عمال محطة شارع فلسطين نصبوا علي

**المتسوق** · 31-08-2007, 12:10 AM

انتبهوا يا أخوان من محطات البنزين مريت على محطة بنزين بجدة تقاطع شارع فلسطين مع شارع دلة اسمها محطة شارع فلسطين قلت للعامل حط بعشرين وبعد ماانتهى اعطاني علبتين مناديل وهذي موضة في جدة اعطيته العشرين ومشيت وبعد ما تعديت بحوالي ثلاثه كيلو مترنظرت لمؤشر عداد البنزين تفاجئت انه ما هو في المكان المعتاد لما اعبي بعشرين رجعت للمحطة وقلت للعامل بكم عبيت بنزين عداد البنزين نازل ارتبك وقال اصلا انا عبيت لك بـثنين وعشرين ولكن عشان انها غلطتي ما علمتك وتحملتها قلتله انا اقولك العداد نازل ونته تقول عبيت بـثنين وعشرين مين المسؤو ل عن المحطة قال انا ما ابغا مشاكل تعال وعبيلك بخمسه ريال على حسابي اصريت على مقابلت المسؤول ولكن للأسف ما استطعت ان اعرفه عمال المحطة يقولون ما له وقت محدد يجي فيه ولا يعرفون رقم جواله ولا تلفون رجعت للمحطة في ورديت الليل عشان العمال ما يعرفوني سألت عن راعي المحطة متى يجي وعن ارقام تلفوناته ولكن صرفوني بنفس الطريقه اللي صرفوني بها عمال الصباح وها انا اخبركم بهذا النصب والإحتيال لتحذروا ولعل واحد منكم يعرف صاحب المحطة ويعلمه بالخبر .والله على ما اقول شهيد

**المراقب العام** · 31-08-2007, 12:25 AM

حصلت معي في محطة التسهيلات في الخبر القابعه بالقرب من اسواق الراشد

طلبت منه يعبي بعشرين مثك ولكن تفاجات انه ما صفر العداد

ولكن بداء يعبي على تسعيرة العداد الذي سبقني وهي 10 ريال

بعني عبالي بـ 10 وحط 10 في جيبه ولكن انا انتبهت يوم اني طالعت للعداد بعد

ما بدأ يعبي وعلى طول قفز العداد ... 11 12 13 .....

وين رايح يابو الشباب ...!!!

نزلت من السيارة ومسكته ... خاف اني ابلغ الشرطة لأني هددته بالتبليغ عنه

صار يصيح و قلبها فلم هندي..

وحبيت انهي المشكلة بدون شوشرة .. لأني كنت مستعجل ومعاي هلي وطلعت بعد ما عبى لي 20 ريال كاملة

وبعدها قاطعت التسهيلات وصرت اعبي من الدريس ..

**K I N G** · 31-08-2007, 12:30 AM

بارك الله فيك ....

**جمرة غضا** · 31-08-2007, 12:33 AM

اذا السعوديين ينصبون اجل ابو راتب400 وش وظيفته منين يجيب اكله وعيشته ويصرف على اهله
نصيحه على السعوديين من يخرجون من بيوتهم يفتحون عيونهم ولا يصكونها الا اذا رجع بيته سالما من غير مينخدع
ممكن انتو ليه بس تعبون 20 بس

**خلوددي** · 31-08-2007, 02:33 AM

اقتباس:

المشاركة الأصلية كتبت بواسطة مقاطعتهم&حارقتهم

اذا السعوديين ينصبون اجل ابو راتب400 وش وظيفته منين يجيب اكله وعيشته ويصرف على اهله
نصيحه على السعوديين من يخرجون من بيوتهم يفتحون عيونهم ولا يصكونها الا اذا رجع بيته سالما من غير مينخدع
ممكن انتو ليه بس تعبون 20 بس

