السلام عليكم ورحمة الله

كنت في رمضان من هذا العام ( ولظروف خاصة ) أقوم بالتنقل من مطعم لآخر .. وليست عادتي ولكن مكره أخاك لا بطل , وخصوصا في وجبة السحور , ابتليت بمجموعة من الشباب الذين يفرطون في أكل الكبسة للسحور , وهنا جائت العدوى , من أولئك النفر .. فصرت مع الخيل يا شقرا ..

المهم , سنحت الفرصة وأنا انتظر طلب من أحد المطاعم المشهورة بالمضغوط أن أتحدث مع البائع , لأن سعر الطلب للدجاجة الواحده كان أربع وثلاثين ريال ( الله يرحم البخاري أبو 18 ريال ) كان يحط رز لين تطفح الكيسة من خير الله .

كان طلبي خمس دجاجات مع الرز طبعا , وكان السعر مزعج قياسا بالطلب , فخجلت من الزحمة والناس اللي يبون ياكلون أي شيء , فدفعت ما مجموعه 180 ريال مع شوي معلبات .. يعني خمس دجاجات في علبة قصدير تستحي تحطه قدام ربعك

.. لأن الرز مكبوس بالدجاجة فصاير دجاجة مع شبه رز .... !!

هنا استجمعت قواي وسألت البائع سؤال :
يا صديق ما تحس إن هذا السعر مبالغ فيه لدجاجة واحدة .. ؟؟

ضحك وقال :

لو أنا مكانك ما أشتريت ... بس هذا سعر صاحب المطعم .. !!

قلت كفووو والله ... الإعتراف بالحق فضيلة .. بس هل تتوقع رمضان ضاغطكم مره علشان تضغطون الناس ؟؟

قال : لا لا .. هذا سعر عام وما له علاقة برمضان .. !!

قلت طيب ليش ؟؟

قام وطلع لي كرت وقال هذا رقم صاحب المطعم تكلم معه ..

أخذت الطلب وركبت السيارة , وقلت في نفسي ( أدق وإلا ما أدق .. أدق وإلا ما أدق ) طبعا ماكان معي ورده علشان أنتفها وأطلع بخيار نهائي .. بس من باب الإستئناس قلت بسم الله ... طع طن طووط طاط ( قاعد أدق عليه )

وبالفعل رد صاحب المطعم ..

سلام : وعليكم السلام

وشلونكم يا صاحب المطعم قال مبسوط ( قلت في نفسي أكيد مبسوط من ذا الدراهم يا شنب ) ..

قلت أنا مواطن وفي نفسي أسألك سؤال ..

فقال تفضل .. قلت يا الحبيب وش السر اللي يخلي دجاجتكم الله يحفظك أنت واياها بها السعر ؟؟

قال السر النكهة والطعم !!

( قلت في نفسي أخس يا الكافيار ) !!

قلت ترى الدعوه طال عمرك دياية .. وش السر .. ؟؟

قال أنا دخلت السوق وأنا اعرف إن لا أحد يستطيع مجاراة خلطاتي ..

قلت وش خلطاتك طال عمرك

ضحك وقال : سررررية .. ياخوي ..

قلت ماصدقنا نفتك من دلاخة كنتاكي حتى تجينا بها السالفة ؟؟

قال نعم , السر بالخلطات ..

قلت وش سر الخلطات اللي يخليك ترفع سعرها ؟؟

قال : الخلطات مكلفة جدا جدا .. ( قلت في نفسي يمكن انه حاط كشنة مع برادة ذهب وقطع ألماس صغار ) !!

قلت أنت مواطن ويهمك مصلحة الوطن , ليش ما تنزل السعر وتكسب الناس ؟؟

قال أنا ما يهمني الكم , يهمني الكيف , أنا يناسبني سعر 28 ريال , لكن أعتقد إن 34 ريال ليست غالية أبد أبد ..

قلت رسالتي وصلت ؟؟

قال نعم ..

قلت حاول أن تكون في مكان الأشخاص الآخرين الذين لا يجدون الـ 28 ولا الـ 34 ريال ..

فقال : فرصة سعيدة !!

هذي خلطات ام علي

لو تمت مقاطعته من الجميع كان نزل السعر غصب عليه
بس وين المقاطعين ؟!

والله لو اقولك اننا شعب لا نملك إلا خيااار واحد اقووول يمكن ننجبر على هذه الاسعااار المصيبة والمشكلة والبلاء اننا نملك خياااااااااااااارات كثيرة يعني لما تمر بشاارع تشووف قدامك الف مطعم كأنك ماار محلالالات التشاليح (( الله يكرم النعمة ))كثيرة المطاعم ولكن سياسة القطيع يابعد حيي عذبتناااا مع الخيل ياااااااااااااااااااااادجاجة قصدي ياشقراااء تسلم على الموضوع

مساكم خير

هالمجمله من جمله كلام بقلبي لكن خير الكلام ماقل و دل

المشاركة الأصلية كتبت بواسطة حجازي

ولكن سياسة القطيع يابعد حيي عذبتناااا مع الخيل ياااااااااااااااااااااادجاجة قصدي ياشقراااء تسلم على الموضوع

بنت المذن بـ 34 ريال
بصراحة رفع سعر الدجاجة أكبر مسرحية ضاحكة باكيه
من السهل أن تقاطع الجشعين ~ ومن الصعب أن تستمر بمنح أموالك للجشعين
تشكر واضح ومبسوط
وينقل امره لقسم المطاعم رفعت أسعارها

مشكلت هالشعب الانانية
اللي عنده مايهتم لامر اللي ماعنده
وعلى قولة اخواننا المصريين اللي ماعندوش ماليزموش
لو حسينا بمعاناة بعضنا كان تادب الجشعين

خلا ص اخواني هو فتح المطعم وما جبر احد يشتري من عنده
الله يهديكم انتوا الي رحتوا واكيد تدلون اماكن مطاعم كثير
والا اقول لكم افتحوا مطاعم وما ادري وش بتسووا
اكيد بترفعوا اكثر منه

المشاركة الأصلية كتبت بواسطة السوسنه

خلا ص اخواني هو فتح المطعم وما جبر احد يشتري من عنده
الله يهديكم انتوا الي رحتوا واكيد تدلون اماكن مطاعم كثير
والا اقول لكم افتحوا مطاعم وما ادري وش بتسووا
اكيد بترفعوا اكثر منه

اختي يمنية وافتخر
على بالي إن تخصصك مدافعه عن مطعم الرومانسية طلعتي مدافعه عن المطاعم كلها
وش بكم يا المقاطعين
اللي يرفع سعره شجعوه

والله البيت مليان اكل وش يوديكم للمطاعم خخخخخخخخخخخخ
اسعارهم حلوه هههههههههه