هل فعلاً تجارنا جشعين ؟! .. أقتراح لوزارة التجارة

**شعلاني** · 09-08-2011, 10:11 PM

السلام عليكم ورحمة الله وبركاتة

كنت قبل سنوات عندما أقرأ عن جشع التجار عندنا في السعودية أعتقد أن فيه نوع من المبالغة
وأن تجارنا مثلنا مساكين يبحثون عن الرزق الحلال ومايعود لهم بالنفع البسط
وكنت أتوقع أن أجور الايدي العاملة أرتفت وكل شي أرتفع مع هبوط الاقتصاد في عام 2008

لكن ماهي الحقيقة ؟؟
الصراحة أني منصدم جداً بعد ماتوظفت في عدة شركات وشفت بعيني الاستغلال والجشع

أول وظيفة لي كانت في شركة فنادق وشقق مفروشة
وكنت أنصدم عندما أسمع الموظف اليمني يتصل على أحدى الفنادق في أخر الشهر يقول لاتنسون ترفعون الاسعار عشان الرواتب نازلة عشان ماننساكم من "الترقت"!!!

وعند المكرمة الملكية "راتب شهرين" يتصل الموظف اليمني كعادة يحث الفنادق والشقق التابعة لهم برفع الاسعار بهذه المناسبة !!

المشكلة مكاسبهم بالهبل بدون مايستغلون لكن أبن آدم طماع ومايعبي عينه الا التراب
هنا أنا ماأشوف لوم على الشركة المشكلة من المسؤلين في حماية المستهلكين
"من سمح لك .. قال ومن نهاني !!"

الوظيفة الثانية في شركة مواد غذائية
وهذي عاد قمة الاستغلال حتى أن مره الشركة لعب عليها في مناقصة وخسرت حوالي مليونين ونصف أنا قلت عز الله راحو فيها
لكن ماهمم الامر جاء المدير التنفيذي للشركة وجلس مع مدير التسويق والمحاسب ورفعوا
أسعار بعض المنتجات بالهلالات وعوضو الخساره في أسبوع !!

أخر شركة أشتغلت فيها شركة معارض سيارات
قمة الاستغلال والجشع
يعرضون سيارة مثال كامري 2011 سعرها الحقيقي 90000 ألف
يحطون عرض وأزعاج كامري 2011 حصرياً بـ 99999 ألف ريال + هدية أيفون سعره لايتجاوز الفين ريال!!
والمشكلة الزباين مخ مافيه ماتشوف إلا أتصالات وأزعاج الى الان والعرض فيه والا أنتهى
وإذا أشترى واحد من بكره جاب ولد خالته وبعض أصدقائة !!

حتى أن المسوقين أحياناً يجرون بالزبون والله العرض موقف تعال بعد يومين ولا أسبوع عشان يعلقون الزبون .. ويعطون عرضهم قيمه

والله أنواع الاستغفال والسرق

والي قاهرني أكثر إذا جلسنا نتقهوى مع راعي الحلال (المدبر الرئيسي للسرق)
يجلس يتفلسف عن الدين والاخلاق وأن الواحد يدور على الرزق الحلال ويبعد عن الحرام عشان يوفقه الله ومن هالكلام
والله وهو يتكلم لو أنا ماأعرفه قلت ليت الناس كلها مثله في الدين والخلق
لكن للأسف هذا هو النفاق بعينة

طيب والحل ؟

الحل موجود أن وزارة التجارة وحماية المستهلك يوقفون مع المستهلك لإن الي صاير الحين العكس
والله أن التجاره موقفه مع التجار أو أنها ماتقدر عليهم "ظهورهم قوية"
لكن لازم يكون فيه حل جذري من الدولة لهذه المشكلة

وتكسير ظهور الكبار لانهم سبب المشكلة
التاجر الصغير ماينلام لانه مجرد يعرض منتجات

لكن ماذا لو قامت وزارة التجارة بالاتفاق من العثيم وبنده وغيرها من السوبر ماركت الكبار

أي واحد يرفع سعر منتج لايسمح له بعرض سلعته إلا عند وجود ترخيص من وزارة التجارة والصناعة
وإذا لم تستجب العثيم على سبيل المثال يتحمل المسؤلية هو!
يعني لو احدى أشتكى من رفع الاسعار في العثيم تحاسب شركة العثيم!
لإن فيه أوامر انها ماترفع سعر منتج إلا عند وجود ترخيص
وبكذا تكون التجارة أرتاحت كثير وريحت المستهلك من المشاكل ووجع الراس

**docesam** · 10-08-2011, 02:23 AM

اقتباس:

المشاركة الأصلية كتبت بواسطة شعلاني

وتكسير ظهور الكبار لانهم سبب المشكلة

هذا الكلام الصح

**بدر11** · 10-08-2011, 02:37 AM

اخوي لاتنسى انت في السعوديه ...يعني لا رقيب ولا حسيب ..

مشكور على فكرتك والله يوفقك يابطل .

**شعلاني** · 10-08-2011, 07:57 PM

اقتباس:

هذا الكلام الصح

ان شاء الله تتكسر ظهورهم

اقتباس:

اخوي لاتنسى انت في السعوديه ...يعني لا رقيب ولا حسيب ..

مشكور على فكرتك والله يوفقك يابطل .

وش نسوي ياخوككل هذا قاهرنا كلنا لكن ان شاء الله ربك ماراح يخليهم

**جمرة غضا** · 18-08-2011, 01:27 PM

حياك اخوي شعلاني

منتدى مقاطعة ايد اقتراحك,, وارسل لـ وزارة التجارة بهذا الخصوص هنا
https://www.mqataa.co/vb/showthread.php?t=36315

**هذا انا** · 18-08-2011, 03:35 PM

يعطيك العافيه ومجهود تشكر عليه وكثر الله من امثالك

**هدهد سليمان** · 03-09-2011, 03:16 AM

كلام صحيح واقتراح في محله اوافقك عليه

بارك الله فيك اخي الكريم