السلام عليكم ورحمة الله وبركاته

أخاصمك آه .. أسيبك لأ

سعادة الباشا وزير التجارهالسعودي ... حفظه الله

اتقدم إليكم أنا رجب السيد عفيفي .. مدير عام سوبرماركت المسعودي لترفيه الشعب السعودي .. بهزا الخطاب الكريم

انا يا باشا ...زعلان منك أوى .. والواد تامر ابني زعلان كمان .. والبت جيجي بنتي ... زعلانه منك برضو.. وحابين نقولك على رأي ربة الصون والعفاف ... الأنسة الكريمة نانسي عجرم

نخاصمك آه .. نسيبك لأ

إزاي يا باشا ... سعر الرز يطلع ... ولا تبلغنا نعمل حسابنا في العدس والرز المصري الأصيل .. الرز إلي جي من النيل .. بلد الهرم .. بلد سعد باشا زغلول

وكمان الرز الهندي ... إلي عندنا مرطرط على الرفوف في السوبر ماركت.. حنعمل بيه إيه بئه سعادتك ؟

نيابة عن الجالية المصرية ... المقيمة بصفة شرعيه وغير شرعية ..وعن كل عامل اجنبي عنده سوبر ماركت وبيدفع للكفيل خمسمية ريال ... أحب أحييك من حشاشة ألبي من جوه .. واعبر لك ... عن كل فرحتي بتشجيعك للصناعة المصرية ... العدس والرز المصري

فيها أيه يعني .. لما يعملوا الكبسة المنيلة بتاعتهم ... بالعدس ابو جبه بتاعنا .. ولا بالرز المصري .. دا حتى الولاد ... صحتهم حتبئى كويسه و حيربربوا ... وتبقى صحتهم ...فشر جموسه في كفر ابو العنين

بس انت حضرتك ...معرفتش تلزئها كويس .. ايه اليورو والكلام إلي اكبر مهطول حدانا في البلد ما يسدقهوش ... يا راجل ... ( يورو أيه إلي انت جاي تقول عليه )

كنت قولت يا باشا .. ان الرز الهندي بيجيب السرطان ... وخطر أوي على اصحاب الونيتات أم غمارتين ... ويأثر على الرجوله

ولا لقيتوه ...منتج دنماركي ... دا حتىعلى الأقل ... حتبقى بطل قومي

ما كنت قولتهلم .. البترول طلع ... ووصل تمانين دولار ينطح دولار... ولازم الرز والسكر والحليب وكل حاجه تطلع .. ماحنا بتوع البترول .. لو طلع نطلع معاه

ولا ...كنت طلعت ... واديتها كم قرار جامدين من بتوعك .. على البهوات التجار ... ينزلوا الأسعار ... و هو يعني ... من إمتى قرارات حضرتك لامؤخذه .... بتتنفـــــــز

أنا لما سمعت الخبر الجميل ده من بؤ حضرتك ... كلمت الواد مرسي أخوي الصغير .. ما انت عارفه واد جدع أوي.. يروح اوام اوام ... ويعمل سجل تجاري بحق وحئيئي ... بعيد عنك

ونعمل في مصر ام الدنيا ...مكتب إستئدام للعماله السعودية بإزن الله .. وحنبقى نكرمك ...أول ما تطلع معاش وتشرفنا

أوعى يا باشا ...حد يقولك .. إن الشعب بيدعي عليك .. ابدا ... ابدا . الشعب بتاعكم ده ...عايز يعيش سفلئه على حساب الحكومة ... صحيح ناس ما بتخافش ربنا ... ولا عندها ضمير

ولا حد يقولك ...استقيل علشان الناس ديه ... ما توقفش أدامك يوم القيامة .. اوعى ... لحسن تزعلني منك .. لحسن بعدين المكتب بتاعنا حيبور

أنا عايزك جامد ... تمام التمام .. وإيه يعني ... لما تطنش موضوع أرزاق الناس وأكلهم .. مانت ياما طنشت كتييييير قبل كده

هو انت فاضي انت ولا الوزاره للكلام الهايف ده ... دا انتوا وراكم مسؤلية ... ربنا يعينكوا

بص لوزير الصحه واتعلم .. دي أسعار الأدويه بئت نار .. والباشا ولا بيهمه ... جامد بحق وحئيئي

يا باشا .. كلام الكبير كبير .. وإلي مش عجبه ... يشتكي للغرفة التجارية .. لأن حأ الشكوى مكفول للجميع طبعا.. .. وبعد ما يشتكي .. يبئى يخبط دماغه في الحيط

ابنكم المحب

رجب السيد عفيفي

ههههههههههه

في الصميم....

يوسع صدرك يارجب بيه

نتنظر المزيد من ابداعات رجب

.. يبئى يخبط دماغه في الحيط

ياواحد ببالي ودي ينخبط راسه بتريلا

ينصر دينك ياعفيفي بيه..

يسلم بؤك عم عفيفي
عشره على عشره

إبداع في الصميم
النقد التهكمي

ـههههههههههههههـ

لا .. ويقولوا ماعندنا ديموقراطية...

من حق المواطن أن يشتكي لمن يريد من المسؤولين .. و من حق المسؤول تطنيشه.


مشكور على المقال أخي الكريم.

عفيفي انهار اخيرا

الواد عفيفي قدع أوي