السلام عليكم ورحمة الله وبركاته ..

اخواني من العنوان واضح ..

انا ابي اتعالج من هالمررض لكني للاسف مدري وشلون

صرت ماسولف كثير واتهرب من العزايم وقطعت اصدقائي .. بصراحه موب حال .. ارجو يااخوان اعطاي رقم اي اخصائي تخاطب ...

انا ساشرح حالتي :

لابغيت اسولف ارتبك والكلمـه مآتخرج الا بالقووه وصررت لاسولفت انزل راسي

بعد ماكنت مرتفع انزل ...؟؟

ياخواني انا خلصت الثانوية العامة وياكثر اصدقاءي جابو لي وظآيف لكني ارفض ..

اقول بنتظر لين اتعالج ...

اخترت منتدى مقاطعه لانهم احس انهم يحسون بالعالم الي بجآنبـهم ..

انتظر ردكمَ ..

انا اريد علاجات . او اخصائي تخاطب ..

او اريد اتحدث مع اخصائي بالانترنت ..

أخي الكريم
أسمحلي أناديك متفائل
أرفع راسك وسولف وأنا أخوك حتى لو أنك تلعثم ( الدنيا ما تستاهل ) مسيرة حايتك ماشية إن شاء الله بالخير والعافية , بس أنت لا تعطي الموضوع أكبر من حجمه ولا تفكر فيه , التفكير يجعل عندك عقده , وما دام إنك تفكر وتقول سوف ارتبك سوف يحصل, لكن جرب وقول في نفسك إني سوف أسولف بكل طلاقه وبلا إرتباك , ولاحظ الفرق , عيش حياتك ولا تسبب لنفسك حاله نفسية تعيش من خلاله في حزن وتعاسه والأمر بسيط . وفقك الله لما يحب ويرضى .
وتقبل تحياتي ....

المشاركة الأصلية كتبت بواسطة مـ قـ ا طـ ع

أخي الكريم
أسمحلي أناديك متفائل
أرفع راسك وسولف وأنا أخوك حتى لو أنك تلعثم ( الدنيا ما تستاهل ) مسيرة حايتك ماشية إن شاء الله بالخير والعافية , بس أنت لا تعطي الموضوع أكبر من حجمه ولا تفكر فيه , التفكير يجعل عندك عقده , وما دام إنك تفكر وتقول سوف ارتبك سوف يحصل, لكن جرب وقول في نفسك إني سوف أسولف بكل طلاقه وبلا إرتباك , ولاحظ الفرق , عيش حياتك ولا تسبب لنفسك حاله نفسية تعيش من خلاله في حزن وتعاسه والأمر بسيط . وفقك الله لما يحب ويرضى .
وتقبل تحياتي ....

اهلن اخوي .. ويوفقك ياررب . ويسسعدك في حياتك ..

اخوي انت متلعثم .؟؟ << بس ابي اسئلك هالسؤال موب اخوي ناسخ لي كلآم . وجآي تلصقه . اخوي اسمح لي انك ماتعرف وش هو التلعثم ..

وانا اشكرك على مرورك الطيب ...

لاعدمنا طلتك يالغالي ...

...


لآهنتو اي واحد يدخل ابي منه رقم اخصائي او ايميلـه ..

او اي علاجَ .. او اي شي يساعدني بالتخلص من هالشي..

المشاركة الأصلية كتبت بواسطة متحطم

اهلن اخوي .. ويوفقك ياررب . ويسسعدك في حياتك ..

اخوي انت متلعثم .؟؟ << بس ابي اسئلك هالسؤال موب اخوي ناسخ لي كلآم . وجآي تلصقه . اخوي اسمح لي انك ماتعرف وش هو التلعثم ..

وانا اشكرك على مرورك الطيب ...

لاعدمنا طلتك يالغالي ...

...


لآهنتو اي واحد يدخل ابي منه رقم اخصائي او ايميلـه ..

او اي علاجَ .. او اي شي يساعدني بالتخلص من هالشي..

