ياناس وين الي يقولون حقوق المستهلك ؟وينهم يجون يشوفون هالمحل
والله اني ماشفت حقوق للمستهلك كلها نصب وسرقة ولا احد يردتهم , امس على قناة الاقتصادية يتكلمون عن حقوق المستهلك والضيف اللي بالمقابله يقول ان بامريكا يحق للمستهلك ردالبضاعه لو لها سنة !
سمعتم لو لها سنة ترد ويرجع بفلوسه الامريكي يلبس البدلة سنة وتصنق وتصنن عليه همن يردها لهم ويعطونه دراهمه هو صدق ذا الكلام ؟
ورانا حنا غير , وليه تاركين التجار يتحكمون بنا
ياناس والله اللي يصير بنا حرااااام من يرضاه , التجار الكفار طلعوا ارحم من تجارنا
الكافر يرد البضاعه ولا يخصم والمسلم السعودي يسرق منك بحجة انك رديت البضاعه حتى لو هي سليمة ما استخدمت
هذي فاتورة من محل السيراميك الانيق حاط شروط يسمح بها لنفسه بسرقة المستهلك
سرقة بوضح النهار وعين عينك , وين التجارةعنه كيف تسمح بهالامر
من شروطه لو ترد البضاعه يخصم من قيمتها 5%
انا ليه يخصم مني الخمسة بالمية باي ذنب , رديت لهم البضاعه سليمة بكرتونها الخصم ليه يا ظالمين
والله انه قهر ارد لهم البضاعه سليمة مامست بكراتينها ويخصمون مني وتحسبون المحل خسران من ردي البضاعه , لا مايعرف للخسارة درب , بياخذها من يدي ويبيعها مرة ثانية , يعني انه ربح من ردي للبضاعه وربح من بيعها مرة ثانية









وهنا صورة مقربة للشروط البيع شوفو الي تحتها خط احمر شوفوا تمهيد لسرقه المستهلك

الله يعينك يا وش مطغيهم
اذا اجبار الاستبدال السلعه باخرى نطالب بمنعه
فكيف انهم يخصمون من قيمة السلعه الرجيع وهي لم تستعمل بل انها جديدة بكراتينها !

المشاركة الأصلية كتبت بواسطة جمرة غضا

الله يعينك يا وش مطغيهم
اذا اجبار الاستبدال السلعه باخرى نطالب بمنعه
فكيف انهم يخصمون من قيمة السلعه الرجيع وهي لم تستعمل بل انها جديدة بكراتينها !

حيالله اختنا جمرة
كيف يخصمون ذا سؤال ؟حونش ولا لقوا عصا

وهم شافوا احد يردع التجار .....؟

المشاركة الأصلية كتبت بواسطة صقوور

وهم شافوا احد يردع التجار .....؟

الصقر الحر الطاسة بيد التجار

أنت غطيت على كل الفاتورة تقريبا

يا أخي اترك البضاعة ونوعها وبقية البيانات دون اخفاء ، واخف معلوماتك فقط

وبالنسبة للشروط فالفواتير وغيرها تطبع لكل من هب ودب ، لا ويكتبون فيها الي يبونه

حسبنا الله على وزارة التجارة وكل مسؤول له صلة بالمواطن وضيع الأمانة

المشاركة الأصلية كتبت بواسطة alzuhary

أنت غطيت على كل الفاتورة تقريبا

يا أخي اترك البضاعة ونوعها وبقية البيانات دون اخفاء ، واخف معلوماتك فقط

وبالنسبة للشروط فالفواتير وغيرها تطبع لكل من هب ودب ، لا ويكتبون فيها الي يبونه

حسبنا الله على وزارة التجارة وكل مسؤول له صلة بالمواطن وضيع الأمانة

سيراميكاتي الدور الستر لهن وابعد عنهن العيون
يابعدي خل السيراميك والبورسيلان على جمب مالهن خص بالموضوع اخفيتهن او اظهرتهن مهوب ذا موضوعنا
احتجاجي واستنكاري واعتراضي على شروطهم وين التجارة عنهم
تسيف تاركتهم يسرقون الناس

الله يصلحك وما رحت إلا أغلى محل على طريق الخرج

عندك المستودعات إللي عند الحديقة القديمة إللي فيها الدواره عند إشارة الإسمنت هناك تاخذ على طول منهم وبفرق يوصل لـريالين في المتر لأنه ببساطة عمولة المحل إللي أنت أشتريت منه
أصلا بالعقل كل ذيك المحلات مكاتب بيع لمصانع طبعا لا فهم موزعين بالعمولة .

المشاركة الأصلية كتبت بواسطة قاعدلهم

الله يصلحك وما رحت إلا أغلى محل على طريق الخرج

عندك المستودعات إللي عند الحديقة القديمة إللي فيها الدواره عند إشارة الإسمنت هناك تاخذ على طول منهم وبفرق يوصل لـريالين في المتر لأنه ببساطة عمولة المحل إللي أنت أشتريت منه
أصلا بالعقل كل ذيك المحلات مكاتب بيع لمصانع طبعا لا فهم موزعين بالعمولة .

عجبني بورسيلانهم
لكن وعد مني بورسيلان الاستراحة والفله الجاية
والله ما اتخطي رجلي عندهم وان خطت رجلي عندهم قطعتها وصورتها لكم

يا سلام عليك أخوي
كنك شايف وش صار معي قبل يومين
حصلت سراميك في معرض كبير في الدمام وعجبني يوم خلاص بيحملونه السياره وحاسبت علية سألت المحاسب وانا طالع اذا بقى عندي كميه زايدة راح تنتظروني اسبوعين لأن ما عندي وقت , تفاجأت برد المحاسب يقول الأسترجاع والتبديل ممنوع ؟؟؟؟!!!!؟؟!!

قلتله الله لا يهينك ابيك ترجع السيراميك الحين وترجع فلوسي لأطلعها من عينك وماني متحسف عليكم لأنكم أعداء لنفوسكم وماراح تتوفقون بحول الله وقوته

بصراحة أعجبتني معارض سيراميك في الدمام لعائلة ( الملحم ) وأنا أدعو لهم بالتوفيق,
السيراميك عندهم في المعرض عليه خصم وفي المستودع حصلت على خصم أضافي والناس يمشون امورهم ويحصلون اللي يبونه وأكثر في محلة من ارخص نوع في السيراميك من 12 ريال الى أفخم انواع السيراميك والجرانيت ومسموح لك ترجع الزايد في اي وقت حتى لو ترجع اللي اخذته كله
وسبحان الله زباينه يجون من كل مكان من دول الخليج لأنه فعلا متميز