السلام عليكم ورحمة الله وبركاته.

إخواني ياجماعة الخير بقول لكم قصتي أنا وبعض موظفيين شركة أحمد حمد القصيبي لتعبئة المرطبات (بيبسي) بالشرقيه.

أنا خريج الكلية التقنيه تخصص إنتاج صناعي عام 1428هـ...وأنا من سكان الأحساء .

وقدر الله علي ورزقني بوظيفة مشغل آلات في مصنع البيبسي راتبي الاساسي 2400 مع البدالات يوصل 3200 يعني مخصومه تامينات إجتماعيه 270 ريال صافي الراتب كل شهر 2930 ريال.

لما جيت أتوظف ووقعت العقد مع الشركة كان من ضمن الشروظ إن الدوام الرسمي 8 ساعات واللي يزيد عن 8 ساعات يعتبر إضافي ويحسب للموظف طبعاً كحال جميع الشركات.

والدوام طبعاَ ثابت صباح من دون شفتات..وكان الوضع ماشي على ماهو عليه ولو إن كموظفيين سعوديين تنقصنا الكثير لكن الحمدلله يعني راتبي هذا مايفتح لي بيت لو فكرت بالزواج بعدين والشركة هذي معروف عنهامافيها زياه لو تجلس فيها 15 سنه.

ومافيه للسعودي تأمين طبي لكن الأجنبي له تأمين طبي..المهم قبل شهرين تقريباً توفى صاحب الحلال الشيخ سليمان القصيبي وكان آخر أبناء حمد..واستلم الحلال الآن أبن اخيه يوسف بن أحمد القصيبي.

ولكن انظروا ماحدث ياجماعه لي ولباقي الموظفيين السعوديين بالمصنع..

نزل قرار بأن الدوام راح يكون 9 ساعات وراح يكون شفتات اللي هو من الساعه 7 صباحاً وحتى الساعه 4 عصراً..والإسبوع الثاني يقلب دوامك من الساعه 4 عصراً حتى الساعه 1 منتصف الليل.والراتب على ماهو عليه ..ولما دخلنا على مدير الإنتاج(فلسطيني الجنسيه). قال لنا بالحرف الواحد انتوا بالأول كنتوا تداومون 8 ساعات مع ساعة الراحه يعني دوامك الرسمي يكون 7 ساعات عشان كذا خليناها 9 ساعات يكون ساعه راحه و8 ساعات دوام)..حنا طالبنا بزياده في الراتب ولكن لاحياة لمن تنادي . والدوام يوم الخميس دوام كامل يعني فرضاً لو داومنا من الساعه 7 إلى الساعه 4 متى راح تطلع من الخبر وتوصل للأحساء ع الأقل يبغالك ساعتين بالطريق.علماً بأن موظفيين المصنع السعودين كلهم من الأحساء والقطيف.

أنا استفسرت من أصحابي اللي يشتغلون بمصانع ثانيه وقالوا قرار من مكتب العمل إن الدوام يكون 8 ساعات 7 ساعات عمل وساعه راحه للموظف.

رحت أتأكد من مكتب العمل ودخلت على الموظف في قسم التحقيق والقضايا وسألته عن نظام الدوام الرسمي..قال : كم ساعه انت موقع بالعقد مع الشركه؟؟ .. قلت له 8 ساعات بالعقد قال خلاص داوم 8 ساعات.

ولما علمته بالقصه حسيته ماعرف وش يقول وأرسلني لموظف ثاني ونفس الحكايه بعد الموظف الثاني ارسلني للمدير .

وأنتظر المدير من الساعه 12 ونص الظهر لين 1 ونص وهو مو موجود بمكتبه .

ورجعت مره ثانيه للدوام ودخلنا مره ثانيه للمدير وطالبناه إذا يبغى يزيد علينا ساعات العمل على الأقل السعوديين يخلينا نداوم يوم الخميس نص دوام يعني من 7 الصباح إلى 12 ونص الظهر.

