سمعنا قبل كم يوم أن الرز المدعوم وصل بالسلامه

بس كني أشوفه مثل بيض الصعو الي ينسمع عنه ولا يشاف

إلى الحين وينه ... قالوا أنه يجفف

بتقولون وش لون يجفف ....؟

هو طال عماركم الرز لازم يخمر في المويه لين بنبت ثم يقطف ويجفف

يقولوون أن وزارة التجاره حقتنا الي هو حنا يالسعوديين المساكين

من حرصهم ماقطفوه إلا في الطياراة والبواخر بتقولون ليه ...!!

لأنهم يبون يلحقون على السعوديين ويقدمون لهم الأرز المدعوم

لذلك مايمديهم يقطفونه في الطياره والباخره ثم يعطوناه على طول

لأنه بيسبب لنا المغص .


ممكن أحد يدلي علينا بدلوه أو يقول لنا نكته


تدرون ليه ....!!

لأن شر البلية مايضحك

لابد من انشاء الجمعيات التعاونيه المدعومه من قبل الدوله في كل مدينه وبهذا الحل تريح الدوله راسها من التجار وتريحنا معاها ومحد بيفكر يرفع السعر الا مطعم البيك < مستحيل احد يوصله بالطعم

والله ياحبيبي كل شي تحت تصرف الدوله بس الدوله الله يصلح
بطانتها أو يأخذهم أخذ عزيز مقتدر والله ما أهلكنا إلا هالبطانه
الفاسده .

بعدين وش دخل مطعم البيك ...!!!

مع أحترامي للجميع أقول أنه عادي بالمره بس الناس مع الخيل ياشقرا

أقدر أشبهه أو أفضل عليه بكثير مطعم الأفندي بالرياض