السلام عليكم ورحمة الله وبركاته
هلا يا أعضاء مقاطعة
أدري إني مبطي عن المنتدى
لكن
هاليوم طاريننننننننننننن لي أقول لكم موقف حاصلن لي شخصياً يوم كنت بثاني أبتدائي
وهالموقف ما نسيتوه إلى هالحين
ولا تحكمون على الموقف بتفكيركم دلوقتي ، أقرووو الموقف وتخيلون ( المملوح ) و أنا بثاني أبتدائي
المهم
أبقول لكم الموقف
يوم كنت بصف ثاني أبتدائي
كنت أشوف بعض الطلاب يومياً يشترون بالطلعة من بقالة قريبة من المدرسة ـ وكانت هالبقالة داخل حارة ، و أنا ما عمري شريت من هالبقالة ؛ لأن ما معي إلا بيبسي و سندوتش من البيت
وهالبقالة كان اللي يبيع به سعودي كبير بالسن ( شايب )
وبيوم من الأيام ما أدري من اللي عطان ريال بعد صلاة العصر
قلت بنفسي : أبشتري بكرى بالطلعة من المدرسة
وفرحتي مااااتوصف
وهاك الليلة ما جان النوم ؛ أفكر وش أبشتري
يوم قمت الصبح ، وأول من قام من أخواني أنا ؛ وعلى طول رحت أكوي الريال
المهم رحت للمدرسة ، وألمدرس يشرح و أنا سرحان ؛ كل شوي أغير رايي وش أشتري ( أحس إني الراجحي )
يوم جت الفسحة ، كل ماركضت حطيت أيدي بمخباتي أخاف يطيح الريال وأنا ما أدري
.
رن الجرس طلعــــــــــــــــــــــــــــــــــــــــــــه طلعـــــــــــــــــــــــــــــــــــــــــــــــ ه
وطلعت أركض ركض ، ومناخري مفتوحة - من الفرحة و الركض - والطلاب يركضون
وأول ما وصلت البقالة عطيت الشايب الريال ؛ و أخذ بصري يلف يمين وشمال على كل المعروض
وأخذت حلاوة بربع وعلك بربع وبنص فشفاش
لكن.........
ألتفت علي الشايب وقال وين الفلوس ؟
قلت له : عطيتك !
قال : ما عطيتن شيء ؛ و أخذ اللي بيدي ، وهاوشن .
ألتفت يمين وشمال وعيوني مليااااااانة دموع
وسحبت نفسي و أناأصيح
وإلى يومك ما نسيت الريال
لأن الظلم شين
.
طبعاً سامحت الرجال
لكن هالموقف حصل لي شخصياً
أخوكم المملوح
أرجو أن أكون جددت عليكم طلتي
.
واللي عنده موقف يونسنا
.
شكلي أبصيح هالحين على الريال ..........خخخ

حي الله المملوح واحشنا يارااجل انت فين ؟؟؟؟؟؟؟؟؟؟؟؟؟
منور والله وانا من الناس اللي تعجبني مشاركاتك ومواضيعك واليوم اعجبني موضوعك أو بالأحرى موقفك الطريف ..........ضحكت من كل قلبي .

الريال كان امنية لنا ايام الطفولة انا دائما كنت احلم اني ماسك بيدي ريال واذا قمت الصبح اناظر اديني مافيها شي وابقى مصر على ان عندي ريال واقعد ادور تحت المخدة وبجنب الفراش الين اقتنع انه حلم .

منور للمرة الالف اخونا المملوح .

وضاع الحلم ياولدي ..
الله يسامح هالشايب ضيع الحلم ..
اخوي مملوح عوده اكثر من رائعه مع هالقصه ..
شكري مع مروري وعودآ حميدآ .

المشاركة الأصلية كتبت بواسطة ابوطلال

وضاع الحلم ياولدي ..
الله يسامح هالشايب ضيع الحلم ..
.

والله وضاع الحلم يا أبو طلال
المشكلة وشلون أحصل ريال ثاني
ولو حصلت ريال ثاني أبشتري بكل الريال علوك ، و ما راح أعطيه الريال إلا بعد أن أشتري
.
ويمكن أشتري بنص و أخلي النص الثاني لبكرى

المشاركة الأصلية كتبت بواسطة الرجل الذي يطير

حي الله المملوح واحشنا يارااجل انت فين .

يا مرحبا بأخوي الرجل الذي يطير .... يا طير المنتدى
أما على طاري قلة مشاركاتي ، فأنا لا أشارك في الانترنت كلة ، فأنا مشغول
والغالب أكون موجود عشاء الاربعاء بعد الساعة 10 ونص تقريباً
وش رايك تتعشى معي كل أربعاء .........خخخ

عوده حميده
هههههههههههه
وذكرتني كنت اوكي الريال وحط عليه نشاء
ههههههههههههااي

المشاركة الأصلية كتبت بواسطة زعيم

وذكرتني كنت اوكي الريال وحط عليه نشاء

من قدك زعيم

حياك يا المملوح ...
تكتب القصه تخاف تعد من الماضي والذكريات وتنسى

لا يا اخييّ إلى ذا الوقت انت وانا وكل مواطن ننسرق ومالنا الا نتلفت وعيوناتنا تبطبط دميعات

ذكرتن اروح اكوي الدريهمات لي نيه باكر اروح السوق

حيا الله المملوح
ولو ان لي عتب على المنتدى لكن ما افوت احييك بعد الغيبة
والله موضوع مررررررررة لطيف (ومهضوم) ورسم البسمة على وجهي ولك الاجر ان شاء الله
لكن اقول يا زين ذيك الايام لمن كان الريال (يسوى) ويخلك تحس انك الراجحي
تذكرون ذيك الايام ؟؟؟؟







اللي عنده منها يخبيها، الهلله تنباع الحين ب 1000 ريال

اليوم تعطي العيل ريال واثنين وثلاثة ما يملا عينه يبغى الخمسة والعشرة

المشاركة الأصلية كتبت بواسطة Abu Hmaid

اليوم تعطي العيل ريال واثنين وثلاثة ما يملا عينه يبغى الخمسة والعشرة

فعلاً تعطي الطفل 100 ريال ولا يثمن قيمة الـ 100 ريال
كم فيها من ربطة علك ؟.........خخخخ