هل فكرت ماهي أسوا وظيفة في السعودية ؟؟

سوف اجيبك بإختصار شديد
وظيفة معقب دوائر حكومية
لماذا ؟؟؟
لانك ما تعقب ويكون عندك مكتب الا تدفع ضمان مالي عشرة الاف ريال
وسجل تجاري ورخصة بلدية وغرفة تجارية وزكاة ودخل وتامينات اجتماعية ولازم تكون مستأجر مكتب بمساحة لاتقل 25 م مثلك مثل شركات المقالاوت الي راس ماله ملايين في الشروط
بس انت يضاف لك
فيش بصمات وبطاقة تعقيب للجوازات واخرى لمكتب العمل واخرى للمرور واخرى للاستقدام واي دائرة تراجعها لازم يطلعون لك بطاقة ومدتها سنه والطلبات المطلوبه منك تعجيزية وتجددها كل سنة (يعني انا بشتغل اعقب على معاملات الناس ولا على نفسي )
وغير ذلك ماذا بعد هذا هل تتوقعون المللايين من وراء هذي الشغلة
لالالا تسمع الزبائين
يقولون عنك
- المواطنيين والمقيمين يقولون عنك نصاب
- مماطل
- لاتجيبهم اذا اتصلو بك يستفسرون عن معاملاتهم
- لاتحب أن تعمل
- مبالغ في الاسعار
- لابد ان تتحمل الغرامات التي كنت سبب في تأخير المعاملىة قبل الوقت المحدد
- مواعيدك كذابة
هل تعلمون لماذا؟؟
لان دوام الدوائر الحكومية يبدا 8 صباحا
ودوام المعقب 3 قبيل صلاة الفجر
-لان النظام دايما عطلان
والمعقب ليس لديه لانظام أو سستم عطلان (حتى مايمرض من صقعة الشمس ولا البرد)
-لان الموظف يتاخر في الصباح وكل عشر دقايق بريك
والمعقب يدور على شماغه وجزمته وعقالة الي كل يوم يشتري شماغ تضيع في الزحمة
-لان الموظف راتبه مظمون نهاية الشهر
والمعقب يرزقة الله من المعاملة الي شايلها ومايدري وش اخرتها مع الموظفين
- لان الموظف جالس على كرسي دوار
والمعقب مستواه التعليمي افضل من الموظف بس الواسطة
ومع هذا كله
نقول ماعلينا المهم لقمة العيش .
بس تدرون أن تصوير الزحمة ممنوع يطلع لك العسكري الي كانهم ماوظفوة الا لشغلة هذي ومايهمة مشاكل الزحام والاختناقات.
وتعرفون على ما نكتب للجرايد ونطلبهم يحظرون يرفضون ويتحجون .
وتعرفون أن مايشتغل معقب الا واحد شاف الفقر بعينه وما يبي يمد يده للناس.
وتعرفون أن النظام كل يوم يقفل على المعقبين ويحملهم خسائر .

وعشان أنا معقب وما اكون نصبت عليكم (لكن معقب لشركة خاصة يعني لي مرتب مضمون اخر الشهر)

شوفوا هذا المقطع الي يوضح لكم حال المعقب عند كل مراجعة له

مساكين والله
وجه قبيح لبلد كان جميل
وكله بسبب المعشعشين على كراسيهم الله يصبحون بريحة الورق والملفات ويمسون بريحة عرق هالضعوف
الله لايوفقهم

السلام عليكم
لا والله اسوء وظيفة تكون من افراد القوات المسلحة والا الداخلية لان طول عمرك تنكر كر ولا لك مستقبل واضح الا ان كتب الله لك الشهادة فأهلك بينغنغون على طاري الشهيد وانت الله يعينك ترقية وانت مقبور ولا لها طعم بالمرة بس تشوفها قدامك لما يحاسبونك الملائكة عليهم السلام

أسوأ .. وظيفة هي التي لاتناسبك ..

سلمان الجميري

القوات المسلحه ولا الداخليه نفتخر فيهم لانهم حماة الوطن

اما مسألة انهم مالهم مستقبل كثر لي منها >>> مافيه بشر يداوم لوجه الله اكيد علشان يعيش نفسه

<<< اسوا وظيفه سوكرتي في كارفور >>> ههههه

والله التعقيب في الدوائر الحكومية من جد اسوا وظيفة عن تجربه

غير انه سيء وغير انه مقرف الى ان موظفين الحكومة يحسدوك على التعقيب تشوف الحسد في معاملتهم لك زي الي يقولك انت تجيب كل يوم فلوس
بس الحمدلله ارتحنا من همها

دمتم بود

كان الله في عون الاخوان المعقبين . أنا ذهبت في مرة من المرات لاستخراج فيزا خروج وعودة لخادمتنا ولم اصدق نفسي انني خرجت من الباب والفضل يعود لاحد المخلصين (بعد الله) الذي ارشدني الى المكان والطريقة الصحية لانجاز المعاملة .. وشاهدت بعيني المعاناة التي يعانيها المخلصون فمنهم من لدية عشرات الجوازات والاقامات ومطلوب منه ان ينجزها في اسرع وقت ممكن .

اي وظيفة تكون مظلوم فيها ولا تأخذ حقك بالترقيات وقت بتعاني من البيروقراطية في تمشية أوراقك وقت يكون مديرك متعنت بس يبي يمشي كلامه بدون منطق وقت تجي واسطة لزميل مشكوك بقدراته وعجبي!!!!!

المشاركة الأصلية كتبت بواسطة مواطنه عايشه

اي وظيفة تكون مظلوم فيها ولا تأخذ حقك بالترقيات وقت بتعاني من البيروقراطية في تمشية أوراقك وقت يكون مديرك متعنت بس يبي يمشي كلامه بدون منطق وقت تجي واسطة لزميل مشكوك بقدراته وعجبي!!!!!

والله إنك صادق أخوي بكل كلمة قلتها .. للإسف