يعني انا شايف اتجاهكم كله على السيارات ما فكرتوا انه في كمان نصب
من شركات الجوالات ؟؟؟
اول احب اقولكم شي واحد انا كنت موظف في شركة الحداد للأتصلات
وهاذي الشركة اكبر شركة نصب شفتها في حياتي.
مع انه رواتبها مغريه بس تجي اخر الشهر الراتب كله انخصم
عن طريق عدة اسباب:
1- لمن تتأخر الدقيقه في اول تأخير لك في الشهر تكون بريال
والتأخير الثاني بيكون الدبل وكل تأخير على هاذا الموال انا كان راتبي
2500 راتب اساسي 1200 بدل اضافي 700 ريال بونص شهري
يعني 4400 ريال استلم راتبي اخر الشهر 2900 يعني 1500 ريال
فين راحت معا انه اكون اتخأرت في الشهر قريبا 5 الى 6 مرات.
2- اذا انسرق عليك جهاز يخصم حق الجهاز كامل من راتبك بقيمة البيع
وليس بسعر الجمله يعني عندك مثلا جوال e71 قيمته في المعرض 1750ريال
وقيمته في الجمله 1400 ريال يعني ياخوي الحداد ناصب مو كاسب منك 350 ريال
بس ابغى اعرف وين حماية المسهلك عنه.
بالله انته لو صاحب محل تسوي اللي يسوه هذول الحراميه ولسى ما خلص كلامي
انتى يازبون لمن تجي تشتري جوال ليه ما تلف وتتعب نفسك شويا بس والله بتلقاه
ارخص من الحداد ولا يغرك الضمان ما في شي اسمه ضمان الضمان رب العالمين
لمن تجي تصلح الجوال اول شي يقولك موضف الصيانه يبغاله سوفت وير عشان يضمن
منك خمسين ريال عشان تعرف انهم نصابين وثاني شي ما عندهم فنين صيانه
انا اللي ابغي اوصله لكم في موضوع شفته في المنتدى هو اللى حمسني انا اسجل وانزل موضوع
في هذا الخصوص الجوال اللي قال عليه 5800 تعرفو كم سعره في الحداد للاتصلات 1650 ريال
وتعرفوا كم سعره في مشاعل العاصمه
http://www.m2telecom.net/site/index.php?action=one_sanf&id=188
بس حبيت اني اوضح لكم استغلال الشركة وصل لأي حد نبغى وقفتكم ضد امثال هاذي الشركه
ما احب اطيل عليكم روحو مراكز الجوالات وقارنو الاسعار وانت تعرف بنفسك

حياك ..
ما اهملنا إي شي يخص المستهلك المنتدى شامل بكل مايخص المستهلك بكل النواحي من الناحية الصحية والترشيد مرورًا بالمواد الغذائية ومحلات التجارية والشركات ومواد البناء والسيارات وغيرها
هذا قسم خاص بالاجهزة الالكترونية اضغط عليه
الأجهزة الكهربائية والالكترونية

وهذا موضوع عن اسعار الجولات وفيه مواقع تخبرك باسعارها داخل وخارج المملكة
موقع لمعرفة اسعار الجوالات قبل الشراء ‏( 12)

لكن سؤال هل مشاعل العاصمة مضمونه كشركة ؟؟؟ انا اطلعت على اسعارهم من قبل لقيتها جد منافسه
اخذت برمضان نوكيا n95 الفلندي مش الصيني بالفين وميتين ولقيتها في شركة مشاعل العاصمة 1500 ريال تقريباً!!!!
بصراحة انغثيت

ينقل للصفحة المناسبة.

اخي العزيز انا اختلف معك بالنسبة الى سياسة الحداد مع موظفيها على حسب كلامك
انا الي اعرفه الي يقصر في العمل بصفة عامة لازم يتحمل ذلك مهما كان العمل
واتفق معك بخصوص الاسعار وازيدك من الشعر بيت 90 % من البضايع الي عند الحداد صينية كان معي مندوب لهم يجيب اغراضهم من الصين قابلتة بالصدفة بالطائرة واصبح بيننا صداقة الى الان

اجهزه صينيه وأشتري من الحداد الضمان بـ 10 ريال وبيع الجهاز بالمحلات ويقلك ضمان الحداد ويكسب مبلغ كبير ولما يخرب جهازك وتروح للحداد تلاقي انو الضمان مضروب

وكمان مالقيتوا الا الحداد تشتروا منه

شخص جاتله وكاله من الصين جوالات تقليد نظيييفه درجه اولى يحلف على كلامه العيب بس سفت وير المهم حكالي حكايت الحداد يجيب الاجهزه من الصين ويبيعها اضعاف المكسب قووووي حسبتها معاه وقوتله اذا تبغى تكسب بيع الجهاز ولا تغير في شيء يعني لاتزور ضمان وسوي من عندك ضمان تقدر تطلب قطع ومهندسين سواء صين او فلبينيه ولا تحط استكر وتقول هنقاري او فلندي بيع واكسب بالحلال واكسب سمعه نظيفه صح حتلاقي مشاكل بسبب كل ما احد يدخل المحل ويقلك صيني حيبطل بس وريه المميزات والخامه النظيفه للصناعه الصينيه وسعر أقل وضمان محل الشخص لما يجرب ويعرف انك بيعت شيء نظيف هو الدعايه لك

اود ان اعلق على الكاتب كاتب الموضوع بالنسبة لسياسة الحداد مع موظفية هذا شأن داخلي و من نقص في عملة بطبيعة الحال لن يتساهل معهة صاحب العمل والظلم حرام لا صاحب العمل يظلم الموظف ولا الموظف يستغفل صاحب العمل . واما عن سياسة بيع الحداد فهو امر يستحق الوقوف عنده وخاصة في الظمان . وقد استغل فكرة الضمان ابشع استغلال والاسواء انه لايوجد ضمان . نصيحة للمستهلكين ابتعدوا عن كل نصاب يقول لك ضمان وبعدين في الاخر لاتجد الضمان . لانريد احدا ان يسكت عن باطل .
المسالة الثانية ارجو تحديد كلمة تقليد . بمنظوري ان كلمة تقليد تطلق على المنتجات والبضائع التي تحمل نفس علامة الشركة الاصلية وقد قام احد صغار النفوس وعديمي الضمائر بتقليدها ليستغل شهرة تلك الشركة وقام بغش للناس وسرقة مجهود الشركة في الترويج. واما الصنف الثاني فهو شبيه الاصلي في الامتيازات والقدرات ولكن باسم مختلف وبنفس اسم المنشاء الاصلي ( مثلا صنع في الصين ) فهذا ليس تقليد وانما تنافس شريف . ولنا وقفة مع ( Made In China).

انا اشكرك اخوي وصدقني راتبك مره قليله ومالهم فضل عليك.

وانا لسى شاري جوال من اكسيوم نوكيا 5800 بسعر 1450ريال.

الكثير يرفض التعامل مع الحداد وجدت ذلك على زجاج المحلات بالعبارة هذه ( ممنوع دخول مناديب الحداد )