لاتستغرب ...

والله كنت أملك مبلغ 200،000ريال وكنت اود ان اشتري جيب لاند كروزر - تويوتا طبعاً-( كاميرا وملاحة ومقاعد جلد وتشغيل عن بعد ) في اكس ار تب

كان سعره 216000 ريال اي انه ينقصني مبلغ 16000 ريال .. ذهبت لصديقي سلطان وطلبت منه مبلغ 16000 ريال لأجل غير مسلم !!

قال خير إن شالله ؟
قلت : والله ودي بالجيب ومثلك خابر سيارتي قديمة و...
قال : اسكت كم معك كاش ؟
قلت : واااااااااااااااال وش ذا النشبه . معي 200،000 ريال .
قال: عندي لك مشروع ؟!!!
قلت صرف صحي او هاتف ؟ لايكون اسهم والله ل...
قال : لا لا لا ...
قلت وش اجل ؟
قال : عندي مخبز بحي (......) ودك تشاركني ؟
نطوره .. وتحفظ فلوسك ..وتربح ..و
قلت : أشاور وأرجع ...
رحت للمدام : قالت لا تكفى .. نبي سيارة زي الناس(لونها وردي)!!! عشان بالصيف نروح وووووقر قر قر قر قر ..
ورحت للوالد : قال والله فكرة بس هو ثقة ؟!
رجعت لسلطان : وقلت له أنت ثقة ؟ قال ..لا !!!
ودفعت له المبلغ ؟!!
وبعد شغل وجعل المخبز (ألي) بدل من نصف( ألي ونصف يدوي)..وأدخلنا منتجات جديدة ( قلدنا لوزين ) مو بهلبد كل شئ تقليد ..
تخيل بعد مدة لاتتجاور سنة ..200000فطيرة ب200000ريال !!! ( طبعا توزع للبقايل والسوبر ماركات) واو صيكم بالقرى ماأحد درى عنها .
تخيل بديت افكر اخذ اسكاليد من كاديلاك أقلها مو مغشوش ..ومريح وسعرة يناسب امكانياتي الجديدة ..
إذا ماستثمرت قيمته ..

ورجعت فلوسي ..
نسيت اقول : قال سلطان : وش تبي بالسيارات شوف موقع مقاطعة وتعرف على بلاويها ..
كذا عرفت إن سلطان ثقة .
شكرا منتدانا شكرا سلطان
شكرا.. لوالدي
الله يسامحك يامدام ..كنتي بتوهقيني !!!!!!!!( وردي هاه ؟!!!

لا خاب من استشار

اخوي دائما استشر من هو اكبر منك واكثر خبره كـــ الولد والاخ الاكبر والعم وغيرهم من الثقات

ام النسوان بعد عنهم ماوراهم الا الفقر ؟؟

ومبروك عليك المشروع وبالتووفيق يارب

بتوفيق ويوسع رزقك

ام النسوان بعد عنهم ماوراهم الا الفقر ؟؟

؟؟؟؟؟؟؟؟؟؟؟؟؟

نسيت اقول : قال سلطان : وش تبي بالسيارات شوف موقع مقاطعة وتعرف على بلاويها

اول من قال اجلوا شراء السيارات قبل آل الشيخ في مقاله خلوها تصدي
كانت المرأة "وحده من النسوان "
من عضوات منتدى المقاطعه "جمرة غضا "
النساء لهم فكر لا يقل عنكم واوقات تدرك الامور قبلكم
بحاجة إلى حملة
غيروا فكركم عن المرأة

المشاركة الأصلية كتبت بواسطة جمرة غضا

اول من قال اجلوا شراء السيارات قبل آل الشيخ في مقاله خلوها تصدي
كانت المرأة "وحده من النسوان "
من عضوات منتدى المقاطعه "جمرة غضا "
النساء لهم فكر لا يقل عنكم واوقات تدرك الامور قبلكم
بحاجة إلى حملة
غيروا فكركم عن المرأة

لا للتغيير ، خلوها تكبر وتعجز

اللهم لك الحمد

ماشاء الله تبارك الله

الله يزودك ويبارك لك فيها

بس صراحة ضحكت على سالفة الوالد

ورحت للوالد : قال والله فكرة بس هو ثقة ؟!
رجعت لسلطان : وقلت له أنت ثقة ؟ قال ..لا !!!

الله يبارك لك يارب واتضاعف اضعاف اضعاف

السلام عليكم ورحمة الله وبركاته

والله يبارك فيك اخوي والمخبز الخير ان شاء الله لك.

والسيارة لاحق عليه اخوي

بالتوفيق ان شاء الله

بارك الله لك في مالك ووسع رزقك .

الله يوفقك ويرزقك وان شاء الله تشتري بنتلي

الله يوفقك


بس الله اذا وسع عليك لاترفع السعر ولا ترا نقاطع الفطاير


-------------------------------------------------

اللهم بارك فى رزق اخونا واطرح فيه البركة واجعله هو والمداام فى اتفاق دائم فى كل الامور يارب

وجميع اعضاء مقاطعه واخوننا المسلمين

يزيدالعالد