المدير وعدنا خير وقال راح أخليكم تدامون نص دوام يوم الخميس..وجا يوم الخميس اللي هو أمس ودخلنا على المدير قلنا له متى ينتهي دوام السعوديين اليوم قال حالكم حال الباقي.

ولما اعترضنا على كلامه قال اللي مو عاجبه يقدم استقالته ويطلع برى الشركه <<-- خير ؟؟

والحين جميع الموظفيين السعودين مستآئيين من الدوام وطبعاً كل هالقرارت صارده من المدير المالي حسن زعتر (فلسطيني الجنسيه).وأصحاب الحلال مايدرون عن شي يصير داخل المصنع.

والفلسطينيين يسرحون ويمرحون وزياده بالانتاج على حساب الموظف السعودي عشان تزيد عمولتهم.

أدري طولت عليكم بالكلام اعذروني لكن ابي حل أنا ظروفي صعبه ما اقدر اترك الوظيفه ولو ان الراتب قليل..لو تركت الوظيفه صعبه احصل وظيفه ثانيه وانتوا عارفين نسبة البطاله كم واصله بالبلد والبركه كله في الشركات الخاصه.

فأنا ابيكم تدلوني على شي اسويه اقدر فيه آخذ حقي وحق باقي الموظفيينالسعودين من هالزمرة الفاسده الفلسطينيين.

سامحوني إذا طولت عليكم بس المنتدى هذا انشهر في كل مكان بسبب ظلم وكالات السيارات للمستهلك ..

دمتم بود.

حياك الله أخي
ورأيي أن يتقدم جميع الموظفين السعودييين بشكوى لوزارة العمل وحقوق الإنسان وديوان المظالم ، عشان إذا ما نجحت شكوى تكون الثانية أخذت طريقها .

لا تقدم شي باسمك لوحدك ، لأنه ربما يتم فصلك ، لذا اجعل الشكوى باسم الموظفين السعوديين ، وعليكم بالدعاء على من ظلمكم .

الى الاخ حلم واحد ما تنفع الا العجره امسك الفلسطيني وادبغه دبغه محترمه ينزبط معكم
هههههههههههههه امزح معك لا تصدق
الله يكون في عونكم بس لا تسكتو عن هذا الظلم وحاولو ان توصلو صوتكم الى صاحب المؤسسه
واذا ما نفع الى مكتب العمل واذا ما نفع الى حقوق الانسان واذا ما نفع استقاله جماعيه والرازق
الله هو الذي يعوضكم با احسن منها لآن اذا سكتو على هذا الظلم سوف يزدادون في القرارات التي
تسلب حقوقكم وانصحك شفلك مشروع تجاري واجمع المال من اجله والله انه احسن لك من هذه
الوظيفه والله ينصركم على هذا الظالم

انت سعودي !! هس اسكت ولا كلمة اتحمد ربك وظفوك لموك من الشارع !!! انت سعودي في بلدك حلالك بلد اجدادك هس ولا كلمه راج كومار المدير المالي يزعل ومستر كنهل المدير التنفيذي يتضايق والسيد انطوان ما يعجبه !! انت سعودي هس ولا كلمة اسكت .... مو عاجبك روح اشتكي للوزير الاديب المحامي السفير الدكتور الشاعر غازي القصيبي وزير الصحة سابقا وزير الصناعة سابقا وزير المياه سابقا سفير المملكة بالبحرين سابقا وببريطانيا سابقا ووزير العمل (حاليا حتي ياذن الله بالفرج اما بتقاعد او .....)... الحل الافضل في الثلث الاخير من الليل ارفع يدك الي قاضي القضاة ملك الملوك واشكو له وتذكر امن يجيب المضطر اذا دعاه وتذكر دعوة المظلوم ليس بينها وبين الله حجاب وتذكر وعزتي وجلالي لانصرنك ولو بعد حين ....

