السلام عليكم
أبي نصيحة
عندي تاهو 2007 مامشى كثير دون من 30 الف ...
لكن كفراته بحاجة للتغير
عاد ابي أفضل نوع كفرات
رأيكم
جوديير أو ميشلان أو بريدجستون
وكم تتوقعون أسعارها

1- مشلان الماني او فرنسي
2- برجيستون ياباني

المشاركة الأصلية كتبت بواسطة فيصل2

1- مشلان الماني او فرنسي
2- برجيستون ياباني

ميشلان فرنسي لا تتردد خخخخخ :d

انا غيرت كفرات ماكسس تايلاندي ممتازة افضل مواصفات سعرها 450 ريال سالت دكتور في الجامعه قسم مكانيكا ونصحني بيها

افضل كفرات يجب توفر الشروط التالية فيها :
- يكون لونها اسود .
- وتكون دائرية لأن المربع متعب .
- أن يكون لها بلف هوا .
- أن يكون عددها 4 .



الصراحة مالي خبرة في كفارات اليوكون
لكن هذي مواصفات يجب أن يتأكد منها الجميع

يعطيكم العافية ماقصرتوا ....

افضل كفرات يجب توفر الشروط التالية فيها :
- يكون لونها اسود .
- وتكون دائرية لأن المربع متعب .
- أن يكون لها بلف هوا .
- أن يكون عددها 4 .

ملاحظات مهمه نضعها بــالإعتبار

السلام عليكم ورحمة الله وبركاته للجميع :d

وصبااح الخير

اولاً يعطيك خيرها ويكفيك شرها يا جمرة غضا

نجي للموضوعك

ميشلان = الماني (غالي)
جوديير = ثلاث انواع الماني وامريكي(كندا) وافريقي والاحسن فيهم الالماني
برجستون= يباني وغالي وقاسي تحس بقساوتة الكفرات في اللفات وواعتقد كمان الخط

وعندك كفرات دنلوب معرووفه في الجيوب . بالنسبه للسياره العايديه كنت اسأل طلع على كلام كذا بنشري وسعرت جوديير احسن من ميشلان بس يكون الماني مو افريقي وارخص كمان من ميشلان وبرجستون بس ركبت كفرات تويو str .

جربي كفرات دنلوب اركبها بلاند كروزر واسافر في من جده ليييين تركيا (اسطنبول وبعض المناطق فيها) + سوريا + الاردن الحمدالله مريحه

وأتبعي طريقتي اشتري طقم 4 كفرات جديده فقط والخمس القديمه اختاري انظف واحد وحطيه اسبير بالسياره واذا في غيره كمان نظيف حطيه بالبيت وسعري الكفرات عند البنشري وعند المؤسسه تلاقي فرق بالسعر وانتبهي للتاريخ المكتوب على الكفر يكون جديد مو مخزن

أختنا جمرة غضا - استحملي ردي الطويل لكن إن شاء الله تستفيدون وتدعون لي -

أهم نقطة لاتشترون من أي بنشري !! روحي للوكيل نفسه واشتري منه بيكون السعر أرخص والخدمة والضمان أفضل والكفر جديد وتخزينه أفضل

دام السيارة تاهو - ثقيلة ومكينتها قوية - لا تتردين في دفع مبلغ كبير على الإطار
الإطار هو اللي يتحملكم ويتحمل سيارتكم ! اختياره و صيانته تحفظكم من حوادث الانفجار بإذن الله

انصحك بقراءة مواصفات الإطار الحالي والبحث عنها في الإطار الجديد :

1-أبعاد الإطار الحالي على السيارة ( الثلاث أرقام المقسومة على بعض تدل على الأبعاد وعلى حجم الجنط ، مثال 225/60/16 كفر الفورد )

2- انتبهي لمؤشر درجة الحرارة يكون A ليناسب أجواءنا الحارة

3- مؤشر التماسك Traction إما A أو AA والثاني أفضل من ناحية التماسك لكن الأول مناسب جدا وأفضل سعريا

4- مؤشر التآكل Tread Wear يكون بجانبه رقم مكون من ثلاثة أرقام ، وهو يعطي العمر الافتراضي للكفر مقارنة مع المعدل الطبيعي (التآكل الطبيعي هو 100 وهو رقم افتراضي وضعته شركات الاطارات والمواصفات والمقاييس الأوروبية على ما أظن ، لمقياس دوام الكفرات )

مثال على سيارتي بريدجستون تاكله 260 ، بمعنى أنه يدوم 2،6 أكثر من العمر الافتراضي للاطار العادي

مؤشر التآكل يختلف من نوع وآخر وكذلك بين الماركات ، أظن 250 كويس بحكم ثقل السيارة ( ماعندي علم بالجموس )

