يالله في هالموضوع كل واحد يحس انه مظلوم وماكل تبن وكاره الحياه وشايف ان رجلينه ( مش قادره تشيله ) يحط خطه حياته ورغباته وسأقوم انا مشكورا بمساعدته نقطه نقطه حتى يوصل لمرحله الاكتفاء الذاتي وتتحسن نظرته الى الحياه ان شاء الله.

الشروط :
1/ لابد تكون سعودي.
2/ لابد تكون عاقل واعي ( مايهمناش ذكر والا انثى ) مسلم .
3/ عمره فوق مرحلة المراهقه المبكره وطبعا اصغر من المراهقه المتأخره <= لعانه .

اسئله يجب الاجابه عليها:
1/ الحاله الاجتماعيه الحاليه.
2/ المهنه الحاليه.
3/ الراتب الحالي.
4/ السكن ( ايجار- ملك) والتكلفه الشهريه.
5/ الهوايات ( غير الشيشه ).
6/ التدخين ( smoker or nonsmoker ).
7/ الهدف من الحياه.
8/ نقاط مهمه لك حتى تكون سعيد ( يعني وش تبي تملك حتى تشعر بالسعاده)
9/ الراتب اللي تتمناه حتى تشعر بالامان المادي.
10/ احلامك ( يسمح بالشطحات في هذه النقطه ).
11/ العمر اللي تتمنى كل شي يتم فيه ( يعني لو عمرك الحين 21 وتبي تستقر بحياتك يوم يصير عمرك 30 ).
12/ مواصفات شريكه حياتك < قلبناها اعلان زواج ( تجاهل هذه النقطه )
12 / هل ترغب بان تكون شريكه حياتك موظفه ( نعم او لا ).
13/ مؤهلاتك.

وان شاء الله افيدكم وتستفيدوا مني ومن بعضكم.

قفله

لابد تكون لدينا روح مرحه وبنفس الوقت ساخطه على كل شيء حتى نقدر نعيش < يازيني ساكت

تسلم يا كيموس .. القناعه مطلب ضروري ومهم بالنسبة لموازنة الحياة المعيشية .. لكن وش الدبره إذا كانت ظروف الحياة المعيشية نفسها ما تساعد على تنظيم المصرفات مع مراعاة الدخل الشهري لبعض المراتب وغلاء المعيشه ...

1/ الحاله الاجتماعيه الحاليه.
متزوج
2/ المهنه الحاليه.
موظف قطاع خاص للحكومة فقط
3/ الراتب الحالي.
10000> مخصوم منه 7000 ريال
4/ السكن ( ايجار- ملك) والتكلفه الشهريه.
ايجار 2000 ريال
5/ الهوايات ( غير الشيشه ).
الدوام 12ساعة والنوم 7ساعات والباقي في الاكل والسوق
6/ التدخين ( smoker or nonsmoker ).
smoker
7/ الهدف من الحياه.
كان فيه ضربة جزاء وضاعت في سوق الاسهم
8/ نقاط مهمه لك حتى تكون سعيد ( يعني وش تبي تملك حتى تشعر بالسعاده).
بيت ملك فقط
9/ الراتب اللي تتمناه حتى تشعر بالامان المادي.
إذا جاء البيت اقتنع بــ 5000 ريال
10/ احلامك ( يسمح بالشطحات في هذه النقطه ).
ما فيه احلام صارت كلها كوابيس .
11/ العمر اللي تتمنى كل شي يتم فيه ( يعني لو عمرك الحين 21 وتبي تستقر بحياتك يوم يصير عمرك 30 ).
قبل التقاعد
12/ مواصفات شريكه حياتك < قلبناها اعلان زواج ( تجاهل هذه النقطه )
رضينا بالمقسوم
12 / هل ترغب بان تكون شريكه حياتك موظفه ( نعم او لا ).
يا ليتها كانت موظفة ( لا احد يعلم إم العيال)
13/ مؤهلاتك.
دبلوم هندسة كهربائية(كهربجي)

كيموس تشكر على طرحك هذا
جاوب على الاسئلة علشان نستفيد منك او انت مخالف الشروط

وان شاء الله افيدكم وتستفيدوا مني ومن بعضكم.

(وين استفادتك من الاعضاء)

/ الحاله الاجتماعيه الحاليه.
اعزب مجرور على وجهه

2/ المهنه الحاليه.
موظف في شركه

3/ الراتب الحالي.
مالي راتب محدد يعني كل شهر يختلف عن الثاني مره تحت ومره فوق بس ما يتعدى 3500

4/ السكن ( ايجار- ملك) والتكلفه الشهريه.
ساكن مع الاهل . ايجار طبعا بتكلفة 2500 في الشهر بيني وبين اخواني

5/ الهوايات ( غير الشيشه ).
الاستقعاد للبنقاليه

6/ التدخين ( smoker or nonsmoker ).
يس (ما اعرف انقليزي)