ههههههههههههههههههه رائع كلامك اخي العزيز
وازيدكم من الشعر بيت صارت لي مرة عطيت البنغالي 15 ريال وقلت عبي فسم بالله انه عبالي 8 ريال وسبحان الله اول مرة اناضر العداد قلت معطيك انا 15 ريال وانت عبيت 8 ريال عارفين ايش قالي ليش انت مافي نوم زين قلت ليش قال انت معطيني 8 ريال قلت قسم بالله معطيك 15 ريال رفع صوته علي ويطلع لي 8 ريال يقولي شوف انت معطيني كم انا مافي حرامي مافيه كذاب بس انتوا سعودي مافي كويس نزلت من السيارة ومسكته وقسم بالله ماادري اشلون مسكت اعصابي وجريته وقلت ابي صاحب المحطة اشوي والا جايني واحد مصري قالي نعم حكيت القصة له التفت لي وقال يعني حنا لنا اربع سنيين مافيه احد شكى او صارله الي انت تقوله اشلون تبيني اصدقك قلتله عطني رقم صاحب المحطة رفض المهم مشيت ورحت لين ماوصلت لصاحب المحطة ومع الاسف حكيت له القصة قالي انت ماتفاهمت مع المسؤل الي في المحطة يقصد المصري قلت ايوة وقالي كذا قال خلاص استغربت
خلوها على الله

**معا ضد الغلاء** · 31-08-2007, 12:46 AM

بصراحة .. لابد وأن يأتي اليوم المناسب لنتحول للتعبئة الذاتية عن طريق بطاقة المستر كارد والفيزا ... أو الصراف .. كماهو معمول به في الكثير من بلدان العالم ...

**المراقب العام** · 31-08-2007, 12:54 AM

اقتباس:

المشاركة الأصلية كتبت بواسطة معا ضد الغلاء

بصراحة .. لابد وأن يأتي اليوم المناسب لنتحول للتعبئة الذاتية عن طريق بطاقة المستر كارد والفيزا ... أو الصراف .. كماهو معمول به في الكثير من بلدان العالم ...

كلامك صحيح اخوي على الاقل نفتك من آلاف العمالة السائبة ...

ولكن آرى انها سوف تطبق بعد تطبيق الصومال وجيبوتي لها

...............

مقاطعتهم رداً على سؤالك نعبي بـ 20 لأنه اخضر .. والاخضر اوفر

انا مقاطع الاحمر

تحياتي

**ابو ريناد** · 31-08-2007, 02:35 AM

انا اقلكم قصتين :

الاولى بخصوص خلط البنزين بديزل : كنت اعبي من محطة القصواء بداية طريق الجنوب فالطائف وبعد فتره صرت إذا شغلت موتري يطلع دخان من الشكمان يا ولد تقول راكب سيارة الرش حقت البلديه رحت الورشه قلي المهندس البنزين مخلوط بديزل واصك فيها 200 ريال ورجعت لصاحب المحطه وصار بيني وبينه مشادات كلاميه المهم بردت قلبي فيه وصرت ما عاد اعبي من عنده الله لا يوفق له .

الثانيه : بعد ما تركت محطة القصواء صرت اعبي من محطه بعد بداية طريق الجنوب مدري وش اسمها المهم انها قدام نقطة تفتيش امن الطرق ويوم من الايام قلت للعامل عبي فل وكان العداد على عشرين ريال وخويكم لابس نظارات شمسيه ويصور بالجوال وخليته الين يخلص ويوم جينا للحساب طلع 60 ريال وانا دائما اعبي بـ 40 او 41 طبعا التسعيره القديمه المهم جاني وقال صديق 60 ريال قلت ايش قال انته يشوف عداد وافتح مقطع الفديو اللي صورته ثم انبله البنغالي عاد قلت يالله نروح البلويس وجلس يبكي يقول خلاص روح ما ابي منك ولا ريال بس لا تعلم قلت خلي كفيلك يجي الحين عاد كلمت كفيله ومدري وش سوا معاه .

نأسف على الإطاله

**جمرة غضا** · 31-08-2007, 03:06 AM

نزلت من السيارة ومسكته ... خاف اني ابلغ الشرطة لأني هددته بالتبليغ عنه

ماادري اشلون مسكت اعصابي وجريته وقلت ابي صاحب المحطة

عاد تستاهلون قال يافرعون من فرعنك قال ملقيت احد يردن انتم ياسعوديين ما عندكم الاالكلام كان نزلتوا كمختوهم كم كف يربيهم مايسرقون ابد

**التاج2** · 31-08-2007, 03:28 AM

كلامك صح مقاطعتهم

الشرطه ماحولنا احد ، نشوفهم بالبخاري بس