السلام عليكم ورحمة الله وبركاته

أخواني الاعزاء ارجو المساعدة في العثور على مكتب استقدام بالرياض يكون سبق تجربته لإستقدام عاملة منزلية ( أهم شي تتوفر فيه المصداقية في المواعيد والشروط المطلوبة منهم )

حياك اخوي
بصراحة شيئين ما ودك تتدخل فيهم
1- الخطبه
2- مكاتب الاستقدام
لانها بالاغلب توافيق

والله يرزقكم بمكتب وعامله يخافون الله

المشاركة الأصلية كتبت بواسطة جمرة غضا التميمية

حياك اخوي
بصراحة شيئين ما ودك تتدخل فيهم
1- الخطبه
2- مكاتب الاستقدام
لانها بالاغلب توافيق

بالضبط زي ما قالت جمرة غضا . نفس المكتب يجيب لك عاملة ممتازة ، بفترة ممتازة ، بنية حلال ، ماودك انها تروح ابد ...... وتروح لنفس المكتب مرة ثانية ، ويعلعل فيك الين تجي ، ويجيب لك عاملة علة باطنية تشيب براسك ، وتضطر ترجعها بعد فترة قصيرة بعد ما صبرت وخسرت ، ويبغى لك تدفع من جديد وتصبر من جديد . هذا وهو نفس المكتب ؟؟؟

لكن برضه لا يمنع ان اللي عندة تجربة قريبة مع مكتب كويس يفيد اخونا في هالموضوع ، مع رفع المسئولية كاملة عنه من قبل اخونا البدررر ، ويضم الشرط نص بأن (اذا ما صلحت العاملة) لا تدعي عليه او اي واحد من افراد اسرتك بالدعوة المعروفة (الله لا يوفق هالمكتب ولا من شار عليه ) وركز على "من شار عليه" .

من اي دوله تبي تستقدم ؟

كلام التميمية وprime صحيح، لكن من واقع تجربة شخصية ومن بعض الأقارب توجه بإذن الله الى مكتب عبدالله المشرف بحي الملك فهد، شارع الامام محمد بن سعود بجوار جمعية الأطفال المعاقين هاتف 4538383.
وبإذن الله ستجد ضالتك هناك، وياليت لو تخلينا معك في الصورة وتخبرنا وش يصير عليك.

ملاحظة، مكاتب المشرف في الرياض ليست لشخص واحد لذا تختلف الخدمة بين مكتب وآخر.

اتمنى لك التوفيق.

تكفى لا تدعي علي لو ماتوفقت، وادع لي لو توفقت وان شاء الله تتوفق.

الله يجزاكم خير
ويجزى كل من افادني الجنة ويحلله ويبيحه
القصد يا أخوان ان تعم الفائدة للجميع
ومشكورين