ظنكم تنجح المقاطعه؟

**مقاطعاتي للأبد** · 24-08-2007, 01:07 AM

والله انا متشائم وحاس ان تعبنا وتعب القائمين على المنتدى بيروح هدر .

ليش انا متشائم ؟
لان عامة الناس مادروا عن المقاطعه ؟
ليش؟
لانهم مايدخلون النت .
وش الطريقه في رايكم انا ودي اوصل للناس وخاصة اقربائي بس وش اقول لاتشرون رز ؟ لاتشرون لبن المراعي ؟ بيقولون لك لدد المراعي احسن من غيره
وشلون نفهمهم خاصة ان بعض الناس ماتفرق معه ريال او نص في المنتج .

انا اليوم بديت مقاطعة المراعي لانه كان مستحوذ على ثلاجتي وشريت لبن ندى . وشو من لحيه ؟

**ابو مالك** · 24-08-2007, 01:31 AM

اخوي بارك الله فيك من تجربة الدنمرك المقاطعة سلاح قوي وفعال لكن اهم شئ العزيمة والحمد الله الدعوه سهله والبديل موجود ولكن انت احرص على نفسك والباقي يجي.

اما بديل للبن فعليك بلبن المزرعه ممتاز او لبن الشنانه 2 لتر ب 5 ريال وممتاز الى استخدموه.

اما الناس فاقول لك لا السعودين صاروا اكثر وعي من اول فالنص من الريال يعني 50% وهذا جنان عرفت الناس صارت تلاحظ في قوتها كيف تفرق .

والله الموفق اخوك المحب ابو مالك

مستهلك ذكي · 24-08-2007, 01:32 AM

تحياتي لك
حتى لو قاطع الأ اللي يعرفون هذا المنتدى يكفي
لو كل واحد طبق المقاطعة على نفسة وبيتة يكفي
أنا كل مرة أروح للسوق وأشتري الأشياء اللي سعرها
معقول وأتجنب وأقاطع اللي رافع سعرة أحس براحة
نفسية !! (( اخوك , ابو زياد ))

**الدائرة مستطيلة** · 24-08-2007, 02:00 AM

الجميع متفائل .. بنجاح المقاطعة

وأنا وكل الأخوان اللي يستخدمون رسائل الجوال كان الهدف أشخاص مايستخدمون النت
ولا لهم إطلاع لا على ( منتدى مقاطعة ) ولا على مواقع ثانية داعمة للحملة ..

لكن الجميع على يقين إن المجالس بدأت بالحديث عن ارتفاع الأسعار ..
والقادم مذهـل أكثر !

**الساهر1** · 24-08-2007, 02:27 AM

اذا كنت تنتظر نتائج المقاطعة خلال ايام
فأقول لك ... مستعجل
عن نفسي اتوقع اذا استمر نشاط الأعضاء والإدارة في هذا المنتدى والعمل بجد وعدم استعجال النتائج اتوقع ان نحقق نتائج ملموسة خلال ستة اشهر من الآن
يعني نحن بحاجة الى وقت طويل حتى تصل رسالتنا الى كل المستهلكين

من ستة شهور الى سنة
يمكن ان نحق النجاح
بشرط عدم التخاذل

**هدهد سليمان** · 24-08-2007, 03:01 AM

يكفي جواب اخونا فعال

**ابوانس** · 24-08-2007, 06:03 AM

اهم شي ان الواحد يسوي الى علية والباقي على اللة

**ناصر** · 24-08-2007, 06:10 AM

بأذن الله تنجح

**وش ذنب الفقير** · 24-08-2007, 06:27 AM

:: تفائلوا بالخير تجدوه ::

=-=-=-=-=-=-=-=-=-=-=-=-=-=

«®°·.¸.•°°·.¸ التغيير لن يكون حتى نبدأ بأنفسنا¸.•°°·.¸.•°®»

ولا ننسى إن هناك

(( أناس ))

لا يجدون قوت يومهم قبل إرتفاع الأسعار فما بالكم بعد إرتفاع الأسعار

وش ذنب الفقير .:.:.:.:. وش ذنب الفقير .:.:.:.:. وش ذنب الفقير

وش ذنب الفقير .:.:.:.:. وش ذنب الفقير

وش ذنب الفقير

::::::::
::::
::
.

24-08-2007, 07:05 AM

باذن الله ان المقاطعه راااح تنجح بس ياليت بعض الاخوان الي يرسلون رسايل على الجوال
يكتبون اسم الشركتين المستهدفه ليوم الثلاثاء الموافق 15/8/1428هـ 1- المراعي
2-نستله ولا يزيدون عشان ما يتشتت ذهن المستهلك والباقين بالطريق ان شاء الله