دخلت أحد التموينات أمس لشراء ( طبق ) زبادي ( 6 ) حبات

طبعاً كان يباع بـ ( 5 ) ريال ، قال لي الهندي : لا ، المراعي

مافيه عرض ، قلت له طيب وش اللي عليه عرض قال لي :

زبادي نادك أو نجديه تشتري 6 حبات بـ 5 ريال ،،،

رحت رجعت المراعي وأخذت نادك !

معروفة أخي العزيز البضاعة اللي ما تمشي أو التعبانة ينزلون عليها عرض

الجيد مو مثل الردي و أنا أخوك

و المثل يقول الغالي سعره فيه

و الواحد من حقه ينتقد لمن يكون فيه ارتفاع في السعر أما ليه ذي الشركة تنزل عرض و ذيك لا فهذا عايد لكل شركة

مادام إن الزبادي بريال خلاص

تاخذ واحد نادك بريال

تاخذ واحد مراعي بريال

طيب وين المشكلة؟

حبيبي شكلك فهمت غلط

من زمان كانت كل الشركات تنزل عروض على طبق الزبادي

يعني 6 حبات بـ 5 ريال ، المراعي شالت العرض !!!

احس انه عاادي هذاا السعر ولا باااس بريال واحد

بس نااضر المنتجات الاخري


زي جبنه البقرات الثلاث وغيرهاااااا

زبادي المراعي بالفواكة من 1 الى 1.5 يعني الزيادة 50% ... سرقة في سرقة ..

مادام أن علبة الزبادي بريال


فأرى أنها مناسبة

خاصة أني لا أشتري في الأسبوع إلا 3 حبات

وكان الشي هذا عرض

للشركة الحق في الرجوع عنه .

نادك أطعم من المراعي ....ماعمري فكرت أشتري منتجات المراعي ماعدا القشطه في رمضان ...ونستغني عنها ...


أصلا المراعي حليبهم فيه ريحة ( خرفان ) ...

ع فكرة
مراعي يقولون حنا شركة وطنية
بس اقري مقر الصنع بتلقاة بلد اوروبي مثل قشطة
او يقولك صنع خصيصا
ههههههههههههه
صبح صبح يا حماية المستهلك

المراعي هم وعلبتهم المصغره من تحت لتقليل الكمية

عندك الصافي وعندك ندى ونجدية و نادك وووو ماهي مشكلة البديل موجود

وإذا تبي زبادي صح رح لمزرعة حفر العتش يبيعون عند المحطة

تنبيه هام

يجب ملاحظة أن أكثر أنواع الزبادي الذي يكون فيه عرض يكون بكمية أقل

فقارن وسوف تلاحظ الفرق

يعني المراعي 180 جرام والأنواع الأخرى 150 جرام فقط


180 في 6 يساوي 1080 جرام

150 في 6 يساوي 900 جرام فقط

أي ناقض 180 جرام وهو قيمة الفرق الواحد بالضبط

يعني في الحالتين 180 جرام بريال سواء أخذت هذا أو ذاك


أظنكم فهمتم الموضوع جيداً


شكرا للجميع