قد نسمع احيانا عن اتحاد الاجانب ونسمع بالمجالس الهرج الكثير

ونشاهد اشياء نستغربها ولكن نأخذها على حسـن نية نقول يمكن
ويمكن
مساكين حراام خلهم يترزقون ....

ولكن لايصدق الانسان حتى يجرب بنفسه
مااطيل عليكم:

اخذت اجازه في اخر رمضان وذهبت للاهل بالمنطقة الوسطى والتقيت بقريب لي عنده مؤسسة تجارية في بدايتاها وهي لتوزيع المواد الغذائية

قلت هاه : كيف الامور يابو عادل
قال : والله ماشيه بصعوبه متعبنا التوزيع والتعامل مع هالهنود
قلت : لا ماهو صحيح لاتظلم المساكين
قال : مساكين !!! اللي يدري يدري واللي مايدري يقول خمشة عدس
المهم
شدينا بالكلام قلت انا بجرب بنفسي وانا فاضي واعتبرني مندوب عندك هاليومين
قال ابركها من ساعه نستفيد منك قرشين ... مع اني اشك

طلعت من بكره بالدنا ومعي سائق لكي يدل الاماكن قلت انت لاتنزل انا بنزل واتفاهم واسوق واتعامل ...اوكي ok

لحسن الحظ كان هناك منتج جديد داخل على المؤسسة ويحتاج لتسويق ( توليت هالمهمه )
اول محل
كان هندي من كيرلاااا
طبعا نزلت لحالي والسيارة بعيد ومعي المنتج
وهات ياكلام وبعدين هات ياتودد وبعدين هات ياترجي حتى ينزل مني ويشتري بالاجل بعد !!!! وزين وافق

قلت ماهي نظرية اللي بعدووووو

دخلت على ابو فسـ....) كما يقال عنهم يحسبني زبون ابتسم وبعدين يوم دراء اني مندوب صفطني انا وطاقيتي وبعد عشر دقايق ناظرلي لين مابقى قطو بالبقاله

صديق بليز هذا كويس وكوالتي ومن هالكلام
قال لا ... مدير مافيه موجود ...... ومن هالاعذار


اللي بعدو واحد حضرمي من اليمن
شاب عمره لايتجاوز خمسه وعشرين تحته اربع من ابناء جلدته بنفس العمر تقريبا
بمحطة اجارها السنوي 900 الف ريال يعني مليون بس للبقاله @!!!!!

هاه يابو يمن وش قلت عن هالمنتج
قال واللهي غالي
المهم يادوبك اقتنع

والمحطه اللي بعدها نفس الجنسية ونفس الشاكله
قال اسفين.. ظف اغراضك
ومحاولات ومحاولات وجداااااال ..قلت ليش ماتشجعون السعودي ؟! كلنا عرب ياخي ( صرت انا الاجنبي)
قال تدري شلون والله علشان خاطرك ابي اخذه ماراح يجينا فيه مكسب

قلت احمد ربك عشرين بالميه مكسب شي طيب

قال ياخي ياخذ علي حيز ومافيه فايده يعني اذا ماهو دبل الربح وإلا مايصلح خصوصا هالاشياء يقصد ( بساكيت وحلويات وفشارات )

قلت في قلبي اهااااااا اثاريكم تقصبونا قصب
يشترون الدرزن بعشره ويبيعونه بميه

المهم اخذت يومين على هالشغله لكي اروي غروري واستطلاعي على مايدور بهذه المافيا الغريبه وعرفت انهم متحدون ومن استكشافي وسؤالي للعمال البائيعن

بعض اهل المحطات يقولون لنا عدة محطات على الطرق السريعه وعمنا .... هو اللي مشغلنا طبعا عمهم منهم وفيهم من نفس البلد


اما الهنود رحت لمحل جمله كبير
واحاول بالهنود ورفضوا قال كويس جاء مدير كبير
مادريت الا المحل فز من اول لاخره كان داخل عليهم شيــخ جليل او سموه حفظه الله
واطالع الا قطعة هندي ... شبعان نوم ومايشوف الدنيا شي وكل اللي عندي يرقلوون
تذكرت بعض الافلام الهندية وافلام البشوات

المهم ياالله عطاني وجه كبيرهم وسالني سؤالين وصفطني ماهو فاضي الملايين تدخل الحسابات وله عدة محلات جملة حلويات ومحلات مواد غذائية كبيره بالبلد ... بعدين عرفت



رجعت لبو عادل وقلت كان الله بعونكم يالسعودييـن
قال يارجال انا مرات لاصرت فاضي اروح وماحد يعطيني وجه .. قلمااااا
مع العلم ان حساباتهم مليانه من جيوبنا
ومع العلم اني ابيع اجل والدفع عند التصريف

قال سائقه الخاص هذولا الاجانب مايشترون الا من الاجانب وعرفت ان هذا هو سر المهنه

وتأكدت من هالكلام بعد ما دخلت في مافيا الحضارم والهنود واكتشفتها من قريب

وبعدين عرفت تفسير الروئى والاحلام
وعرفت ان معظم التجارة تدار بإيدي ...... !!!!!


سؤال اخذ يراودني من يومها
ياترى هل العيب فينا ؟ ومن يتحمل العيب
الشعب ام الحكومة ام طفرة النفط والرفاهية


كان ودي اطول بالشرح والتعليق بس خفت من ملل القارئ وحروفي الممله


تحياتي لكم وتقبلوها بصدر رحـب
واسف اذا جرحت شعور اي شخص قد وكـل هنود ويمانيه على حلاله.