لم انسخ الكلام , على العموم اتمنى لك الشفاء العاجل

ياريت عندي رقم أفيدك
بس من تجربة إقرا الجرايد بصوت عالي امام المراية لتتحسن مخارج الحروف ولاتتسرع افضل منه ترتيل القرآن مع مسجل أوكمبيوتر أنا كنت مع سعد الغامدي بعد ان تتحسن مخارج الحروف وطبعا يحتاج الموضوع لأشهر حاول أن تقراعلى احد من اصحابك التي تثق بهم ويخبرك عن المشاكل وهل في تحسن وحاول دخول مجتمعات صغيرة وإبدا بالمحادثة معك معك تتحسن الأمور مشكلتي كانت بالثانوية كان عندي لفظ طفولي لبعض الأحرف مما جعلني أخجل من الكلام إنحل جزء من مشكلتي باللفظ بس يلي إنحل خجلي من التكلم صار الناس يطلبوامني ان اصمت

المشاركة الأصلية كتبت بواسطة مواطنه عايشه

ياريت عندي رقم أفيدك
بس من تجربة إقرا الجرايد بصوت عالي امام المراية لتتحسن مخارج الحروف ولاتتسرع افضل منه ترتيل القرآن مع مسجل أوكمبيوتر أنا كنت مع سعد الغامدي بعد ان تتحسن مخارج الحروف وطبعا يحتاج الموضوع لأشهر حاول أن تقراعلى احد من اصحابك التي تثق بهم ويخبرك عن المشاكل وهل في تحسن وحاول دخول مجتمعات صغيرة وإبدا بالمحادثة معك معك تتحسن الأمور مشكلتي كانت بالثانوية كان عندي لفظ طفولي لبعض الأحرف مما جعلني أخجل من الكلام إنحل جزء من مشكلتي باللفظ بس يلي إنحل خجلي من التكلم صار الناس يطلبوامني ان اصمت

بجربهآ وانشالله اتحسن ..

انا بعد من الثانويه .. والحين خلصت الثانويه والتقديمات ماقدمت من اجل بس التلعثم لاتقولون ليه ماقدمت ترى التلعثم وربي كل مااتلعثم قدام احد اتحطمَ

انا بعد ماكنت اؤنس اخواني وبعد ماكنت استهبل ويستانسون لاسولفت الحين يتفشلون

وكنت استهبل مع خوياي ومع المدرسينَ .. وشوي وقعت وقعه مآيعلمهآ الا ربكم

وربي وانا اقولها الحين لولا مدرستي موب داششره يمدي انفصلت تصدقون كل اسبوع اداوم يوم ومرات يمر اسبوع وانا ماداومت .. لكن الله يجزى مدرس القران ومدرس الادب هم تفاعلو مع حالتي ونجحوني .. جزآهم الله خيرر ..

ونسبتي 81.90

شرعي لآني لو علمي مانجحت لان العلمي متشددين ولازم مشاركات اما الشرعي محد مهتم فيهم .

المشاركة الأصلية كتبت بواسطة مـ قـ ا طـ ع

لم انسخ الكلام , على العموم اتمنى لك الشفاء العاجل

على راسي يالغالي

وتسسلم على المرور

كنت اخس منك بس مع الوقت انحلت من حالها
حاول تمشي مع ناس منسمين وتاخذ راحتك معهم

المشاركة الأصلية كتبت بواسطة مقاطع معنده امل

كنت اخس منك بس مع الوقت انحلت من حالها
حاول تمشي مع ناس منسمين وتاخذ راحتك معهم

يعني امشي مع العرآبجــه .. للمعلوميـه انا في حي يعج بالعرآبجـه .. بس اني مسآلمَ .. ولآاسررق ولا احشش . بس شكلي بتدهور اذا سمعت كلآمك هههههههههه

...

اخوي انت كنت متلعثم .؟؟

وش علاجك يعني بس ماشيتهم وشفيت << سبحآن الله

اخوي ياليت تفيدني وش سويت ...

وهل انت متعافي او لحد الان تعاني منهَ ..

