(( حنا في نعمة وخير والحكومة أبخص ))

**تركي الدوسري** · 26-08-2007, 09:48 PM

السلام عليكم ورحمة الله وبركاتة
0
0
0
0
0
0
0
0
0
0
0
0
0
0

اليوم كنت في مجلس عند جماعتنا وكان سواليفهم اغلبها عن العرس و المرأة والجنس ...
اانا انقهرت و فتحت موضوع مقاطعة السلع وقلت يارجال الرجال لازم نقاطع البضائع التي ارتفعت اسعارها

ياجماعة : انتم عارفين ان الاسعار ارتفعت !!
التفت علي واحد من الربع بعينيه الصغيرتين و يكسو الاحمرار وجهـه وأنـفه وقال : شف وانا عمك حنا في نعمة وخير والحكومة أبخص وان شاء الله بتحل الوضع !!!

المهم انهم غيروا الجماعة السالفة وانا طلعت منهم مقهوووووور

اغلب الشعب السعودي غير مثقف وجبان وبالعامية " نفسي نفسي "
أعتقد أنكم تتعبون أنفسكم دون جدوى مع شعب اغلبه جاهل

**اسطبل داود** · 26-08-2007, 09:53 PM

اقتباس:

المشاركة الأصلية كتبت بواسطة تركي الدوسري

أعتقد أنكم تتعبون أنفسكم دون جدوى مع شعب اغلبه جاهل

للعلم أخي العزيز :

لوزين وألبان الرياض تابعة للمراعي .

المراعي بشركاتها التابعة + نستله + صافولا ... مقاطعة إلى الأبد .

**طفران بن فقران** · 26-08-2007, 10:15 PM

هذولوا هم اللي ضيعونا من زمان ولكن هذا جيلنا وراح نعلم التجار ان لنا القرار

abuhisham · 26-08-2007, 10:22 PM

ممكن توصل لهم بشكل أخر...

اليوم في السوبرماركت شفت واحد قاعد يلقط ألبان و عصائر مراعي وربيع..

مريت بقربه و قلت له .. خلي بالك ترى المراعي غيروا شكل القارورة صح لكن قللوا العصير و تراها أغلى من ربيع بكثير.

قاللي أنا مالي دعوة و مطلوب مني أشتري هذي الحاجات (شكله شغال عند إحدى العوائل الكبيرة)

قلت له مايخالف .. بس تقدر تأخذ نفس نوع العصي بس ربيع .. تراه أرخص و أكثر .

أقتنع الرجال و أخذ قارورة المراعي و ردها و راح على رف عصاير ربيع.

بس ما أعرف رجع شيء من الألبان إللي أخذها و إلا لأ.

قالوا زمان .. أكل الزبيب حبة حبة.

و المقاطعة نفس الطريقة لو كل واحد فينا أستطاع يقنع شخص واحد كل يوم بنهاية الشهر راح نلقى المملكة كلها مقاطعة.

**Dr-DreaM** · 26-08-2007, 10:24 PM

طيب هل تتوقع ياخي الكريم ان تأثير المقاطعة ستكون شاملة من كل فرد في المجتمع؟ حتى لو يكون المقاطعة 50% ستكون كافية جدا لإفلاس الشركات الباغيه وشكرا جزيلا لك

**المراقب العام** · 26-08-2007, 10:50 PM

التفت علي واحد من الربع بعينيه الصغيرتين و يكسو الاحمرار وجهـه وأنـفه وقال :

الي يسمعك كنت جالس مع ربع من الاسكيمو ...

اخوي تركي .. انت بيض الله وجهك .. ما قلت الا الصحيح والي عليك سويته

انت قاطع وانشر خبر المقاطعة قدر المستطاع و جزاك الله خير

المقاطعة ... مستمرة

**داااايخ** · 27-08-2007, 01:36 AM

اقتباس:

المشاركة الأصلية كتبت بواسطة المراقب العام

التفت علي واحد من الربع بعينيه الصغيرتين و يكسو الاحمرار وجهـه وأنـفه وقال :

الي يسمعك كنت جالس مع ربع من الاسكيمو ...

اخوي تركي .. انت بيض الله وجهك .. ما قلت الا الصحيح والي عليك سويته

انت قاطع وانشر خبر المقاطعة قدر المستطاع و جزاك الله خير

المقاطعة ... مستمرة

سيدنا المراقب العام ... معليش ع شان انا دااااايخ ..

وش معنى كلمة (( الاسكيمو ))