الله يحرق البنك السعودي البريطاني( ساب )

**المنطق** · 03-10-2007, 04:24 PM

بسم الله الرحمن الرحيم

السلام عليكم ورحمة الله

مقهوووووووووووووووووووووور ومغبووووووووووووووووووووووون

البنك السعودي البريطاني( ساب) سرقني ..سرقني...سرقنييييييييييييييييييييي

راتبي حولته عندهم قبل كم سنة لأجل آخذ قرض والقرض يجر قرض ولا حول ولا قوة الا بالله بسبب مانعانيه من شح وقلة ذات اليد في كل شيء

المهم قبل كم شهر اتصلوا علي وقالوا الآن خدمة تداول من ساب مجانا اشترك مجانا بدون رسوم قلت مادام مجانا اشترك ماني خسران شيء يمكن احتاجها في المستقبل : أحلام × أحلام

وعبيت الاستمارة حقتهم الله لايبارك فيهم ولا يوفقهم لادنيا ولا آخره تكفون قولوا آمين

وقالوا انتظر لين يجيك الرقم السري
.... ومرت الايام ونسيت الموضوع ولا أخذت لارقم سري ولاغيره

قال تداول قال أنا مديون وراتبي ممصوص مص منهم ومن ...... منين اتداول وأشتري وأبيع اٍهم

المهم ياخوان اليوم رحت ابصرف الالفين ريال اللي باقية من الراتب تفاجأت الرصيد لايسمح؟؟؟!!

كييييييييييييييف؟؟ فلوسييييييييييييييييي دراهمييييييييييييييي واحاول مرة ثانية نفس النتيجة

اتصلت عليهم ورد علي الموظف بعد جهد جهيد ومكافخ مع جهاز الرد الآلي

وشكيت له الوضع طلب مني الانتظار وبعد شوي أخبرني :

هذي طال عمرك رسوم الاشتراك في تداول ساب !!!!!!!!!!!!!!

وانبه يانايم

طيب قلتله انا لاعندي اسهم ولا تداول انتم عرضتوها علي مجانا بدون رسوم وعبيت الاستمارة وبس لاتداولت ولا اخذت الرقم السري

رجعوا فلوسيييييييييييييييييييي العييييييييييييييد قرب

ولكن بلا فاااااااااااااائده

بالله عليييييييكم هل هذا يرضي احد ؟؟؟؟؟؟؟؟؟؟؟؟؟ هل فيه نظام يجيز لهم مافعلوه

سحب قرض 4600 + رسوم اشتراك وهمية 1000 ريال ومتى

في رمضان وعلى قبول العييييييييييييييييييييييد

اسألكم بالله هذي أليست مؤامرة

ولكن

حسبي الله ونعم الوكيل

ولااحد يتعامل مع البنك السعودي البريطاني ساااااااااااااااااااااااب

**بريق الصحوة** · 03-10-2007, 04:47 PM

الله يعوض عليك ولا تقترض من البنك عشان ربا

**المنطق** · 03-10-2007, 04:51 PM

اقتباس:

المشاركة الأصلية كتبت بواسطة بريق الصحوة

الله يعوض عليك ولا تقترض من البنك عشان ربا

الاخ مفتي ولا ايش

وانا ماقترضت الا بعد فتوى شرعيه من المشايخ وموجوده عند البنك وكل الناس تقراها وتقترض

نصيييييحه:

لاتفتي من عندك

فيه قروض ربا لكن ليست التي نتعامل بها

وشكرا لك

**بريق الصحوة** · 04-10-2007, 05:56 AM

اقتباس:

المشاركة الأصلية كتبت بواسطة المنطق

الاخ مفتي ولا ايش

وانا ماقترضت الا بعد فتوى شرعيه من المشايخ وموجوده عند البنك وكل الناس تقراها وتقترض

نصيييييحه:

لاتفتي من عندك

فيه قروض ربا لكن ليست التي نتعامل بها

وشكرا لك

في البدايه شكرك على ردك ولكن انا لم اقول انت اخذت ربا انا اقول عشان القروض ربا بمعنى انهم يضحكون عليك انا تم الاتصال علي من قبل البنك عشان بطاقه فيزا مجانا لمده عام وسحب على الرصيد خمس الاف ريال بس ولكن انا رفض الشغل هذا كلها عشان عرفه حركات غير عاديه وبعدين هم فاتحين عشان سواد عيوني بيسرقون فلوسي وفلوسك وانا قول الله يعنى تعلم لا تقترض منهم افضلك بس

**جمرة غضا** · 03-10-2007, 04:57 PM

يااخي كل بنوكنا ماصين دمنا وعندهم التحايل المبتكر
ولا يهون العم الراجحي
الله يخلف عليك

**ستيف جورج التميمي** · 04-10-2007, 01:35 AM

اذا كنت مو راعي اســــــهم خل حسابك في بنك الراااااااااااااااااااااااااااجحي فهو الافضل في كل شي ما عدا الاسهم والي يقول غير كذا فانه غلطاااااااااااااااااااااااااااان

**مقاطع من الجبيل** · 04-10-2007, 01:56 AM

كلهم حراميه

لكن الشكوى لله ماندري وين نودي الملايين
قصدي الراتب

**السيف** · 04-10-2007, 02:50 AM

البنك الحرامي هذا تصدقون اذا اخذ القسط حقه اول الشهر وصار باقي في حسابي شي ليوم عشرين الشهر على طول يحجز المبلغ الباقي برغم ان الراتب مانزل يعني بالعربي لازم اصفي حسابي قبل عشرين الشهر ولا بيروح الله يخلف لحد ماينزل الراتب الثاني ويفكون الحجز مع العلم بانهم ياخذون قصدهم قبل ماينزلون راتبي في حسابي يعني مافيه امل اني اسحب عليهم و ما ادفع القسط

بعد الي ذكرته فوق وش ترجي منهم حسبي الله عليهم

**المراقب العام** · 04-10-2007, 03:04 AM

اقتباس:

المشاركة الأصلية كتبت بواسطة السيف

البنك الحرامي هذا تصدقون اذا اخذ القسط حقه اول الشهر وصار باقي في حسابي شي ليوم عشرين الشهر على طول يحجز المبلغ الباقي برغم ان الراتب مانزل يعني بالعربي لازم اصفي حسابي قبل عشرين الشهر ولا بيروح الله يخلف لحد ماينزل الراتب الثاني ويفكون الحجز مع العلم بانهم ياخذون قصدهم قبل ماينزلون راتبي في حسابي يعني مافيه امل اني اسحب عليهم و ما ادفع القسط

بعد الي ذكرته فوق وش ترجي منهم حسبي الله عليهم

نفس الحاله اعاني منها في بنك ساب - البريطاني

حجز ما تبقى في الرصيد قبل الراتب بخمسه ايام

حركات مالها داعي مع العلم انهم ما خذين القصد مقدماً مع نزول الراتب السابق

......

الاخ المنطق الله يهون عليك و يخلصك من ها البنك

انا باقيلي شي بسيط من الاقصاد وانتهي وباحول على بنك البلاد ... وارتااااااح .. وتوبة باذن الله اخذ مرابحه

تحياتي