وش السالفة قلبتوها اعلانات

**تقطيع أو مقاطعة** · 15-06-2009, 01:16 AM

وش فيكم صار فيه اعلانات سيارات وصورسيارات واستشارات شراء ونسينا المقاطعة حتى المستعمل انحرمنا منه صارت الفورد 97 فوق الثلاثين في الصالات والله المستعان

**جمرة غضا** · 15-06-2009, 01:36 AM

حياك تقطع المقاطعة ... وتشكر على الإهتمام ب الحملة وبالمنتدى

الحملة مازالت مستمرة .. ومادامهم سعوا لقانون منع الإستيراد 2004 م حتى يجبرونا على الشراء منهم ..... فــهذا القرار زادنا اصرار وعزيمة ..... و سنستمر بالحملة بـــــمدة مفتوحة
وخلوا موديلاتهم تصدي عندهم
والفت نظرك أن الإعلانات التسويقية ممنوعه في منتدى مقاطعة وتحذف مباشرة ولوكرر العضو وضعها يوجه له إنذار ....منتدى مقاطعة لن يسمح بوضع أي إعلان ترويجي للوكلاء مصاصي الدم ولن نساعد أحد على رفع السعر وسرقة الشعب
-------
صحيح هناك من يستشيرنا وخاصة من بعد العروض المقدمة
وهذا جيد حتى نوضح له إن العروض المقدمة "خدع ونصب " ولا ينجرف خلفها .. ومازلنا نقول لمن أراد الشراء انتظر كل ما قدم من تخفيض هو فتات رمي لك
======
صور السيارات وجودها يفيد المقاطعين.... هي ليست دعوى للشراء بل دعوه للتثقيف
دع المقاطعين يعرفوا فرق المواصفات وفرق السعر بين السعودية والدول الأخرى
السيارة عندنا مرتفع سعرها ومواصفاتها اقل من الدول الخارجية والكثير يجهل هذا .. يتوقع ما يستودره الوكيل هو الأفضل

كيموس القديم · 15-06-2009, 08:11 AM

اقتباس:

حتى المستعمل انحرمنا منه صارت الفورد 97 فوق الثلاثين في الصالات والله المستعان

شريته قبل سنه وثمانيه شهور تقريبا من الصاله بـ 17 الف ريال وخسرت عليه اكثر من 10 الاف ريال من تغيير لون وغيره وصيانه والسياره ماشاء الله عليها ميه ميه سنه واربعه شهور خدمه بامتياز وقطع الغيار رخيصه وتعمر...

بداية الحملة بعت السياره بمبلغ 15 الف ريال فكيت ازمه صغيره وبنفس الوقت قلت اتخلص من سيارتي والاسعار نازله نازله وباخذ اي شي تقسيط...

ابشرك من يوم شفت اعلان القرار حق الخمس سنين قمت ابكي على سيارتي وامنت بالله ان الوضع بيمشي للاسوا وكم سنه وبنوصل لمرحله يصير امتلاك سياره فيها ضرب من الاحلام...

احد يقنع اللي شرى سيارتي يرجعها لي بنفس المبلغ او زيادة الف ريال

**dr.mazag** · 15-06-2009, 08:43 AM

اقتباس:

صحيح هناك من يستشيرنا وخاصة من بعد العروض المقدمة
وهذا جيد حتى نوضح له إن العروض المقدمة "خدع ونصب " ولا ينجرف خلفها .. ومازلنا نقول لمن أراد الشراء انتظر كل ما قدم من تخفيض هو فتات رمي لك
======
صور السيارات وجودها يفيد المقاطعين.... هي ليست دعوى للشراء بل دعوه للتثقيف
دع المقاطعين يعرفوا فرق المواصفات وفرق السعر بين السعودية والدول الأخرى
السيارة عندنا مرتفع سعرها ومواصفاتها اقل من الدول الخارجية والكثير يجهل هذا .. يتوقع ما يستودره الوكيل هو الأفضل

كلام جميل الله يعطيك العافية