السلام عليكم ورحمة الله وبركاته
البارحة ذهبت الى احد مطاعم الوجبات السريعة بالرياض (رغم محاربتي لها ولكن مجبر انا لابطل)وبعد ان احضروا الطلب لاحظت بأن سعر السفن دابت بــ ريالين !! وأرجعت السفن أب وأخذت باقي الطلب ، وبعدها تذكرت ان امانة الرياض دائما تتحدث عن غلا الاسعار ومحاربة التجار الجشعين فقلت : ليش ما ابلغهم لأن الزيادة في سعر المشروب الغازي في المطعم يعتبر من التلاعب بالاسعار وخداع للناس .
بعدها اتصلت على الرقم 940 وبعد رسالة من الخيارات والتعليمات وأنه سوف يتم تسجيل المكالمة ، رد الموظف ، وأبلغته بأن هناك مطعم يتلاعب بأسعار بعض المنتجات وأن سعر المشروبات الغازية عندهم بريالين، رد على : بأن هذا من اختصاص حماية المستهلك وليس من اختصاصهم !!! قلت : يمكن انني غلطان ، واتصلت على حماية المستهلك للرقم 8001241616 وبعد ان رد الموظف أخبرته بالقصة كاملة فرد علي بقوله : بأن هذه من صميم اختصاص الامانة لأنها هي الجهة المخولة بمراقبة الاسعار !!!!!!!!!!!!!!!! وأخبرته بأنني اتصلت على الامانة وأفادوني بأن هذه من اختصاص حماية المستهلك . وقال الموظف : بأن مراقبه الاسعار هي من اختصاص الامانه لأنها هي الجهة التي منحت هذا المطعم تصريح مزاولة المهنة ؟؟؟؟؟!!!!!!!!

بعدها تأكدت بأن الطاسة ضايعة ولن نحصل عليها ابداً

حياك ابو عادل
ونقول ليه التاجر يرفع الاسعار ويتلاعب بها ! بلاه مالقى جهة تردعه
ونفس الشيء حصل للاخ عبد الله بن علي
لكن هو اتصل على البلدية وعلى التجارة وكل وحده ترمي المسؤولية على الأخرى !
حسبي الله ونعم الوكيل

شكرا لمرورك ياجمرة ،، انا كان عندي شك أن الوضع مدحدر ،، لكن هالحين صرت متأكد .

ادخل الرابط ذا وفوق تلقى شريط يمشي فيه رقم تلفون خاص لازيادة الاسعار اتصل وبلغ

لكن لا تتوقع ان احد راح يتحرك
http://www.commerce.gov.sa/

شكرا لك تم ارساله عبر قروب مقاطعة

ما أدري ليه كل شوي اتذكر الشايب اللي في باب الحارة
اللي يردد دايما مقولته المشهوره "" أرررربت ""

والله انا غاسلٍ يدي من زمان وبالديتول بعد لأن : لا أمانه ولا وزارة ولا حماية مواطن عفواً مستهلك
المشكلة إنه صار عندنا بعد أكثر من غوار

شكرا لمروركم ،،

الف شكر على الموضوع..مع انه ينرفز بصراحة ..

طيب وش الحل باللعب هذا والله بعض المواضيع تغبن وترفع الضغط
لا تفهم غلط ياصاحب الموضوع انا اقصد لما اقرا انه محد مهتم بشكاوي المواطنين
قسم بالله يضيق خلقي..

ياخوان البلد من جرف لدحديرة لوادي..
وش الحل؟

الحل :عبر عن رأيك الخاص ولا لك بأحد يفهم أو لايفهم ,, وزع خبر المقاطعه لكل الناس .. ماهو بالضروى عن المنتدى و أخباره ,, خسر أى حرامي مهما كان وزنه و مكانته بالسمعه ,, أوجد البديل مهما كان غير منطقي لك أو للغير .. بكذا كل حرامى ما راح يسرق حرامي الا حرامي زيه لأنهم أكثر ناس ترفض المقاطعه و تعمم الكلام هذا بيننا .
تذكرون إشاعه المياة اللى مصدرها المجارى - و إنتم بألف كرامه - إيش صار لها ؟ كذا شهر و هيا تسف التراب و الموضوع راس ماله إشاعه و مشكوك فيها و لين الحين و ناس كثير مقتنعه بالإشاعه هاذي بالرغم من إنه مافى ولا دليل مادى واحد ظهر و أكدها غير الإشاعه نفسها .

و إن كان على النفس اللى رغباتها ما تخلص ,, برمجها على البديل ولو بالغصب

أقنعها بإن النص ريال هذا المستهتر به بيروح منك و من غيرك لشخص واحد فقط بألوف الريالات و مادام إن النص بيصير ريال ليش ما يصير بجيبك إنت بدل جيب الحرامي اللى رفع عليك السعر .

احنا بشر و لنا كرامه و عمرنا ما وطينا راسنا الا لخالقنا و ما نجي بالنهاية نوطي لشوية حراميه علشان المبلغ تافه ... هو يرفع على نفسه ماهو علينا ,, هو حر بتجارته و إحنا حرين بأموالنا إن شاء الله نولع فيها بس الحرامى هذا ينحرق قبله عليها لين يقول حق

غير كذا لو قبلت نفسك السرقه .. يبقا لا تصيح و تقول سرقونى لأن المال السايب يعلم الحر السرقه و اللى بينسرق .. ينسرق لحاله

و إن كان على النفس اللى رغباتها ما تخلص ,, برمجها على البديل ولو بالغصب

أقنعها بإن النص ريال هذا المستهتر به بيروح منك و من غيرك لشخص واحد فقط بألوف الريالات و مادام إن النص بيصير ريال ليش ما يصير بجيبك إنت بدل جيب الحرامي اللى رفع عليك السعر .

احنا بشر و لنا كرامه و عمرنا ما وطينا راسنا الا لخالقنا و ما نجي بالنهاية نوطي لشوية حراميه علشان المبلغ تافه ... هو يرفع على نفسه ماهو علينا ,, هو حر بتجارته و إحنا حرين بأموالنا إن شاء الله نولع فيها بس الحرامى هذا ينحرق قبله عليها لين يقول حق

ياليل كات انت استاذ
بصراحة من ردوك ما تستحق ان تكون مواضيع بل هي"مواضيع مميزة ايضا "