جاني يوم الخميس مندوب من شركة عبداللطيف جميل قسم لكزس في مكتبي وقال ابعطيك سعر خاص لسيارة لكزس 460 ال اس 2009 م كاش او ايجار منتهي بالتمليك

بيني وبينكم قلت خلوني اخذ الرجال على قد عقلة

قلت الله يبشرك بالخير كم السعر كاش

قال الكاش بالشركة 369 الف ريال والعرض الخاص لك 300 الف ريال بس كاش

قلت واذا بغيت ايجار منتهي بالتمليك قال كم تبي تدفع دفعة اولى قلت اقل شي كم تقبلون

قال اقل من 100 الف الشركة ماتقبل لان عندها نظام مانقدر نتعداه قلت ايه هين كمل والقسط الشهري

قال القسط الشهري 8000 ريال وتنحسب عليك السيارة 422 الف ريال

شافني الرجال ما اعجبني كلامة قال ابسوي لك عرض على مسؤليتي الخاصة وانا عارف ان الشركة بترفضة بس ابتحمل الكلام من مديري واتعدى قانون الشركة

قلت ياخي ترا وراي شغل اعطني من الاخير وناقز فوق قوانين شركتك وانظمتها

قال ابشر انت كم تدفع دفعة اولى قلت ماعندي شي قال حاول تدبر لو 10 الاف ريال دفعة اولى قلت تم ادفع لك دفعة 10 الاف ريال

قال زين تدفع دفعة 10 الاف وقسط شهري 8000 ريال

قلت لا مقدر

قال ادفع 5000 ريال

قلت تم

قال زين دفعة اولى 10 الاف وكل شهر 5000 على 48 شهر

قلت زين كم الدفعة الاخيرة

قام يخربط في الالة الحاسبة اللي معاه وقال تدفع 150 الف اخر دفعة وتتملك السيارة

قلت عز الله ماتاخذونها ولا ابي سيارتكم

المهم الرجال حاول من هنا ومن هنا وطلع برا وكلم تلفون ورجع مكتبي وهو يضحك

قال اكيد الوالدة داعية لك قلت ايه هين امي ماتت من 8 سنوات الله يرحمها ويغفر لها عاد

قلت بيني وبين نفسي الكلام ذا

المهم الرجال قال كلمت المسؤلين بالشركة ونزلوا لك من الدفعة الاخيرة 50 الف ريال يبغون يكسبونك عميل

قلت يارجال ادفع لك 100 الف ريال قيمة سيارتين اخر دفعة حرام عليك

المهم طلعة ونزلة مع مندوب عبداللطيف واخذت العرض هذا للكزس 460 ال اس 2009

كاش بـ 300 الف ريال مع ان سعرها الاساسي بالشركة 369 الف ريال

ايجار منتهي بالتمليك

دفعة 10 الاف ريال

قسط شهري 5000 ريال

ودفعة اخيرة 50 الف ريال تقسط كل شهر 3000 ريال يعني مو كاش

قلت ابشر خليني افكر وارد عليك لاني بصراحة العمل معطيني لاندكروزر 2008 وماني محتاج سيارة الان بس عرضك حلو ولو تقدر تجيب لي اقل من كذا ازين بعد

الرجال قال ابحاول لك بس ماتفشلني قدام الشركة وراح اجيب لك عرض اقل من كذا

واخذ كرتي واخذت كرته على امل الحصول على سعر اخر وسوف ازود المنتدى باي عرض اخر يقدمة لي

هذا ماحصل لي مع مندوب شركة عبداللطيف جميل في مكتبي بتاريخ 16-4-2009م الساعه 11 صباحا

وهذا يدل على ان الحملة ناجحة وقاصمة لظهر عبداللطيف جميل لان سعر لكزس بامريكا بكامل المواصفات و 2010 لاتتجاوز 155الف ريال كاش وتتقسيط بدون فائدة تذكر

وخلوها تصدي

تم نقله
شكرآ اخوي المقطعه

المشاركة الأصلية كتبت بواسطة ياحظ يرحم امك ركز

لكزس 2009 ..... Ls 460 تباع فيوكالة عبداللطيف جميل

بـــ 348 ألف !!!!

الآن بإمكانك تملكها عن طريق استيرادها من أمريكا مباشرة عن طريقمكاتب الاستيراد في جدة والرياض

شحن 6000 ريال + جمارك 7000 ريال + سعرها 142 ألف =
المجموع 155 ألف ريال فقط

واصلة إلى ميناء جدة خلال 45 يوم ........
واكثر الوكالات هالايام شغالين تصريف بسياراتهم
ععلى ظهور الضعوف بعبارة
ععلينا الدفعهالاولىوالمصاريف الاداريه واللوحات
عبس تكفى تعااااال

خلوووووووووووووووووووووووووها تصد ي ي ي ي ي ي

قيمتها كثيرة عليها
خلوها تصدي

خلوووووووووووووووووووووووووووووووووووووها
تصددددددددددددددددددددددددددددي ي ي ي ي ي ي ي ي

خلووووووووووووووووووووووووووووووووووووووووووووها تصدي وتحلي ويعرضها في الجنادريه اخر شي

نشوووووووف عروضهم في الخفاء ياشين الجبن شيناه

ياشين الجبن شينااااه

السلام عليكم ورحمة الله وبركاته

يعني نقص لك السعر ويضرب عليك بالقسط الاخير

خلوها تصدي

اقول لو اني منك كان قلت تبي ادفع لك الف ريال كل سنة بالتقسيط

كاش 300 الف وتقسيط
10 الاف مقدم
5 الاف بالشهر على 48 شهر.
50 الف دفعه اخيره...

اجمالي قيمة السياره 290 الف ؟؟؟

انت صاحي والا تكذب علينا يعني بالتقسيط ارخص من الكاش؟؟؟