..مهم (( حملة لتشجيع أكل البيت بدل جشع المطاعم )))!!!!!

مستهلك ذكي · 21-08-2007, 11:52 PM

السلام عليكم ...
ظاهرة سيئة أزدات هذة الأيام الأ وهي تناول الطعام خارج البيت !!
أسر بكامل أفرادها يوميآ أكل المطاعم فطور وغداء وعشاء ..والمصيبة المطبخ أو المستودع
مليان مواد غذائية وبعضها تنتهي صلاحيتها وترمى في الزبالة ! وثاني يوم نروح للسوق نشتري غيرها !!
المطبخ أصبح مهجور !!
ماذا جنينا من أكل المطاعم .. تسمم , صرف أموال .سمنة ( معظم أكل المطاعم غير صحي )
ياليت الواحد أذا دخل مطعم يلقي نظرة على المطبخ ..واللة أن تشعر بالغثيان !!!
ياليت نبدأ بحملة لتشجيع أكل البيت ( أنظف و اوفر )...
وممكن نروح للمطعم مرة أو مرتين في الأسبوع ,,,, أخوكم أبو زياد

**dpdd** · 22-08-2007, 12:09 AM

يعطيك العافيه

**فوز** · 22-08-2007, 09:42 AM

كلااااااااااام سليم لكن المشكلة اذا كانت المدام ماتعرف تطبخ ولا تحب المطبخ

**رحال الشرقية** · 01-09-2007, 01:26 AM

اقتباس:

المشاركة الأصلية كتبت بواسطة فوز

كلااااااااااام سليم لكن المشكلة اذا كانت المدام ماتعرف تطبخ ولا تحب المطبخ

اولا مشكور اخوي على الموضوع القيم صدقت لية ماتاكلون من مطابخ بيوتكم

اخوي فواز لية ماتعرف تطبخ المدام

لية أنت ماخذها بس حق زعتر اخر الليل ااااااااااااه بس على دلع الحين

**قاطع ونص** · 22-08-2007, 11:03 AM

حبــــــــيبي ماعاد فيه نسواااااااااااان زي زمااااااااااااااااااااان طبخ ونفخ
بس تبغى الصرااااااااحه السبب الرجال اللي مدلعين حريمهم وها حبيبتي من اي مطعم تبغين
الغدا ومن اي مطعم تبغين العشا ، حســـــــــــــــــــــــــافه ؟؟؟؟؟؟؟؟؟؟؟؟؟؟؟؟؟؟؟؟

**اقتصادية** · 22-08-2007, 06:38 PM

اخوي قاطع ونص
في بنااااااات كثير راعين طبخ وسنع لكن يبي لكم تدورون زين
انا الحمد لله كل شي بالبيت حتى الخبز اسويه في البيت....والمطعم مره في الشهر نروح غدا وفاتورتنا بالكثير 200 (2 كبار و2 اطفال) ونجيب بعد معانا للشغالة تيك اوت
لا تفتكر انا من بنات اول انا عمري 24 ولا تفتكر السنع جايني من زمان ...لا انا بنت عند اهلي خير الحمد لله وعندنا بدال الطباخة ثنتين
لكن السنع جاني لما تحملت مسؤولية بيتي واذا انا اخاف عليهم ما ياكلون غير من ايدي

ومن اول تخيل في الشهر تقريبا 1000 ريال مطاعم والحين 200 بس والحمد لله نفسيتنا احسن وبطونا احسن وجيوبنا بعد

فوز""""" جيب لها كتاب طبخ مو مشكله السالفة

ومشكور اخوي مستهلك ذكي

مستهلك ذكي · 22-08-2007, 08:32 PM

شكرآ ....لجميع من شاركنا
الأخت أقتصادية بارك اللة فيك
بنات البلد فيهم خير كثير ... وكثر اللة من أمثالك .. وأنتي قدوة حسنة

**أخوكم حمد** · 26-08-2007, 08:48 PM

اقتباس:

المشاركة الأصلية كتبت بواسطة اقتصادية

اخوي قاطع ونص

لا تفتكر انا من بنات اول انا عمري 24 ولا تفتكر السنع جايني من زمان ...لا انا بنت عند اهلي خير الحمد لله وعندنا بدال الطباخة ثنتين
لكن السنع جاني لما تحملت مسؤولية بيتي واذا انا اخاف عليهم ما ياكلون غير من ايدي
ي

والنعم فيك وفي كل بنت تفكر مثلك

**MY LOVE** · 26-08-2007, 03:21 AM

اشهر مطعمين في الطائف

الرمانة

الطيبات

تم اقفالها قبل مدة بسيطة بسبب تسمم عدد كبير من المصطافين

ثاني يوم تم السماح للرمانة فقط

راعي الطيبات فتح مطعمه قالوا له ليش تفتح ما بعد صرحنا لك قال جيزي جيز الرمانة

الله يخلي الواسطات

انا مع حملة الاكل في البيت والله انظف واطعم وارخص

**K I N G** · 26-08-2007, 08:44 PM

بارك الله فيك ..
سنقاطعهم .. حتى افلاسهم ..
ونأكل من البيت ..