هذا ماحصل معي .. واخوي الصغير .. والبائع حول المراعي !!

**kinder** · 21-09-2007, 03:52 PM

السلام عليكم ورحمه الله وبركاته

بالامس وعند الساعه الواحده والربع تقريبا اتصل السواق من عند البقالة على المنزل ليشتري بعض الاغراض ..

قال له اخوي جب معك 5 حليب و 5 زيادي

قال السواق ما فيه الا المراعي!!

قال اخوي : لالالا المراعي حرامية اسعارهم عالية

انا مدري وش عرفه عن المقاطعه , عمره 15 ولا عنده خلفية بالانترنت ولا شئ !!

قال اخوي : اشتر الصافي اي شئ اهم شئ غير المراعي

قال السواق: ما فيه مرره كل شئ مخلص

الشاهد اضطرينا نشتري المراعي عشان الحليب لاختنا الصغيره

الهدف من القصة هذي :

* تكدس بضاعة المراعي بالاسواق على غير العادة
* معرفة الصغار بالمقاطعة وانه واجب وطني تجاه الجشع

...

الامر الاخر قبل قليل جاء عامل توصيل الطلبات للبيت عشان بعض الاغراض طبلوها الاهل للفطور ..

اكتشفت وجود قشطة المراعي مع الاغراض .. تكلمت مع العامل قلت ليش المراعي تجيبها؟

قالي العامل : اول تخلص بسرعه الحين الشركة حرامية كل يوم ترفع اسعارها وقليل من ياخذها

ويكمل : الزبدة اول بريالين ثم 2 ونص والحين ب 3 .. ما فيه احد يشتري المراعي الحين

هذا حرامي كبير

...

قلت كويس احسن .. خلها تتادب شوي

وراح العامل وانا مبسوط من موقفه وتفكيره .. وباذن الله مقاطعين حتى تغير رايها الشركة

**طير السعد2006** · 21-09-2007, 04:06 PM

اشك في الاخير يسووون عليها عرض خاص

خذ جبنة نادك مثلا واحصل على جبنة المراعي مجانا ههههههههههههه

اواشتر حليب الصافي واحصل على حليب المراعي مجانا ههههههههههههه

الله يعيننا عليهم

**هدهد سليمان** · 21-09-2007, 04:56 PM

هذي صارت معايا قبل رمضان

قلت لاخويه جيب لبن بس المراعي لا

وراح ورجع وجايب المراعي قلت ليش قال والله والله مافي غير المراعي الصافي مخلص

**باسم** · 21-09-2007, 09:44 PM

الحمدلله

وان شاءالله من افضل الى افضل

**خالد** · 21-09-2007, 09:51 PM

يا أمة ضحكت من جهلها الأمم

**مقاطع من الجبيل** · 21-09-2007, 10:33 PM

والله ياكندر

خبر مثل المطر يبهج ويثلج الصدر

تسلم تسلم والله

ويسلم اخوك الصغير

سلم لنا عليه

**المقاطعة سلاحك** · 21-09-2007, 10:43 PM

ما قصرت اخوي وكثر الله من امثالك وامثال اخوك ...
اهم شي يا اخوان انكم تستمرون في مقاطعة شركة المراعي
لان النتائج المرجوة من الحملة يبي لها فترة عشان تبين ...
اصبروا وان شاء الله تجدون ما يسركم كلها مسألة وقت ...

**kinder** · 22-09-2007, 12:00 AM

الله يعافيكم يا اخوان على الردود الي تثلج الصدر

ما قصرتوا وهذا يزيدني حماس على المقاطعة ونشر هذه الثقافة بين اوساط المجتمع

...

الاخ خالد : تشتغل في المراعي؟؟

جالس اشوف كل مشاركاتك دفاعا عنها !!

صدقني كثير من منتجاتهم اعشقها خصوصا اللبن لكن تركته بسبب هذا الموقع الهادف

الله يهدينا واياك

**خالد** · 22-09-2007, 01:24 AM

اقتباس:

المشاركة الأصلية كتبت بواسطة kinder

الله يعافيكم يا اخوان على الردود الي تثلج الصدر

ما قصرتوا وهذا يزيدني حماس على المقاطعة ونشر هذه الثقافة بين اوساط المجتمع

...

الاخ خالد : تشتغل في المراعي؟؟

جالس اشوف كل مشاركاتك دفاعا عنها !!

صدقني كثير من منتجاتهم اعشقها خصوصا اللبن لكن تركته بسبب هذا الموقع الهادف

الله يهدينا واياك

لا والله أخي الكريم ... ما اشتغل فيها ولا لي أي علاقة بها
إنما هو رأي شخصي لي ... وقد قيل: المساواه في الظلم عدل ، وأنا اقول المساواة في المقاطعة عدل
وليكن هدف مقاطعتنا المنتج لا الشركة .. إلا إن كانت الشركة قد قامت برفع اسعار جميع منتجاتها ، وهو مالم تفعله المراعي الا في القليل جداً من منتجاتها .

لك خالص الود ،،،

**المنفلت** · 22-09-2007, 12:09 AM

هذي الاخبار السنعة