7/ الهدف من الحياه.
حققت الهدف بس بعد الهدف طلع لي وزير العمل وقال معليش الهدف تسلل

8/ نقاط مهمه لك حتى تكون سعيد ( يعني وش تبي تملك حتى تشعر بالسعاده)
بيت ملك والزواج

9/ الراتب اللي تتمناه حتى تشعر بالامان المادي.
15000

10/ احلامك ( يسمح بالشطحات في هذه النقطه ).
شراء بيت

11/ العمر اللي تتمنى كل شي يتم فيه ( يعني لو عمرك الحين 21 وتبي تستقر بحياتك يوم يصير عمرك 30 ).
احتفظ بالسؤال لنفسي

12/ مواصفات شريكه حياتك < قلبناها اعلان زواج ( تجاهل هذه النقطه )
لاتعليق

12 / هل ترغب بان تكون شريكه حياتك موظفه ( نعم او لا ).
نعم

13/ مؤهلاتك.
ثانويه عامه وادرس دبلوم شبكات

1/ الحاله الاجتماعيه الحاليه.
متزوج
2/ المهنه الحاليه.
موظف شركة (احتمال استقيل في اي لحظة اذا عندك وظيفة لا تقصر)
3/ الراتب الحالي.
ماني سامع السؤال !!! لو سمحت ارفع صوتك
4/ السكن ( ايجار- ملك) والتكلفه الشهريه.
ايجار 27000 ريال واشوف راعي الشقة يلف ويدور الله يستر.
5/ الهوايات ( غير الشيشه ).
انام واصحى ارتاح شوي وارجع انام مرة ثانية
6/ التدخين ( smoker or nonsmoker ).
smoker
7/ الهدف من الحياه.
تأمين مستقبل ابنائي (ولد وبنت الله يحفظهم) ورضى الوالدين ولا ابي شي ثاني
8/ نقاط مهمه لك حتى تكون سعيد ( يعني وش تبي تملك حتى تشعر بالسعاده).
ابي املك راحة البال وبس
9/ الراتب اللي تتمناه حتى تشعر بالامان المادي.
ما اقدر احدد الحين لاني اخاف اقول 30000 يصير كيس الرز ب1000 ريال واللبن ب50 اذا رسينا على بر مع التجار علمتك.
10/ احلامك ( يسمح بالشطحات في هذه النقطه ).
لا تعليق
11/ العمر اللي تتمنى كل شي يتم فيه ( يعني لو عمرك الحين 21 وتبي تستقر بحياتك يوم يصير عمرك 30 ).
40 يعني بعد 12 سنة ما ادري يمدي والا لا !!!!
12/ مواصفات شريكه حياتك < قلبناها اعلان زواج ( تجاهل هذه النقطه )
مافيه خيارات ؟؟؟
12 / هل ترغب بان تكون شريكه حياتك موظفه ( نعم او لا ).
والله انت بتوهقنا مع ام العيال بس افضل تكون غير موظفة لان وظيفة المرأة تربية الابناء. الا اذا كانت عقيم ناخذ موظفة
13/ مؤهلاتك.
جامعي الا ربع

مقاطعتهم <= انا مش سعودي ما تنطبق علي المواصفات والا ماتشوفي ردود الاعضاء في المنتدى

1/ الحاله الاجتماعيه الحاليه.
متزوج والحمدلله.

2/ المهنه الحاليه.
موظف في مقهى انترنت .

3/ الراتب الحالي.
2000 ريال والحمدلله.

4/ السكن ( ايجار- ملك) والتكلفه الشهريه.
ايجار سنوي 16000 ريال ( اربع اوض وصاله وحمامين اكرمكم الله ومطبخ دور خامس من دون اصنصير ( مسوين رجيم انا والمدام والطلوع للبيت رياضتنا ).

5/ الهوايات ( غير الشيشه ).
الشتشته < سابقا وبشكل عام الكمبيوتر والقراءه < مثقف مرررهـ

6/ التدخين ( smoker or nonsmoker ).
في الطريق للتوقف عنه ان شاء الله.

7/ الهدف من الحياه.
مساعدة اولادي حتى يرتاحو في مستقبلهم ان شاء الله وتكون حياتهم افضل من حياتي.

8/ نقاط مهمه لك حتى تكون سعيد ( يعني وش تبي تملك حتى تشعر بالسعاده)
سيارة نظيفه وشقه تمليك وعمل ثابت.

9/ الراتب اللي تتمناه حتى تشعر بالامان المادي.
5000 تعتبر بالنسبه لي مبلغ مميز ثابت اذا ارتحت من الديون.

10/ احلامك ( يسمح بالشطحات في هذه النقطه ).
اصير مسئول عن مكتب العمل والعمال والا وزارة التجاره.

11/ العمر اللي تتمنى كل شي يتم فيه ( يعني لو عمرك الحين 21 وتبي تستقر بحياتك يوم يصير عمرك 30 ).
اتمنى بحلول ال 50 سنه اكون ارتحت من كل شي وبدأ اولادي في اقليام بخطواتهم الاولى لسوق العمل.

