عصير تروبيكانا واللعب على الدقون

**كاش** · 15-09-2007, 12:23 AM

السلام عليكم
تتذكرون أول ما نزل عصير تروبيكانا للاسواق ... غطى على كل المنتجات ... بعد فترة بسيطه .. الظاهر قاموا ينقصون من المكونات إلين صار ما ينبلع .. بصراحه كان معجبني لاني كنت ما أستغني عنه في أمريكا في التسعينات (94/95/96) ... رجعت للمملكة وبعدها بفترة نزل عصير تروبيكانا .. استانست ... عطيت أوامر في البيت إنه ما فيه عصير برتقال يدخل البيت غير تروبيكانا لأنه يشبه طعم المنتج في أمريكا ... شوي شوي بدا يسوء الحال .. ويتغير الطعم ... رجعت في أوامري بأن أي عصير برتقال يدخل البيت غير تروبيكانا ... مرت الايام ورجعت لأمريكا ... ياجماعه والله العظيم ان طعمه ما تغير أبدا ... ليش ... وش السبب .. أنا بصراحه ما أدري .. المهم كلمت على شركة تروبيكانا وقلت لهم الموضوع بعد فترة أرسلوا لي شكر ... وهديه متواضعه عباره عن تخفيض لمنتجات تروبيكانا ... وش رايكم في الموضوع.
وسلامتكم.

**عائذ** · 15-09-2007, 12:41 AM

وش رايي ما اقول إلا الله يخلف على مكافحة الغش التجاري وحمايه المستهلك

**هدهد سليمان** · 15-09-2007, 01:20 AM

بصراحه تروبيكانا ماأستسيغ طعمها بالذات البرتقال

ومن زمان ماذقته ،،

الله يعين وبس

**الحاجب** · 15-09-2007, 01:23 AM

تروبيكانا 00منتج امريكي 000وكالته اخذها العمودي 000 تجيه بودرة ويخلطها مع الماء ويبيع

الخطير ان المصنع حقه ما كلف ثلاثين مليون 00اخذ قرض من البنك الصناعي مائتين مليون ريال لحساب المصنع 00ارزاق

abuhisham · 15-09-2007, 01:46 PM

تبغى عصير برتقال أمريكي شد بلده .. خذ عصير "فلوريدا ناتشورال" .

جربته مرة و ناسبني بس بطلت منه لأنه أولا أمريكي و ثانيا سعره أغلى.

**مستر.عادي** · 16-09-2007, 02:16 AM

اقتباس:

المشاركة الأصلية كتبت بواسطة abuhisham

تبغى عصير برتقال أمريكي شد بلده .. خذ عصير "فلوريدا ناتشورال" .

جربته مرة و ناسبني بس بطلت منه لأنه أولا أمريكي و ثانيا سعره أغلى.

فلوريدا عصير أنتاج شركة ندى...
http://www.nadadairy.com/arabic/products_juice.htm

**المنفلت** · 15-09-2007, 02:04 PM

انا كنت اشرب برتقال بعد حولت للفوكة المشكلة بعد ماتغير طعم البرتقال

**kinder** · 15-09-2007, 02:20 PM

تروبيكانا عرضهم الرمضاني رهيب

3 ب 10 ريال !!!!!

**صاادق الاحسااس** · 19-09-2007, 12:40 AM

اقتباس:

المشاركة الأصلية كتبت بواسطة kinder

تروبيكانا عرضهم الرمضاني رهيب

اقتباس:

المشاركة الأصلية كتبت بواسطة kinder

3 ب 10 ريال !!!!!

حلو هالعرض بس الحين الاسواق تفك العلبه وتبيع كل وحده لحالها

بالعقل زي الفيمتو اللي سعره بالكرتون 90 الى 92 وفيه عروض للفيمتو توصل الى 90. هلله يعني بالعقل

يعني 12 حبه بالكرتون تنباع بالعرض يطلع سعر الكرتون 10.80 عشره ريال وثمانين هلله وبدون العرض تنباع الحبه بــ 7.5

شوفوا الظلم

**kaea** · 15-09-2007, 05:08 PM

انا جربته كم مره وما دخل دماغي على انه عصير برتقال فيه طعم غريب مثل المعلبات او عصير تنك او عصير البودره !