انت يبي لك جلسه طويله


ياطويل العمر

كنت اذا خشيت مجلس مليان رجال ماعاد اشوف وبعض الاحيان انسى السلام واقول من العايدين وبعض الاحيان ابي اعايد الجماعه واقول رحم الله ميتكم واذا جلس وقالوا كيف حالك يافلان اقول طيب ووجهي احمر والعرق يصبصب من الجبين وفي بطن اليدين


حتى بعض الاحيان ابي اشياء من العمل ولا اعرف اطلبها زي الناس من المسؤل او اني اترك اشياء لي خوف من الكلام لاني متردد وتلاقيني مع الزملا ماغير ساكت مع ان في بالي هرج كثير

كلمت بعض الاخويا قالوا هذا ضعف شخصيه قلت اني في المتوسط كنت اكبر شخصيه في الجماعه



انا اعلمك السبب اللي خلاك كذا


انت ممكن تعرضت لمشاكل ممكن احد سوى لك شي كبير مثلا ضاربك او اخطا عليك باي نوع من الخطا واصبحت الحاله هذي تكبر معاك وانت تحس الناس من حولك كلهم عارفين عنها

زيي انا مثلا تعرضت ايام الدراسه لضائقه ماديه وكنت زي افقر واحد في العالم اطقها مشي من البيت للمدرسه 40دقيقه والزملاء بسياراتهم وانا ماشي بس وسكنت مع ناس فقراء وكنت انخش لاحد يشوفني عايش معهم


يعني انت باختصار متاكد ان حاصل لك زي اللي صار لي

نصيحه اذا تبي تفتك من هالشغله لا ترد ولا هرجه على بالك حتى لو ماهي بدربها اهم شي شارك اي مجموعه بالنقاش وخذ واعط معهم وناحلهم اذا كان معك ثقافه افرد عضلاتك عليهم


خلك مهايطي رقم واحد بس احسب حسابك انك تترك الهياط اذا استقرت حالتك


تدري انا شاعر محاوره ومن يوم خلقت وعمري10 اعرف الشعر زي اي شاعر بس ماقدر اقول بيت احس كلامي مروح وجلست الحاله معي حوالي15سنه او عشرين وكان لو تقول لي اهون عليك تقول بيتين عند المكرفون والا اذبحك اقول لا والله اذبحني
ويوم من الايام اكلت مقلب مرتب واحد من الزملا الله يوفقه راح سجل اسمي في حفله واخذني معه ويوم طالعت والمنضم والان مع الشاعرين فلان بن فلان والشاعرعــــ-----------<<محسوبك
انا بغا يجيني جلطه وربي اني قمت رايح للمكرفون ماشوف ولا واحد رغم ان الجمهور فوق1000رجال واجمع لي بيت واقوله والا الصف يوم شاله والامور مشت تمام واسوي الثاني ومشت الامور وبيتين لبيتين والا الجمهور مبسوطين وانا احسن اني اقول كلام مروح المهم رجعت البيت اقسم بالله لين صبح مانمت داومت مواصل واحس راسي بينفجر وكل اللي حصل يمر على ولا يجيني النوم الا العصر اليوم الثاني وبعد يومين طلع شريط الفيديو واشوف نفسي الا انا سيم سيم الشاعر الكبير اللي يلعب معي وكل شي زي الحلاوه والاتصالات تجيمن الجماعه والله ماقصرت ابتطلع زي عمك فلان الله يرحمه نفخو راسي وانبسطت وبعد اسبوعين ممكن دعوني لحفله اخرى واول ماحضرت كنت متشنج شوي لكن بعد نص ساعه من اللعب مشى الحال وجلست الحاله ممكن اربع حفلات والان ولله الحمد لو اوقف قدام مليون ماعندي مشكله


انا تذكرت شغله ممكن تخدمك كثيييييييير
فيه دورات في الرياض اعتقد موجوده بكثره وخاصه في الصيف
اسمها
دوره تدريبيه لمقابلة الجمهور
ماتخرج الا وانت تلقي خطابات ولا همك احد
حتى تقدر ترتجل كلمات اذا تابعتهم

جرب دور لها وادع لي اذا انحلت ازمتك