السلام عليكم اخواني

منتدى عامر انشالله
حبيت اقولكم شي عن باسكن روبنز انه من فتره قريبه صار يبيع الاضافات للآيسكريم مثل الصوص والمكسرات بزيادة ريالين وقبل كانت مجانيه

بس اللي محيرني اني شريت من اكثر من فرع وبعضهم يحطوها مجانيه زي فرع التخصصي تقاطع الملك عبدالله اللي جنب كودو حتى سألت البياع (هندي) قلت له الصوص والمكسرات بفلوس قالي لا مجانا !!!!
لكن فرع المصيف وفرع حي التعاون اللي بشارع ابو بكر يبيعو الاضافات بـ ريالين
مادري يعني هل المشكله من البياعين ينصبون على الناس ولا كيف احد يفهمني
واللي مو مصدق يقدر يتأكد بنفسه

بعضكم يشوف الريالين تافه بس حتى ولو في ناس تدور على هالريالين في هالبلد

ومـيـد اغلب المواد الغذائيه عنده يزيد عليها نص ريال غير عن المحلات الباقيه

شفطونا اللي مايخافون الله

يالله ان تحيه وش فيه الفيمتو المثلج بكيس

بعضكم يشوف الريالين تافه بس حتى ولو في ناس تدور على هالريالين في هالبلد

صدقت ما شجع المتلاعبين إلا هالأشكال
يحسبون لو دققوا بريال إنه عيب !
لكن حنا لا ...والله رياليين غالين وغالين عندنا .....حتى الربع ريال غالي عندنا
باسكن امريكي والكثير مقاطعة من شان كذا
والمفروض يخفض بأسعاره ..
لكن غريبة وش فرقه عن العام !!
العام بــــوقت الغلاء القوي العالمي
كان يقدم عروض ممتازة قوية ووومجانية
نصيحة اتركوه غير إنه قام يتلاعب بسعره تحسه
كله دهن ....كريمة فل دهوووون
تضرب بــالكوليسترول والدهون الثلاثية نسب

والله يا أخي نفس المشكلة حصلت لأخي ، مر على اكثر من فرع واسعارهم متفاوته
مع العلم بأنه طلب نفس الطلب ، وهذا دليل أن التلاعب من العمالة على ما اعتقد .

المشاركة الأصلية كتبت بواسطة جمرة غضا

يالله ان تحيه وش فيه الفيمتو المثلج بكيس

ياااالله ياجمرة عندكم في الرياض زي كذا؟؟؟
ومازل متداول عندنا بجده واكثر اماكن الانتشار (( جده القديمه))

يا......................... aymens
لازم تاكل ايسكريم من الشركات الاجنبية
حط توت في الفريزر واذا ثلجت كلها .
الى متى الشركات يمتصون في جيوبكم .

المشاركة الأصلية كتبت بواسطة ياحظ يرحم امك ركز

ياااالله ياجمرة عندكم في الرياض زي كذا؟؟؟
ومازل متداول عندنا بجده واكثر اماكن الانتشار (( جده القديمه))

ايه عندنا

اهلا بك اخي الكريم aymens

بالنسبه للماركات مثل باسكن روبنز وغيره ... الموجود عندنا هو مجرد شعار الشركة الرئيسيه فقط

او العلامه التجاريه للشركة على المحل والعلب فقط .

اما المواد الداخله في التصنيع كلها من حليب ندى والري وانت ماشي

وتباع للمواطنين على انها ماركات اجنبيه .

مرحبا أخي الكريم وشكرا لك على النصيحة والملاحظة القيمة ,,,

ونحن أيضا نرد لك النصيحة بمقاطعة المنتجات الأمريكية واليهودية
لأن أمريكا تزود الصهاينة بالأسلحة وهذه الأسلحة تحتاج إلى المال

وأمريكا لا تبيع البترول اذن من أي تأتي بكل هذه المليارات
بالتأكيد من الصناعة والتجارة ومن الزراعة والحكومة الأمريكية تأخذ ضرائب كبيرة على الشركات
وهذا يعني أن جزء من أموالك التي تدفعها لشركة أمريكية سوف يذهب للحكومة والتي بدروها سوف تدعم اسرائيل .

شرفنا في منتدى مقاطعة أعداء الاسلام , حياك الله
https://www.mqataa.co/vb/forumdisplay.php?f=32

مشاء الله ثلاجتكم حلوة وجديدة يا جمرة غضا

يا أبو حظ مركز : يا زين جدة ومنتجاتها الشعبية
بس مثل ايسكريم الهنداوية ما فيه

غريبة,,يعني الحين صارت الإضافات عندكم بفلوس،عندنا في المدينة من يوم عرفت باسكن والإضافات بفلوس.