليه من الموية عشان تحفظه وفوقه شوي زيت زيتون (يحفظه عن الهواء) يقعد حول 12 الى 14 يوم وطعمه مرةممتاز
عاد انتم بالخيار وقت اكله تخلونه سادة او بنعناع وزيت زيتون او بشطه وزيتون

ركــزوا على الجبنه السـايـله ..
و بعد ماتجربون اعطونا النتيجه لانها مهمة وعليها طلب من الأطفال .
ولا أقدر امنع اطفالي من الجبنه السايله .. يموتون من الجوع

مشكورة جمرة ، ولو تدري عنك شركات الالبان تعاقدت معك

يخلي بركة البيت جدتي وأمي
اعطوا المراعي والصافي الضربة القاضية واستحلت منتجاتهن البيت

المشاركة الأصلية كتبت بواسطة خالد 1

ركــزوا على الجبنه السـايـله ..
و بعد ماتجربون اعطونا النتيجه لانها مهمة وعليها طلب من الأطفال .
ولا أقدر امنع اطفالي من الجبنه السايله .. يموتون من الجوع

نصيحة الجبن السائل صحيًا لا يحبذ الإكثار منه
لأنه يفقد الكثير من عناصره غير إنه مليان دهون
الجيد أن تعلم أطفالك على التنوع
اللبنة افضل نوع