4- رقمان مهمان جدا بالنسبة لأي سيارة ثقيلة الوزن ، لاحظيهم في الكفر الحالي وهما مؤشر الحمولة ومؤشر السرعة ( انظري الصورة التي وضعها الزهري )

السوبر بان على ما أظن مؤشر حمولته 113 والسرعة V يعني حوالي يتحمل سرعات 240 كم/ساعة ، قد تقولين آخذ H اللي يتحمل إلى 210 كم /ساعة ، لكن أعملي حسابك الـ V يتآكل بشكل أقل ويتحمل أكثر

تأكدي من مواصفات الكفر الحالية من هذين المؤشرين فهما أهم رقمين يمكن التلاعب فيهم

مثال : كفر سيارتي ( حمولة 98 وسرعة V) حاول بنشري يبيعني كفر سوتوموتو - مادري ويش اسمه - بـ 270 ريال ، بس الكفر حمولته 97 وسرعته H !!! رفضت لأن راح تتغير علي السيارة لفرق الكفرين

5- أطلبي من البائع يعطيك وقت صنع الإطار ، العمر يكتب على الإطار نفسه بطريقة الأسبوع السنة ( مثال 4008 يعني الأسبوع الأربيعن من سنة 2008 ، والسنة فيها 52 أسبوع يعني ان الإطار عمره 5 شهور إلى يومنا هذا ) لا تاخذين إطار عمره أكثر من 6 شهور

---------------------------------------------------------------------

أما الماركات التي أنصحك بيها :

- إذا الميزانية ضيقة خذي تويو والشهادة لله الكفر ممتاز جدا حطيناه على أكورد ولا فيه أي صوت وناعم جدا ومتماسك
وأزيدكم وكيله لما اشتكينا له أن الإطار مشعور بعد اسبوع ، غيره على الضمان ببلاش
http://www.toyojapan.com/new_tires/p_uhp.html

- إذا الميزانية كويسة أنصحك لا تشتري تويو وخذي بريدجستون( Turnza وليس Potenza ، الأول صامت وهادئ والثاني رياضي وله صوت)، وكيلهم شركة الطلائع وسعرهم مقارنة بالجودة الممتازة جدا رخيص ( بس مو أرخص من تويو )والكفر معروف يتحمل أوزان ثقيلة جدا . الوكيل يسوي لك صيانة وتبديل كفرات أمامي مع خلفي بعد 10 الاف كيلو
http://www.bridgestone-mea.com/products_subcategory.aspx?catid=13

- الميشلان ممتاز جدا لكن ليس لي علم أي الأنواع صامت وأيهم رياضي ،وعيبه الوحيد سعره عالي مع جودة أفضل بقليل من بريدجستون ( لذلك ما عمري رحت شريته ) كان على الأكورد حقت أخوي ويتحمممممممل تحمل رائع بس له صوت ! وكيله شركة الجفالي
http://www.eajb.com/automotive.htm

- جوديير ممتاز لكنه نوعا ما غالي ، وصل للحد اللي ما تعرف ليش غالي كذا والجودة مافي فرق كبير بينه وبين الميشلان والبريدجستون ،وكيله الراشد http://www.alrashedgoodyear.com/

- أفضل الموجود على الإطلاق هو البريلي - إيطالي - رائع رائع ورهيب لكنه غاااااااالي ، شخصيا أظنه مناسب للسيارات الرياضية فقط

أنصحك تروحين بالترتيب لـ:

1- العمودي أو الطلائع ، تويو و بريدجستون
2- الجفالي عشان ميشلان
3- الراشد وكيل جوديير

للتوضيح كفرات هنكوك كورية بس ممتازة وسعرها رخيص ، حطيها في القائمة لو انعدمت البدائل ، وكيلها بن شيهون http://global.hankooktire.com/Product/product_main.aspx?pageNum=1&subNum=1&ChildNum=1&Fn Code=01

دنلوب افضل وتأكد من تاريخه

بارك الله بكم ويجزاكم خير ماقصرتوا
مقاطع عنيد مهنا كفر عليه القيمة نحفظه استبنه.... الكفرات كلها معدومه وقريت في منتديات السيارات إن اليوكن والتاهو 2007 بدلوا الكفرات أول ماشروها من الوكالة بسبب عيب مصنعي ! للأسف الجميح لم يعلمنا
التاهو واليوكن والجمس 2007 عيوب مصنعية كثيرة القير والكفرات وهواء من الابواب لكن مع
هذا يظل في قلوبنا
قلب شجاع معلومات وفيرة ومممتاز جدًا يبارك بك
بإذنه اذا غيرتها راح اخبركم اي نوع وكم سعرها