===حقوق النسخ مسموحه====

المافيا صحيح اعضاءهاو من يديرها اجانب
لكن تأسست بايدي سعوديين
ولاتتأسف لهم ماعندهم شعور لالنفسهم و لالوطنهم و لالمواطنيهم
شعورهم لفلوسهم بس

[


كان ودي اطول بالشرح والتعليق بس خفت من ملل القارئ وحروفي الممله

بالعكس كلامك جميل ولا فيه ملل وتمنيت امثله اكثر والله هذي معلومه اول
مرة اعرفها انهم يسندون بعض.

بس للأسف السعوديين لهم دور يفتح محل بأسمه ويسلمه للأجنبي
وله نسبه أخر الشهر وهم يلعبون فينا الله المستعان

في محل حلويات مشهوره جدا في الرياض
اخوي سأل اللبناني انت هنا براتب
جواب اللبناني لا السعودي راعي المحل له راتب مني!!!
شي يقهر وطننا يتحكم فيه عمال جو شحاتين وصاروا تجار
ومؤسف ومحزن ان السعودي يقعد يترجى الاجنبي على لقمه عيشه
هذا الواقع اللي نعيش فيه
اجل المستقبل وش بيصير
ياليتك استرسلت في موضوع يامقاطع من الجبيل

بسيطة الحل عندي وانا بو هندي ( بس مو من الهنود حقونك يامقاطع )

سو نفسك هندي ولا ابو يمن ومشي امورك

دحرق البلية على قولة المصريين والرزء يحب الخفّية

دخلت على ابو فسـ....) حلوه هاذي عجبتني

ولا تدري دور لك كفيل وضبط امورك

من يقرأ كلامي يطري على باله اثنين اجانب يسولوفن مع بعض صح ولا لا؟؟

وياخوفي لا نوصل في يوم من الايام لها الحال

الله يستر

هناك بالفعل مافيا من الأجانب ضد أي سعودي يدخل السوق في أي مجال.

فتحت محل صغير في محاولة لتحسين وضعي المالي (زجاج و مرايا) و كان عندي عامل هندي أعطيه راتب 1200 ريال شهريا.

فوجئت به في أحد الأيام يبلغني بأن أحد أبناء جلدته جاء إليه و عرض عليه العمل في محل منافس براتب 1400 ريال و سكن و وجبات مجانية .. فقط ليترك محلي بخبرته التي إكتسبها لدي (عندي معدات لاتوجد لدى غيري من محلات الهنود والبنغالة) و يعمل لديه.

من حسن الحظ أن هذا العامل كان أمينا و لم يغدر بي و أبلغني بالأمر.

لكنه للأسف ذهب في إجازة ليتزوج و شكله نقل من هناك مكان ثاني.

الله يعينك اخوي مقاطع فعلا مافيا على قولة مقاطعتهم

كنت احسب اول التجاره سهله فلوس وبس لكن الان قبول او عدم قبول بالمكان!!

والله معاناة فعلا المواطن مغلوب على امره متى يصحى ضمير المسؤولين الكبار

ويشوفون المواطن بعين الوطن . . . . لو كان البقالات والمجلات التجاريه ماسكينها سعوديين

كان ماصار فيها مااافيا عماله خارجيه

على ضوء القصه بقول لكم سالفة البنغالي ......

فيه عندنا بنغالي بالعمل جاي براتب 400 ريال فقط والله اني اذكر انه يتسلف اول ماجانا العمل

وبدون جوال اما الآن معاه جوال ويسدد فواتيره باكثر من راتبه ضعفين والتلفون مايسكت كل شوي

يرن عند راسه لانه ممر مكالمات دوليه يعني بمعنى الكلمه طايح بنعمه

الحقيقه ان العماله أجبروا السعودي صاحب المحل على الراتب اللي يقوله اللبناني .. لأن ابو فسيـ .... على ما قلت لو ما أجرهم المحل يا انهم يتركونه أو يخربون المحل عليه .. يعني ماكلها .. الله يعين .. الاجيال قادمه .. واحنا رايحين في خرايطها .. وش بيصير للضعوف اللي بعدنا ......

نعم العيب فينا ومنا

والحل هو مزاحمتهم ومحاربتهم ،، لا برزقهم ،، بل بطرق مكسبهم

يشتري الشي بريالين ويبيعه بعشره طيب ليه ،، المحل الفلاني يبيعه بخمسه ،، قال تقليد ،، وهي اصلا كلها مقلده ،، الشكوى لله

العربيه للعود صاحبها سعودي بس للاسف اللي مستفيد منها مصري يعني السعودي اسم بس ،، وماتشوف الاجانب عندنا يبغى يتزوج سعوديه

والله ياناس ارض السعوديه فيها خير كثير ،، لو شبابنا تركوا ابواب التوظيف ووزارة العمل واوهامها ،، كان كل واحد مبسوط ببيته وعند حرمته

مقاطعتهم

كلام سليم

وقد تأسست بالصدفه ومن غير تنظيم كلن ينظم نفسه وحسابه
ومشت الامور الى ان اصبحت هكذا ونقدر نسميها مافيا غير منظمه بين المؤسسين


شكرا لك