وكيل معتمد متعمد التغيير

**تقطيع أو مقاطعة** · 20-02-2009, 01:46 AM

تصدقون أن صلاحية بطارية الكامري ستة أشهر وبعد ذلك لابد أن تستبدلها حصلت معي وكذلك مع أكثر من شخص اعرفهم كلهم من خمسة أشهر أو ستة وبالكثير سبعة أشهر .
ومن ردائتها غير موجودة في السوق .
وأنا راجعت الشركة يوم خربت البطارية حقت السيارة حقتي قالوا رح للوكيل
وكذلك الكفرات إذا حصل فيها أي شي قالو رح للوكيل حقها ....
وإذا رحت للوكيـــل يقول ما شريتها من عندي .... من الوكيل اللي برا .
يعني لازم تروح للوكيل الرئيسي خارج المملكة .... أو تدفع
البطارية والكفرات تجي راكبة من بلد المنشا وش دخل الوكيل عندنا وماهي معقولة تجي النوعية التعبانة هاذي من المصنع إلا بتوجيه من الوكيل المعتمد والمفروض أن الضمان على السيارة يغطي السيارة بالكامل .
يعني الضمان حق السيارة الجديدة زي ضمان المستورد المستعمل ( ماكينة وقير )

**يا حظ يرحم امك ركز** · 20-02-2009, 03:08 AM

اقتباس:

المشاركة الأصلية كتبت بواسطة تقطيع أو مقاطعة

يعني الضمان حق السيارة الجديدة زي ضمان المستورد المستعمل ( ماكينة وقير )

وهل عندك شك....

**طبعي كذا** · 20-02-2009, 03:29 AM

ياعزيزي حتى انا البطارية تمت 6 اشهر ونوع السيارة نيسان جيب باثفيندر

مو بس تويوتا

**جمرة غضا** · 20-02-2009, 01:08 PM

اقتباس:

المشاركة الأصلية كتبت بواسطة طبعي كذا

ياعزيزي حتى انا البطارية تمت 6 اشهر ونوع السيارة نيسان جيب باثفيندر

مو بس تويوتا

كلام سليم .. كلهن كذا

**alzuhary** · 20-02-2009, 10:02 AM

لا رقيب ولا حسيب ، الوكلاء والتجار يسرحون ويمرحون ووزارة التجارة وحماية المستهلك وغيرها من المؤسسات الحكومية التي أوكلت إليها حماية المستهلك مكتفية بالتصريحات والتحذيرات فقط لا غير .

لكن المواطن بإذن الله قادر على التغيير من خلال المقاطعة واطلاق الحملات والتثقيف والتوعية .

**مقاطعهم&حارقهم** · 20-02-2009, 02:13 PM

مايضيع حق وراه مطالب

كان الله في عونك بس اهم شي لاتسكت

طالب بحقك

**سعودي غير** · 20-02-2009, 02:36 PM

مو ياغالي لازم يسوون كذا والا من بيشتري من القطع اللي مليانه عندهم؟
لو ركبوا قطع معمره بالسياره ما استفادوا من اسعار القطع اللي عندهم
فتحصلهم يطلبون القطع الاقل عمرا عشان قطع الغيار عندهم تمشي
والوزاره وهيئه المواصفات والمقاييس نايمين بالعسل