الحـبيـب ما هــو حـبـيــب - الصفحة 3

**جمرة غضا** · 11-05-2008, 06:51 PM

هو ناقص طريق خريص زحمة
الحبيب يبني مستشفي جديد على طريق خريص
اشوف لوحاته على المبنى

**ابو بندر** · 16-05-2008, 06:07 PM

حسبنا الله ونعم الوكيل

**أبوخالد** · 03-09-2008, 04:30 AM

مركز سليمان الحبيب وصل الخليج الآن.

الصراحة المركز فيه أساتذة وأسماء رنانة لايشق لهم غبار وفيه مجموعة جزارين و سباكين.

لكن الأكيد أنه من يوم ماصار الطب تجارة أنعفست الأحوال وضعف كثير من الأطباء للأسف أمام
الإغراءات المالية واللي باع الضمير واللي دعس عليه واللي رماه بأطرف برميل.

حسبنا الله على وزارة الكحة وكليات الطب الجامعية اللي راتب الإستشاري فيها مايتجاوز 15000 ريال
بينما مستشفيات القطاعات العسكرية والتشغيل الذاتي أقل راتب إستشاري 40000 ريال.

**أرخصوه أنتم** · 03-09-2008, 04:59 AM

الحبيب للأسف مركز تخصص في نهب الجيوب
لي تجربة شخصية معه للأسف كانت مريرة:
مرة قدر الله علي ورحت له لعلة شكوت منها، وكانت هذه العلة يمكن علاجها من قبل استشاري في ...واستشاري في... أي العلة مشتركة بين تخصصين جيت عند الأول وطلب فحوصات مالها داعي وتجاوزت 2000 ولما تعبت منه ومن وجهه رحت عند الثاني ولما قعدت عنده قال : انت تعال عندي راجع أنا صاحب التخصص الدقيق وطلب فحوصات أخرى
شكيت في المسألةوحسيت إنها تجارة ونهابة كل يبيني أفحص عنده وأراجع.
طلعت ورحت إلى اخصائي أقل منهما في مستشفى آخر ولما فحصني قال الأمر طبيعي ولا يحتاج أي فحوصات وخرجت منه بقيمة الكشف فقط مع العلم أن المستشفى الأخير أهلي وليس حكومي والطبيب أجنبي وليس سعودي
والحبيب صاحبه سعودي والطبيبن اللي حصل منهما الموقف معي كلاهما سعوديان
الله المستعان.

**tala** · 13-09-2008, 03:50 AM

مستشفى الحبيب
هدفهم مادي فقط. خصوصا قسم الاسنان....دكاترتهم ما يمك احد...وتحديدا اللبناني اللي اسمه رافي الله لا يوفقه .. نصيحه لا احد يروح له ترا راح يطلع فيك الف عله وانت ما فيك الا العافيه واتلاتها يمسط منك مبلغ وقدره وليته على عافيه!!...حسبي الله ونعم الوكيل عليه وعلى اللي حطه...

**ابو خالد220** · 12-11-2008, 09:47 AM

مركز "الحبيب" يجب ان يبدل اسمه إلى مركز " شفط ما في الجيب" !
يكفي ان نعلم أن اسعار الفحوصات والتحاليل والأشعة لديه عشرات أضعاف سعرها في المراكز الطبية الاخرى!
هل تعلم ان سعر الأشعة المقطعية لديه يتجاوز قيمتها " الفين ريال" !!
وبإمكانك ان تعملها في أي مركز طبي متخصص آخر بمبلغ لايتجاوز 400 ريال على أبعد تقدير .

**طرطور يطارد صرصور** · 23-11-2008, 01:43 PM

حسبي الله عليهم حسابن شديد كل يومن يزيد

قبل كم سنة رحت للدكتور سلطان العنيزان ( ابوعنز) الله لايوفق الظالم وكان فيني ثالول

والكشفيه 350 ريال هذي اول شفطه

كشف علي قال لازم كي بالتبريد نشوف اذا راح زين واذا ماراح نستمر معك بالكي

قلت كم جلسه طيب

قال مقدر اعطيك وقت محدد

وبدا والله لايوريكم انواع الجزارة

رحت له ثلاث مرات ولا لقيت فايده وحده حسبي الله عليهم

وتخيلوا كل جلسه بـ 300 ريال الله ينتقم منهم وجعل كل ريال اخذوه يصرفونه على صحتهم ان شالله يارب

المهم صدفه ( صدفه ومن بين كل الناس طفروني )

بالصدفه لقيت اعلان بجريدة عن دكتوره جلدية مصرية بمستوصف عادي جدا

رحت لها واخذت كشفيه بـ50 ريال وعطتني تركيبه خاصه للثالول من المختبر حقهم بـ50 ريال

المجموع 100 ريال فقط

والله اني حطيتها على الثالول لمدة 3 ايام بعدها اختفت على طووووووول ماشاء الله لااله الا الله

والحبيب الله لايحبب خلقه فيه ولايباركله هو وعنزه

شفطوا مني حول 1500 ريال مالقيت اي نتيجه

الله حسيبهم وينتقم منهم

**alzuhary** · 23-11-2008, 01:58 PM

لا تثق في اي مستشفى خاص

**من بعيد** · 13-01-2009, 01:01 PM

للاسف جميع الاطباء الاستشاريين رفعوهم الى 250

اتصلت بالحمادي ولقيت دكتور افضل من اللي عند الحبيب

والكشف فقط 100 ريال

الحبيب يوم اتصلت عليهم وقلت ليه تغلون قال وبكل برود

المستشفيات كلها رفعت اسعارها

قلت

كذاب توي ماخذ موعد وعند برفسور بعد وب100 ريال

لكن النصب في عروقهم

صحيح بقدم افضل الخدمات في المملكه

بس خدماته ما تسوى الفرق هذا

خصوصا ان خدماته اداريه وتنظيمية وليس طبيه

اي انها غير مكلفه

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
انواع عرض الموضوع
العرض العادي الانتقال إلى العرض المتطور الانتقال إلى العرض الشجري