حلاوة العيد

**ابو سديم** · 09-10-2007, 06:13 AM

بما ان الايام هذي موسم لشراء حلاوة العيد حبيت اذكر قصه لصديقي مع محل شكولاته.

كان صديقي دائما يشتري من محل حلويات وشكولاته ويبيعه السوري شكولاته يدعي انها بلجيكي (وان كنت لا اصدق كلامهم فهي وطني او سوري) بسعر 90 ريال بعد الخصم. وبعد فترة تكونت صداقه بينهما ، وذات مرة طلب كيلو كالعادة وعند الحساب قاله السوري حسابك 35 ريال . فنظر صاحبي له وقاله خلي صداقتنا جنب انا ما ارضى لك الخسارة . رد السوري والله انا مو خسران تكلفتها عليه مع الصحن وكل شي 33 وانا ابي منك ريالين مكسب فقط.
عندها ذهل صاحبنا من جشعهم.

اوردت القصة للتأكيد على النصب الكبير في الحلويات وبالذات هالعيد، والدعوة لكل من يعرف محل يبيعها بسعر معقول ان يذكره مساعده للناس وشكر لصاحب المحل على عدم استغلاله للناس.

**مقاطع من الجبيل** · 09-10-2007, 11:41 AM

السوري
واليماني

والهندي
حتى البنغالي

كلن يقص علينا

**بريق الصحوة** · 09-10-2007, 11:43 AM

حسب الله عليهم

**جمرة غضا** · 09-10-2007, 12:20 PM

اكب نصابين راعيين الحلويات

ترا اغلب المحلات ما تبيع حلويات الا لبنانيه وسوريه وسعرها من 90 الى 200 ان كان عليها كرستال
فيه التاجيه بشارع احمد بن حنبل حلويات سعرهامعقول سوريا بس من نخب ممتاز
تبي شكولاه اصليه مافي الا باتشي على ان سعره غالي بس فرق بطعمها
او محلات اللي في شارع ثمانين هذي ارخصهم
ماينا
جوي
سو
اماجهينه غلا اسعاره كثير
هديا العيد للاطفال جهينه تبع الوحده 15
لكن زينها بنفسك ارخص
عني جبت حصالات اشكالها حلوه من رامز على ريالين وعبيتها لهم حلويات ماكلفت شي وحطيت فيها العيديه لهم يالله خليهم يفرحون

**كاش** · 09-10-2007, 12:27 PM

ابو سديم ... تكفا جب لنا اسم المحل عشان اللي ياخذ كيلو منه من اخواننا المقاطعين ... يحذف عليه 35 ريال ويمشي ويخليه ..

**yas** · 09-10-2007, 12:44 PM

حسبنا الله ونعم الوكيل

**ستيف جورج التميمي** · 09-10-2007, 03:01 PM

مقاطعتهم لا تنسينا تفرحينا وتعيدينا
والي في الرياض يا جماعة الخير يروح للديرة بجوار شارع المكتبات وفيه هناك جملة الحلويات ويبعون بالكليو ويكون سعر ببلاش (( عاد لا تصدق ببلاش يعني مجاني - يعني رخيص مره ))
و اشوف فيه عروض على الحلويات في المحلات الكبرى (( العثيم - بندة - المخازن الكبرى - جيان ))

**سلم** · 09-10-2007, 03:33 PM

ريح بالك وخلي عندك ثقافه بنده عنده حلاوة فاخره الكليو 29.75

**هاكوناماتاتا** · 09-10-2007, 08:13 PM

انا كنت اخذ من حلويات فخمة بالقصيم كويسين والسلة عندهم من 80 وطالع
جاء واحد من الشباب وقالي رح اشتر سلة من ابو ريالين واشتر كيلو وربع بــ50
وتطلع احلى سلة حلاو بــ52
ابكتب موضوع عن هالشئ

**ابو سديم** · 09-10-2007, 09:39 PM

انا دائما اخذ من سنابل السلام بسعر 130 ريال للكيلو مع زعمهم انها بلجيكي وسويسري. جيده ولكن اغلب الظن انها صناعة سوريه. مع انها جيده الا انها سوريه وبهالسعر صعبه شوي.

البديل قد يكون احد محلات الحلويات المتناثرة في الرياض.