السلام عليكم
ارجوكم اللي عنده خبرة بالموضوع او معلومات او تجربة فلا يبخل علينا بالمساعدة.
الموضوع باختصار :
اخذت سيارة تأجير مع الوعد بالتملك من شركة تأجير المعروفة, المهم دفعت تقريبا نصف الاشهر من الاجار طبعا الاجار ينتهي بعد 60 شهر وبعدها دفعة اخيرة 16 الف ريال.
وبعد ما انتصفت المدة تقريبا عجزت عن السداد وتأخرت 3 شهور فسحبوا سيارتهم من عند عملي .
الان كل يوم يتصلون وازعجوني . ومرة يقولون بنحط اسمك في شركة سمة ومرة يهددون بالحقوق المدنية وغيرها . فأنا سألت الموظف اللي دايم يتصل بي , لو اني ما عاد قدرت اكمل الاجار لبقية الاقساط فإش راح تعملون ؟؟؟
قال راح نبيع السيارة ثم نطالبك باكمال المبلغ الى قيمة العقد كاملة , فقلت يعني قيمة السيارة بالكاش . قال
قال : لا تكمل الى قيمتها بالتأجير .
يعني قصده ان السيارة مثلا قيمتها 60 الف ريال كاش و110 الف ريال بنظام التأجير فإنهم يطالبوني بتكملة العقد الى 110 الف ريال بما فيها قيمة التأمين .

الخلاصة ياجماعة الخير : أول شيء ادعوا لي إن الله يفرج كربتي ويسدد ديوني وديون كل مسلم , ويجيرنا من غلبة الدين اللي تعوذ منها الرسول صلى الله عليه وسلم .
وثاني شيء أفيدوني وش أسوي مع شركة تأجير لأن أغلب الضن إن ماراح أقدر أواصل معهم الى نهاية العقد .

ولكم جزيل الشكر يا أخوان ويا أخوات .

ولا رد
؟؟؟؟؟؟؟؟؟