- عندي مكيف سبيليت كرافت من العيسى ما عاد صار يبرد له سنتين تقريبا
اتصلت علي الصيانة ارقامهم مشغولة حتى 5:30 الفجر او آخر الليل أو يرد فاكس ؟؟؟؟؟؟؟؟؟؟

هذه القطعة على ما اعتقد هي التي تقوم بتشغيل الكمبرسر
او اسمها mator capacitor وهي عبارة عن اسطوانة من الألمنيوم صغيرة ويشبك في
رأسها اسلاك الكمبرسر والمروحة .

- جبت اقرب فني عندنا شيك وقال يبغا لهذه القطعة تغيير . بكم تغييرها قال : 65 ريال


قلت له لا لا تغير شئ ؟؟؟؟؟؟؟؟ ولا فاصل ولا شئ ( شكله شبعااااااااااااااااااااان )
المهم اخذت قلم وورقة ورسمة الاسطوانة وتوصيلة الأسلاك )
وفكيتها وطيران على قطع الغيار بالبطحاء ( أو ل ماتنزل من الكبري الأول ووجهك باتجاه الشمال تاخذ يمين تحصل عدة محلات ) لبيع قطع غيار المكيفات والثلاجات والأفران والمكانس
ومحلات للصيانة صيانة الأجهزة الكهربائية .

- وسعرت القطعة لقيت نفس القطعة صينية بكم بكم ؟؟؟؟؟؟؟؟؟؟؟؟؟؟؟تصوروا 15 ريال
ولقيت صناعة هندية 30 ريال -- اخذت الصيني ورجعت وركبتها مثل ماهي أول
ولله الحمد رجع المكيف الاسبيلت يبرد ،،،،،،،، ووفرنا 50 ريال
وبعض الفنيين يحسبونها على الواحد 85 ريال او 95 أو 100 فكل واحد له تسعيرته
فانتبهوا وكونوا حريصين على اموالكم ،،،،،،
http://www.nobodybuy.com/product_des...pacitor-mo.htm

على الرابط السابق تجد صورة القطعة
وسلامتكم

بارك الله بك اخوي








__________________

يشبه سترتر اللمبة

وسمعت من مقربين قصص عن هذه القطعة الغير معلومة يجي الفني يشيك يقولك يبقالة تصليح وفريون بسعر مبالغ فيه والعلة كلها في هذه القطعة

سلمت يا الحبيب والله يكثر من امثالك
ويقلل من الحرامية والمنافقين

ما شا الله عليك ... اتمنى الكل يقتدي فيك

الله يعينك
العيسى اكبر شركة نصب بالسعودية
انا قبلك طحت معهم والله لايوريك وسبق ان طرحت الموضوع بهذا المنتدى
طبعا جلست وهم يلعبون بي لعب الين رحت لوزارة التجارة واشتكيتهم
بس جابت نتجية ارسلوا لي رئيس الفنيين وفعلا صحل الجهاز بس شكله ماراح
يكمل معي الصيف لانه بدا يخور من جديد

مشكلت اكثرنا العجز والتكاسل وهذا اللي خلى الأجانب يضحكون علينا .....

حصلت لي نفس المشكلة وجيبت اثنين فنيين ولا عرفوا فرحت اجيب الوكيل وغيرها ما اذكر 150 ريال او 300
حسبي الله ونعم الوكيل
ياليت توصف اللي يدخل من شارع الوزارات الى شارع البطحاء هناك ما اعرف شمال و لا جنوب

السلام عليكم
ذيب ماشاالله عليك

لو كل واحد كان حريص مثلك كان وفرنا الكثير
لو واحد غيرك قال يعني وش خمسين ريال
أدفع هالخمسين ريال ويصلحها لي الفني الهندي
وهو ملعوب عليه وهي ماتكلف حتى 15 ريال
وزي ماتفضلت وفرت خمسين ريال
تصرفك سليم بس مين اللي يسمع ويعتبر
الله يوفقك ويسهل أمرك

المشاركة الأصلية كتبت بواسطة Bird11

حصلت لي نفس المشكلة وجيبت اثنين فنيين ولا عرفوا فرحت اجيب الوكيل وغيرها ما اذكر 150 ريال او 300
حسبي الله ونعم الوكيل
ياليت توصف اللي يدخل من شارع الوزارات الى شارع البطحاء هناك ما اعرف شمال و لا جنوب

أخي سلمك الله /
إذا جاي من شارع الوزارات سلمك الله نقول من دوار القاعدة( المطار القديم ) خلفك
إذا باتجاه الغرب (القبلة)
-- تمشي سيده (وتتعدى اسواق الشعلة و جميع الوزارات وبيجيك مستشفى الملك عبد العزيز على يسارك وسيده حتى يجيك مبنى البريد المركزي ( قبل البريد المركزي بالضبط اشارة يجب عليك أن تمسك آخر اليمين حتى تستطيع أن تصل لشارع البطحاء :
الزبده بالأحمر:
أ- بيجيك مبنى مركز البريد على اليسار تتعداه و بعده تجيك اشارة مفترق طرق ) :
أ- يمين يوديك على الأحوال وكبري الوشم وشارع الضباب
( وأمامك خزان ماء الرياض اللي كنا نشوفه بالصور وحنا صغيرين هههههههههه مويته وحشه لا تشرب منه ههههههههه)
ب- راح تاخذ يسار( شارع البطحاء متجها جنوبا) وتصبح عماير الراجحي على يسارك المهم تطلع من فوق الكبري الأول .

ج- الكبري الثاني تديور يعنيU Turn يعني فوق تحت) وترجع مرة ثانية على شارع البطحاء ( يصبح وجهك شمال )
ولو رحت سيده مره جنوبا راح تطلع على حراج بن قاسم ولو سيده راح تطلع على الحاير وتشليح السيارات )
أول ما تتعدى هذا الكبري( ينتهي الكبري من على يسارك) أدخل مع ثاني نافذ يمين ثم يسار( دور موقف وحول ) أومع ثالث نافذ كله واحد ( لأنه شارع صغير موازي لشارع البطحاء- راح تجد محلات بيع قطع الغيار( عندهم نحاس المكيفات ودبات فريون المكيفات وكله ( خلف بنك البلاداللي على شارع البطحاء وبس )
وورش لتصليح الأدوات الكهربائية مثل الأفران والغسالات والثلاجات والمكانس ومكيفات
ولف دينموات - بتشوفهم واضحين وجنب بعض .

( وهذه جوالات اصحاب بعض الورش الذين يصلحون الأدوات الكهربائية) أخذت كروتهم قلت احتياط يمكن يخرب الفرن ولا الغسالة مع انهم قالوا الأفضل تشيل الجهاز انت وتجيبه عندنا بالورشة . أو ضيعت أو أحد الربع
( ورشة نورة لتبريد فني محمد شاغر - 0568636237 )

لا حظ الوصف المختصر ( البطحاء -عمارة شقران - خلف بنك البلاد )

(الجليد للتبريد - 0507995150 -- 0546812936 )
لا حظ ايضا الوصف المختصر ( البطحاء - مقابل البنك الأهلي - خلف بنك البلاد)
وسلامتكم