أقسم وزير العمل الدكتور غازي القصيبي أمام الصحافيين ومفتشي كلية التقنية في الشرقية أمس، أن الوزارة تحرص على توظيف الشباب السعودي في أعلى الوظائف. وقال «والله والله والله أتمنى أن يحصل كل شاب سعودي على أعلى الوظائف».

http://burnews.com/news-action-show-id-6055.htm

هذا تصريح لوزيرنا قبل كم يوم
يا وزير قبل أعلى الوظائف نبي الأمن الوظيفي حققه لأبنائنا ... شيل الظلم عنهم
اخوي ارفع شكوى عليهم أنت واخوياك ..
ومهنا غريب ترا الشركة شركة أخو الوزير على ماسمعت

والله ياخوي حلم مشكلتكم مشكله اقترح الذهاب الى جريدة الاقتصاديه او شمس وفضح هذه الشركه الغير وطنيه..
او مثل ماقال اخوي الزهيري اكتبوا خطاب جماعي لمكتب العمل وبرقيه جماعيه لامير المنطقه وكذلك وزير العمل مع ان صاحب المصنع يمكن يقرب له
للاسف العمل في القطاع الخاص خاصه لمن يكون المتسيد في الشركات اجانب قطاع غير آمن
الله يرفعكم وينصركم بالحق

امامكم التقدم بشكوى جماعية لدى مكتب العمل

مشكورين إخواني على ردودكم وماقصرتوا وربي رفعتوا من معنوياتي الصراحه وانشالله حنا متفقين جميع الموظفين السعودين يخرجون لمكتب العمل مع بعض ويقدمون شكوى.

وماراح نسكت أكثر من كذا لو أعطيناهم وجه راح يتمادون ويمكن يجونا ويقولون يوم الجمعه بعد دوام.

مرحبا أخي حلم واحد ,,,

أحس بمعاناتك لأني متخرج مثلك من كلية تقنية
واعرف ما هي مشاعر خريج الكلية عندما يجد أصدقاءه يعملون في ماكدونالدز ونعومي !!
ثم يتوظف هو براتب 3000 ريال ؟؟
ممكن خريج ثانوي يبلع 3 آلاف ولكن خريج الكلية صعب , لأنه صدق كذبة المؤسسة العامة للتعليم الفني والتدريب المهني بأنه سوف يتخرج مساعد مهندس !!

ولكن في الحقيقة أن خريج الكلية التقنية لا هو مهندس , ولا هو فني
يعني ليس لديه علم نظري ولا مهارة عملية .

نعود للموضوعك اخي الحبيب وموضوع كل شاب سعودي
للأسف ان وضع الشركة سليم من الناحية القانونية
حيث ان نظام العمل يشترط 8 ساعات عمل في اليوم ( لا تدخل من ضمنها ساعة الراحة )
يعني الدوام 9 ساعات ( 8 ساعات عمل + ساعة راحة )

ونظام العمل أيضا يشترط 48ساعة عمل اسبوعية حد أقصى وفي حال زادت ساعات العمل عن ذلك يعطى الموظف خارج دوام

والشركات المحترمة تلزم الموظف ب 40 ساعة اسبوعية وذلك لراحة الموظف
وفي أوربا تصل في بعض الأحيان 38 ساعة اسبوعية فقط .

وأخيرا نصيحة :

- أنسى فكرة أنا سعودي وهذا أجنبي في عملك داخل أي شركة , تعامل مع الموظفين كأصدقاء
- حاول أن تطور ذاتك باللغة الانجليزية
- لا تقلق بشأن المستقبل فسوف يأتيك رزقك الذي قدره الله لك .

والله يوفقك

هذا بداية الطتفيش من العمل .
لاكن انتبه تشتكي لوحدك وتروح الضحية بينهم .
كلامكم يكون واحد وخطاب الشكوى تكون باسم الجميع
ولايعرف المدير الفلسطيني انك انت سبب الخطاب او من يحرض زملاه .