12/ مواصفات شريكه حياتك < قلبناها اعلان زواج ( تجاهل هذه النقطه )
قلنا تجاهل .

12 / هل ترغب بان تكون شريكه حياتك موظفه ( نعم او لا ).
نعم موظفه دوام جزئي وراتبها يروح ( اغراض نسائيه ) مع القليل من المساعده في امور البيت الله يخليها لي

13/ مؤهلاتك.
خبره ذاتيه في التعامل مع الكمبيوتر ( صيانه وادارة وتركيب شبكات + صيانه اجهزه الكمبيوتر ) وبعض المتفرقات يمين ويسار والشهاده الثانويه والحمدلله مع اجادة تامه للغه الانجليزيه رطناً وكتابه والوم نفسي لاني ضيعت الفرص اللي جاتني ابتداء من الثانويه اللي لعبت فيها ( وماقبتش مقموع كويس ) ومن ثم الفرص اللي وفرها لي البابا للدراسه في جامعات خاصه وبرضه قررت الصياعه الداخليه يعني بالعربي الحمدلله على كل حال كبرنا وعقلنا بس بعد مافات الفوت .

1/ الحاله الاجتماعيه الحاليه.
متزوج والله يرزقك الذريه الصالحه.
2/ المهنه الحاليه.
موظف قطاع خاص للحكومة فقط مرتاح ان شاء الله
3/ الراتب الحالي.
10000> مخصوم منه 7000 ريال ماوضحت وش سبب الخصم
4/ السكن ( ايجار- ملك) والتكلفه الشهريه.
ايجار 2000 ريال يعني بالسنه 24 الف ريال ( ليه ماخذ بهذا المبلغ وش اللي جابرك ياليت توضح )
5/ الهوايات ( غير الشيشه ).
الدوام 12ساعة والنوم 7ساعات والباقي في الاكل والسوق
6/ التدخين ( smoker or nonsmoker ).
smoker اذا وقفت هالعاده بتوفر اكثر من 200 ريال شهريا
7/ الهدف من الحياه.
كان فيه ضربة جزاء وضاعت في سوق الاسهم ( سوق الاسهم ومساهمات سوا دخلناها مدرعمين ونطمح بالثراء السريع من غير ماندري شي عن طبيعة السوق ولحد يقول الحكومه وغيرها احنا دخلنا بانفسنا الى سوق يحتل الربح والخساره ونستاهل اللي جانا بصريح العباره ) انا خسرت 75 الف ريال بالسوق والحمدلله رب العالمين على كل شيء .
8/ نقاط مهمه لك حتى تكون سعيد ( يعني وش تبي تملك حتى تشعر بالسعاده).
بيت ملك فقط مافهمت سالفة راتبك حتى اقدر ابين لك نقطه الحصول على بيت ملك
9/ الراتب اللي تتمناه حتى تشعر بالامان المادي.
إذا جاء البيت اقتنع بــ 5000 ريال عجبني فيك قناعتك وان شاء الله يجيك البيت.
10/ احلامك ( يسمح بالشطحات في هذه النقطه ).
ما فيه احلام صارت كلها كوابيس نقول الحمدلله رب العالمين ترى للحين وضعك حلو وماشي حاله يا اخي في ناس تعتبرك من اغنى الاغنياء وامنيات حياتهم الوصول لنصف مستواك
11/ العمر اللي تتمنى كل شي يتم فيه ( يعني لو عمرك الحين 21 وتبي تستقر بحياتك يوم يصير عمرك 30 ).
قبل التقاعد ان شاء الله
12/ مواصفات شريكه حياتك < قلبناها اعلان زواج ( تجاهل هذه النقطه )
رضينا بالمقسوم
12 / هل ترغب بان تكون شريكه حياتك موظفه ( نعم او لا ).
يا ليتها كانت موظفة ( لا احد يعلم إم العيال)
13/ مؤهلاتك.
دبلوم هندسة كهربائية(كهربجي) برضه شي مميز فيك انك اتجهت للعمل الحرفي وماسويت مثل معظمنا ماشاء الله عليك

اذا كان راتبك 3000 ريال فقط هذا يعني 36000 الف ريال بالسنه واذا كنت الحين تمشي امورك ولو بالمضاربه انصحك تنقل من بيتك حاليا الى شقة ارخص ( بتلقى بحدود 15 - 18 الف ) ممكن مايكون بنفس الفخامه بس الاكيد انه موجود وبتلقى ووفر المبلغ الفائض اللي بيكون سنويا حول 6000 خلال عشر سنين صار عندك 60000 ريال ( راتبك اكيد بيرتفع خلال هالفتره وبتوفر اكثر ) لما توصل الى 100 الف ريال دور على بيت شعبي في احد الاحياء واشتريه وشوي ترميم وربي تطلع لك فيلا مومعقوله بالداخل.