سيارات الرنج روفر ... وأكاذيبهم بالخصومات

**salah1001** · 15-09-2009, 10:33 PM

السلام عليكم ورحمة الله وبركاته

ذهبت بالأمس إلى وكالة رنج روفر 24 من رمضان 2009 ومعي سائقي أريد سيارة له ... قلت للسائق أختر أي سيارة فختار السبورت... والله أنا أعجبني الموتر وأنتم تعرفونه زين

على كلامهم إن سعرها
قبل 335000 ثلاثمائة وخمسة وثلاثون ألف ريال
والآن 310000 ثلاثمائة وعشرة آلاف ريال **في رمضان فقط**

يعني خصم 25000 ريال موديل 2010 على كلامهم

المهم السعر حلو جدا

شوفوا الكذبة كيف

قلت له طبعا الآن المرور مقفلين وماراح تخلصون الأوراق إلا بعد العيد...قلت له بعد العيد راح أجيكم هنا إن شاء الله..

قال الموظف لي .. طيب إدفع دفعة أولى عشان نحجز لك السيارة ...

قلت له السيارة موجودة يعني بعد العيد بتطير السيارات كلها اللي عندكم ..

قال لي أعتقد إن سعرها راح يرتفع .. هذا الخصم في رمضان فقط ..

ياأخوان تدرون كم قال لنا تدفع الدفعة الأولى وبعد العيد باقي المبلغ والله العظيم 128000 ريال **مائة وثمانية وعشرون ألف ريال**

ياأخواني المقاطعين كان متحمس عندما قلت له بدفع كاش...

الحاصل قلت له بعد العيد يصير خير .. قال راح تجيني والسعر مرتفع وإنت الخسران

سؤالي ::

أين الرقابة عن هذا التلاعب الذي يحصل في بلادنا العزيزة؟

**خالد 1** · 16-09-2009, 02:57 AM

ملاحظه ..
لماذا أنت دائمآ تركز على المضاهر والتفاخر بالأسعار الكبيره
والأن تقول بأن السائق هو من يختار سياره بسعر 335000 الف ريال .
أجل كيف غرفة النوم الخاصة بالسواق .. أكيد مخصص له جناح خاص لكي يستقبل من يشاء .
وايضآ توفر له جميع أنواع العطور المركزه حتى تطلع ريحته ممتازه امام الناس
--------------------------------------
نصيحة ..
أدخل في الموضوع واكتب اللي عندك بوضوح
وخلي السواق في حاله ومحد سألك عنه .
----------------------------------------

**مقاطع بمعنى الكلمه** · 16-09-2009, 03:37 AM

ما هذا يا صلاح هل هي حلقه لطاش ما طاش
انت كما انت لم تتغير يا صلاح حتى في العشر الاواخر من رمضان
دائماً تدعي الثراء
ودائماً تتحدث عن هذا السائق انه يختار لوازم البيت هع هع
اذكر مره كتبت موضوع انك ستشتري لابوك كامري 2010
وستشتري لسائق كراون 2010 قيمتها 150000
هل رفض السائق الكروان واختار رنج روفر ؟!!
حدث الناس بما يعقل

**salah1001** · 16-09-2009, 03:57 PM

اقتباس:

المشاركة الأصلية كتبت بواسطة مقاطع بمعنى الكلمه

ما هذا يا صلاح هل هي حلقه لطاش ما طاش
انت كما انت لم تتغير يا صلاح حتى في العشر الاواخر من رمضان
دائماً تدعي الثراء
ودائماً تتحدث عن هذا السائق انه يختار لوازم البيت هع هع
اذكر مره كتبت موضوع انك ستشتري لابوك كامري 2010
وستشتري لسائق كراون 2010 قيمتها 150000
هل رفض السائق الكروان واختار رنج روفر ؟!!
حدث الناس بما يعقل

أخي العزيز
والله أنا بنفسي ذهبت إلى تويوتا ولم ينزل عندهم الكراون

**خالد 1** · 17-09-2009, 08:12 PM

اقتباس:

المشاركة الأصلية كتبت بواسطة salah1001

أخي العزيز
والله أنا بنفسي ذهبت إلى تويوتا ولم ينزل عندهم الكراون

مافي مشكله ولاتزعل .. انا أصدق كل كلمه تكتبها في المنتدى
وكلامك عسل ولها بصمه عندنا .... ولاتبخل علينا .
لكن بعض المرات أشوف أرانب كثيره تنطنط من موضوعك
ولازم أقراء موضوعك وبطني فاضي علشان لايجيني مغص حاد .
هههههههههههههههههههههههههههه

بدون زعل ياصلاح ... فرفش

كيموس القديم · 16-09-2009, 09:19 AM

ياولد انا قايل من البدايه انك (.......)
فضلا اضحك مع

salah1001

ياخي يرحم والديك ترانا بالاواخر من رمضان....

شوف نجي للجد ودي افهم الحين انت تستهبل والا من جدك لاني جالس اكتب وامسح مابي استاثم فيك وانا صايم وبقلبي حرهـ مني قادر اصبر لما افطر واخاف اني افطر عليك هالحين...

جالسين نقول مقاطعه وننزل الاسعار والدنيا ارتفعت نار وانت جاي تقول بشتري سياره للسواق ( لو انك قايل لولدك اللي عمره سنتين ياخي ببلعها ولو اشرب وراها كرتون بيبسي بتنبلع يعني بتنبلع ) لكن السواق رايح تشتريله سياره وعلى كيفه ومن لاندروفر وسبورت وسعرها فوق 300 الف ؟؟

طيب ليه عاد تتكلم عن المقاطعه وانت رايح تشتري يا ولدي؟؟

اللهم اني صائم واتمنى ماتتحرر اي كلمه في ردي هذا ترى كتبته قبل ما افطر والله يعين ما اكتب اي شي ثاني الى وقت المغرب...

من اليوم كل مابشوف موضوع لك بعتبر نفسي داخل مسرحيه كوميدي وشعاري هو

اضحك على
salah1001

**dr.mazag** · 16-09-2009, 11:42 AM

ههههههههههههههههههه

**FUSION** · 18-09-2009, 10:14 PM

أنا سواقي رفض الفانتوم وقال شكلها كلاسك مو كويس بابا

الي استحوا ماتوا

Moqat3 Akbr · 18-09-2009, 10:47 PM

والله كثروا البزران خلف شاشات النت
فيه طراره عند باب المسجد حقنا ألحق
عليها وعطها بنتلي ولا رولز رايس
ماودك تتوكل

**فهد الزهراني** · 19-09-2009, 06:34 AM

اقدر اشتغل عندك سايق !! وببلاش