مرحبا شباب

طبعا انا الآن ومن سنين طويلة "تقريباً"
اصبحت راعي بيت يعني (متزوج وبيتوتي)

كذلك ناااااادر ما احب الطلعات مع عيالي

لذلك فكرت وقررت ان ودي نطلع لملاهي الخيمة (النسائية)
يعني احط عيالي واروح

ما ادري وش رايكم بملاهي الخيمة اللي بالرياض؟


طبعا الحكير لاند ، وستار سيتي : من أسوأ المراكز الترفيهية كونها متفتحه اكثر وكأنها بأمريكا الجنوبية .

لذلك وش افضل مركز ترفيهي نسائي تحسّون فيه طعم الأمن "الأخلاقي" في هالمهرجان للرياض

طبعا المشاركين في مهرجان الرياض
ملاهي الخيمة
ستار سيتي
تولان
الحكير لاند
العثيم مول
مركز المملكة


لكن من حيث الملاهي
الخيمة (ملاهي كبير)
تولان (ملاهي صغير)
البراجون (ملاهي وسط)
الحكير لاند (ملاهي كبير)
ستار سيتي (ملاهي كبير)


طبعا ادري اني اذا خرجت عن هدف منتدى المقاطعة فأعتذر عن ذلك كون ان مافي قسم ينتمي الى موضوعي هذا الا قسم (المناقشات العامة) كون ان مافيه قسم مختص بالإستفسارات العامة .

وجزاكم الله خير

حياك
هل الملاهي والمدن الترفيهيه تستحق مايدفع بها ؟ بصراحة عني اتحسف عليهم القرش
خذوا لكم شالية صغير او تمشوا بالسيارة وخذوا عشاكم وتعشوا بالحوش

هههههههههههههههههههههههههههه من جدتس جمرة؟؟؟

تبغين عيالي يصابون بالإكتئاب نفسيا ً

هههههههههههههههههههههههههههههه الله يرجتس شكلتس حاسدتنا على هالطلعة هههههههههههههههههههههههههههههههههههههه

من اللي بهالزمن يطلّع عياله ويدور بهم في الشوارع وبالأخير يأكلهم في الحوش عشا وبقلوب عياله امنيات ودهم يروحون للملاهي .

بعدين يابنت الحلال اذا المستهلك دفع زيادة عن السعر المعقول اللي حدده راعي الملاهي
فراعي الملاهي يلقى اللي قيّم السعر بذمته بين الدنيا والآخرة.

والله يسعدك يارب

المشاركة الأصلية كتبت بواسطة ضابط المقاطعة

هههههههههههههههههههههههههههه من جدتس جمرة؟؟؟

تبغين عيالي يصابون بالإكتئاب نفسيا ً

هههههههههههههههههههههههههههههه الله يرجتس شكلتس حاسدتنا على هالطلعة هههههههههههههههههههههههههههههههههههههه

من اللي بهالزمن يطلّع عياله ويدور بهم في الشوارع وبالأخير يأكلهم في الحوش عشا وبقلوب عياله امنيات ودهم يروحون للملاهي .

بعدين يابنت الحلال اذا المستهلك دفع زيادة عن السعر المعقول اللي حدده راعي الملاهي
فراعي الملاهي يلقى اللي قيّم السعر بذمته بين الدنيا والآخرة.

والله يسعدك يارب

ياعزتالي
وانا اللي فرحانه واقول عيالنا يحبون الانطلاق للحياة
24 ساعه بالحوش تقل قطاوة
واثر ماحصل لهم ملاهي
ضابط المسألة ما تتعلق بالسعر
الا مهنا مدن ترفيهيه تستحق ان يقال عنها مدينه ترفيهيه ! ..
ادفع مهيب مشكلة لكن يوفرون مدن ترفيهية متطورة ..
لو عيالك اطفال صغار راح يرضون باي ملاهي حتى لو هي تابعه لمطعم ..
لكن لما يكبرون شوي يفضلون الحوش بصكه القايله ولا الملاهي اللي هنا

ملاهينا ما ينفع غير للرجل الحديدي

لأنه كل حديد x حديد وكل آلة حديد

تولان ممتاز سعر وستر

ونصيحة يا ضابط ,,,,

لا تكثر من " احط عيالي في مكان وارووووح "
لأنه ياثر على الانسجام الاسري
وكثير من الناس يشتكي من ان العيال ما يسمعون الكلام ؟!
وهذا بسبب انه لا يوجد روابط أو تواصل وجداني بين الاب والابناء

وأفضل وقت للتواصل الوجداني بين الاب والابناء هو وقت الترفية

وتقبل تحياتي