أحدر مطعم ولد البلد في العنبرية في المدينة المنورة

**كاشف الحرامية** · 02-09-2009, 09:05 AM

الله لايبارك في هدا المطعم المقرف أمس نكد علينا فطورنا أشترى أخوي منه فول للفطور ويوم جاء وقت الفطور وجينا نأكل منة تدرو وش حصلنا وسطة ولله العظيم شي مقرف جدا جداجدا

سن أنسان علية دم اسود قديم

تخيلو سن انسان علية دم اسود ناشف وسط جرة الفول صاحب هدا السن ماندري وش فية من الامراض ممكن فية كبد وبائي ممكن فية ايذز ممكن فية كل علة والمصيبة ان المطعم مابينة وبين أمانة المدينة الا 50 متر والامانة مضيعة الطاسة وماهي داريةعن مطاعم المدينة تصدقو ان اغلب مطاعم المدينة تمر سنة ومايجيها احد من مراقبي البلدية

اتركم مع الصورة المقرفة

والمصيبة تروح العصر عنده تلقى الناس طايحين علية زي الفراش يوم يطيح على النور وماحد داري وش فية فولة من قرف

ولو تشتكية للامانة يقفلو يوم وبكرة تلقا فاتح لاكن الشكوى لله

**مقاطع من الجبيل** · 02-09-2009, 11:10 AM

حسبي الله عليه ونعم الوكيل

وحسبي الله على البلديه اللي ماعندها الا خمس مراقبين بوسط منطقة فوق المليون نسمة

ياخي لاتقف عند هذا الحد فما عليك امر اذهب للبلدية وقدم الشكوى

عل وعسى يسوون شي للناس وتكسب خير وتسوي ضجه يمكن يقومون

بعدين بيني وبينك وش تبي بالمطاعم وانت متأهل

انا استغرب من المتأهلين وش ياكلون له من المطاااااااااااعم ؟؟!! مايحدك عليها الا الحظ الاقشر

صدقني وانا كنت عزوبي ماافطر بالمطاعم افطر بشقتي تمره وقهوه وقشطة وبعده اسوي سمبوسه بنفسي

ومرات العشاء بالبيت ومرات عند الاصحاب ومرات نواشف

وقلمااااااااا اكل من المطعم الا مطعم نظيف ومحترم وشي مشوي على الناااااااار لان النار تاكل كل شي وتحرقه

ولاتخاف من السن ماينتقل الايدز بالاكل

**جمرة غضا** · 02-09-2009, 12:39 PM

هلا بك
اعتقد إن هذي سنه السنون

قبل فترة مطعم بالقصيم صنع صفائح لحم بها سن !...
قل الرقابة يولد الإهمال والوساخة ..... لكن نتأمل بالقريب يبدأ التشهير بالمطاعم المخالفة "الرادع القوى للمطاعم "
وياليت تروح تشتكيهم

**د/مقاطعة** · 02-09-2009, 12:43 PM

اليوم ~ سن ~ وبكـرة تلقـى ~ لثة ~ افغـاني هههه

يازين اكل البيت حتى لو ما كان حلو ، اهم شيء نظيـف

**الحربي508** · 02-09-2009, 08:31 PM

اقتباس:

المشاركة الأصلية كتبت بواسطة د/مقاطعة

اليوم ~ سن ~ وبكـرة تلقـى ~ لثة ~ افغـاني هههه

يازين اكل البيت حتى لو ما كان حلو ، اهم شيء نظيـف

انك صادق بس المشكله الي تقرفني باكل بيتنا طبخ الشغالات
صج انه باشرف ولاكن دائمن اقول بنفسي كلهم اجانب

**هدهد سليمان** · 03-09-2009, 02:20 PM

لاحول ولا قوة الا بالله

الحمدالله من فتره تخلصت من اكل المطاعم الا ماندر ياربي اذا انجبرت عليه

**ابوابلي** · 03-09-2009, 03:25 PM

لابد ان نعود ابنائنا عاى اكل البيت منذ الصغر لان الطفل اذا تعود على اكل المطاعم صدقونى ماراح ياكل في البيت هذه تجربة مع ابنى الكبير واناا الان اعود ابنائى الصغار عاى اكل البيت والحمد لله الامور زينه الى الان