أبغى خلاط يكسر الثلج وش تنصحوني فيه ؟

**قاعدلهم** · 04-08-2010, 12:55 PM

السلام عليكم

كيفكم حلوين

إن شاءالله

أنا ودي أشتري خلاط للعصير يكسر الثلج

لا أحد يقول مولينكس لأنه عندي وما ينفع بريال واحد حده بيض وسلطة حارة

رحت السوق ( ساكو ، إلكتروا ، هايبر بنده ، حراج بن قاسم .......

) وحصلت أنواع بالهبل لكن ودي أسمع رأيكم

خاصة إللي جرب

وإذا أحد يعرف وش أنواع الخلاطات إللي في المطاعم ومحلات العصير يا ليت يعلمنا لأنهم يحطون الفواكة المجمدة فيها على طول وما تعوق معهم

الله يسعدكم ومع السلامة

**خبير مكيفات** · 04-08-2010, 01:16 PM

مدري ماجربت والي عندي مولينكس , ونوعيات رخيصه ثانيه مكسره وحالتها الردى ...
ولا عندنا استخدام لها عشان كذا ما اهتميت

بس الي اشوفه ((دايم)) في المطاعم والبوفيات والي يشتغلون عليه كثير مره ويكرفونه كرف وصناعته الى اليوم ياباني مادخله الصيني , هو خلاط ( سانيو ) ...

**pass2love** · 04-08-2010, 02:55 PM

صدقت اخوي سانيو بس مو اي نوع نوع معين تحسه قديم مو من الموديلات الجديده

**جمرة غضا** · 04-08-2010, 08:43 PM

محلات تجهيز المطاعم تلقى عندهم خلاطات صغيره قوية تناسب الاسر والافضل الصناعه الالماني او الياباني
او خذ كينوود ولا تاخذ القطع الملحقه يعني خذ الخلاط مع العجانه فقط بس سعرها اغلى من الخلاطات الثانية لكن تفيد بامور اخر مثل العجن والطحن
او براون يجي منها نوع متعدد الاستخدمات ومنها جرش الثلج اسئل عنها والاهم الضمان ..
------
فيه قوالب ثلج صغيره افضل من القوالب العادية المستطيلات ..
تلقونها عند محلات البلاستيك والمواعين .. القوالب الصغيرة تخلي الثلج على شكل دوائر صغيره ماتكسر كاس المولينكس ..
الفاكهة المجمده مثل الفراولة والمانجا الشرائح مافيها شي حطها بالكاس وخليها 10 دقائق او دون وشغله مايضره ولا يكسره ان شاء الله ان كان الكاس اصلي مش تقليد

**قاعدلهم** · 05-08-2010, 12:23 AM

شكرا لكم جميعا
وعلى فكرة محلات تجهيز المطاعم هذي ما رحت لهم راح أسأل وين مكانهم وأشوف شكرا جمرة غضا و لايهون البقية

**مواطنه عايشه** · 05-08-2010, 01:02 AM

جرب BLACK&DECKER ممتاز لجرش الثلج وتحضير العصيرات

**pass2love** · 05-08-2010, 03:12 AM

محلات تجهيز المطاعم في كل مدينه

جمره مشكله كينوود الي عندنا سعر غالي وجوده في تراجع

اما في اوروبا كينوود نمبر1

**تفاحه مبشوره** · 06-08-2010, 10:04 PM

طلبك موجود بس غالي شوي تراه

انصح كثييير بهذا الخلاط مررررره خطير ويجرش لك الثلج جررررش ولو تبي تحط برتقاله كامله على طول يطحنها لك عند اهلي مرررررررررره حلووو بس لازم تطلبه طلبيه عشان يجيك

تلقاه في هذا الرابط http://www.blendtec.com/products-pag...-blender-basic

وهذامقطع له ف اليوتيوب

ترا والله ماسجلت الا عشان اخبركم عنه

**جمرة غضا** · 07-08-2010, 09:50 PM

اقتباس:

محلات تجهيز المطاعم في كل مدينه

جمره مشكله كينوود الي عندنا سعر غالي وجوده في تراجع

اما في اوروبا كينوود نمبر1

صحيح اللي هنا صعب تحصل الصناعه الاوربية سواء ايطاليه او المانية لكن ممكن يبحث ويلقى وخاصة عند وكيلها "عبد الواحد "ون ما حصل عنده ماله الا يدور له احد رايح للخارج يوصيه ..
لكن ما انصح بشراءها من النت لقيت تكاليف الشحن من فيدكس وغيرها مبلغ كبير!
ميزت كينوود وبراون انهن متعددة الاستعمالات ..

اقتباس:

المشاركة الأصلية كتبت بواسطة تفاحه مبشوره

طلبك موجود بس غالي شوي تراه

انصح كثييير بهذا الخلاط مررررره خطير ويجرش لك الثلج جررررش ولو تبي تحط برتقاله كامله على طول يطحنها لك عند اهلي مرررررررررره حلووو بس لازم تطلبه طلبيه عشان يجيك

تلقاه في هذا الرابط http://www.blendtec.com/products-pag...-blender-basic

وهذامقطع له ف اليوتيوب&feature=player_embedded

ترا والله ماسجلت الا عشان اخبركم عنه

هلا بك اختى

معليش يا اخيتي الخلاط هذا طحن بذرة الافوكاود؟
هذي وشلون تنطحن ؟؟ الافوكادو له بذرة كبيرة وقاسيه ولا اعتقد ان من سهوله طحنها ابد ..
وبصراحة سعره غالي .. يعني ممكن ادفع للـ 2000 ريال لكن بجهاز يكون متعدد الاستعمالات .. لكن جهاز فقط للهرس او الطحن بصراحة القاه صعبه ادفع فيه هالمبلغ

**البرفسر** · 12-11-2010, 01:28 PM

اقتباس:

المشاركة الأصلية كتبت بواسطة تفاحه مبشوره

طلبك موجود بس غالي شوي تراه

انصح كثييير بهذا الخلاط مررررره خطير ويجرش لك الثلج جررررش ولو تبي تحط برتقاله كامله على طول يطحنها لك عند اهلي مرررررررررره حلووو بس لازم تطلبه طلبيه عشان يجيك

تلقاه في هذا الرابط http://www.blendtec.com/products-pag...-blender-basic

وهذامقطع له ف اليوتيوب

ترا والله ماسجلت الا عشان اخبركم عنه

الله لايحرمك الأجر