بسم الله الرحمن الرحيم
اشكر إدارة موقع مقاطعة على هذا الصرح التوعوي والذي يفتقده المواطن على كافة الأصعدة ونتمنى ان يصل هذا الموقع الى اكبر شريحة من المواطنين وبدوري سأعمل جاهدا على نشر الموقع بكل الطرق.
أما موضوعي اليوم فهو بخصوص مطعم البلد الواقع بالخبر بجوار قاعة السيف للإحتفالات والذي نصحني به هو أحد الزملاء وقال لي فيه مطعم جديد هو فرع لمطعم في بيروت قلت ما دام انه من بيروت اكيد راح آكل صوابعي وراه المهم رحت المطعم وجلسنا انا والمدام نصف ساعة عند الباب من الداخل ( هذه لزوم البهرجة ويبون يقولون لك انه زحمة ومالك مكان مع انه نسيبي كان سابقني وقال لي في طاولتين فاضيه ) مو مشكلة انتظرت من الساعه 4.30 وحتى 4.55 وجلسنا بحمد الله طبعا ما فيه بارتيشين او ساتر!!! لا... الأخوان قالبينها فلله تبغى والا روح شوف لك مطعم مندي يسترك انت وأهلك . طلبنا المنيو قال لي الشاب -الزلمة المفتله عضلاته واللي حاط 3طن جل على شعره- مافيه طلب الا الساعه 6 اقسم بالله العظيم هذا اللي حصل انا جن جنوني قلت له انت مجنون قال ولو ما في داعي قلت له يابوي بلا داعي بلا خرابيط انا جاي قبل ساعة وبتخليني ساعه وبعدين اطلب وانتظر ساعه واكل ساعه ليه انا ما وراي شغله الا مطعمكم وهنا تدخل القفل حقهم ابو عنتر قال خير ان شاء الله شرحت له الموقف قال ولا يهمك شو بدك بيصير قلت له بدي املي معتي ( معدتي ) وامشي قال هيك بدك قلت هيك بدك ايوه .
جاب لي المنيو وياللهول أسعار خراافيه اقسم بالله شيء لا يصدق اصبعين كباب اللهم لك الحمد مافيهم الطعم ب 38 ريال زوجتي تركت واحد لهم ...
8 حبات شيش طاووق ب 32 ريال
سفن اب ب 7ريال
حمص ب 12 ريال صحن صغير
سلطة فتوش ر 18ريال صغير
اوووووف ليه بس يعني عشاني سعودي تستغفلني والا ايه الحكاية طيب نرجع للشيش طاووق لانه من الدجاج ومستحيل يكون فيه دجاج ملكي ودجاج صومالي لانك اذا حاججتهم باللحم قالو لك هذا نعيمي بلدي وانت ما تدري المهم الدجاج محلي يعني 900 جرام ب 10 ريال وانا صحني فيه 8 قطع صغير ب 32 ريال ليه يعني مكسبك في الدجاجه الواحده على ظهر السعودي تقريبا 190 ريال ياسااااااااتر مبلغ خرافي ( اذا افترضنا انه الدجاجه الواحده ممكن يسوي فيها 5 اطباق من 8قطع)
طيب المشروب 7اب ليه ب 7ريال لييييييييييييييييييييييييييييييييييييييييييييييييي ييه
حسبنا الله ونعم الوكيل.
تعالوا عند الجراسين ( جمع جرسون ) والله الذي لا اله الا هو شهاده سيسألني الله عليها .. انه جاب لي طبق الشيش طاووق ومعاه بطاطا مربعات وجيت آخذ حبه لقيتها ثلج بارده وعلى طول ناديته وقلت له من متى البطاطا ؟ قال هلا عملوها قلت لا ياشيخ البطاطا بارده طبعا ما صدقني ايش سوا الأبله ( لف يده و حط كف يده على صحني يشوف هي بارده والا لا) صج انه قليل أدب !! قلت له شيل يدك وشيل الصحن وروح غيره لي وبعدين كلمت القفل ابو عنتر على الحركه اللي سواها جرسونه ؟؟؟ قال بنعتذر منك وهذي مش أول مره تجينا شكوه عليه !!!؟؟؟ عجبي طيب ليه صابرين عليه !!!!!!
النهايه : الصدمة الكبرى دفعت 18% بدل خدمة يا الهي عاد من زين الخدمة .
المهم يمين بالله ما ادخل هالمطعم مره ثانية لو شو كان ما يكون.
على فكرة نسيت اقول لكم والله العظيم ما فيه اصناف طعام عليها القيمة أقوى شيء عندهم الكباب العادي والشيش طاووق.
وسلامتكم واللي مو مصدق يسوي زيارة ومو بالضرورة يطلب.
ودمتم بإلف صحه ومقاطعة.

هلا بك اخي اجيبها صح

بصراحه انا عندي نظريه .. ودايم اطبقها وماشي ولله الحمد تمام

هي مفادها : الجواب يتعرف من عنوانه
بمعنى اخر : اللي هذا اول ينعاف تاليه
معنى اخر : لاعصلكت معي اقول عسى خيره


،،،

وانا لو مكانك ولطعوني هالوقت بالانتظار طبيعي بمشي والمطاعم بالخبر واااااااااااااااجد

اما شلة الحراميه اللي قلت زين انك نبهت الناس عنهم وجزاك الله خير

حلوه سفن اب ب7 ريال هههههههههه تلقاه يشتري حق العائله بثلاثه ضرب ويقول 7*10= 70 ريال

باللبناني
( يادلي يادلي .. شو هيدها ياانطوان لك .......هيدا البزنسسسسس وإلا فلا... كلها سنه ونهب زي سعودي اوجيه ) هههههههههههههههه

حياك جبتها صح
ماخذين مقلب بنفسهم هاللبنانية ون جيتوا للحق حنا كبرنا روسهم
وشكرًا للتنبيه مقبله الاجازة خل أهل الرياض يقاطعونه

وعليكم السلام ورحمه الله وبركاتة أخوي شوف انا من منطقه الخبر المطاعم اللي بالمنطقه اللي رحتها بجوار السيف كلها غلا في غلا

الله يخلي بوفيه السعاده بيض بالجبن مع عصير ربيع مايكلفك 3 ريال

والله يوفقك في حياتك قول امين :d

والله أنك صادق انا أكلت فية مرة وحدة ولن تتكرر باذن الله صحن بطاطس 18 ريال صحن بيض باللحمة 18 ريال وغير الأسعار المبالغ فيها بشكل خيالي ولا تقول أن المطعم 5 نجوم ومن زيد الشين يتم إضافة مقابل خدمة.

صدقني جاني غثيان لما قريت اسمة

الله يخلي لنا مطاعم البحرين ( نظافة + طعم +اسعار معقولة )

نفس اللي صار لي صار لك و العالم ذي مصدقه نفسه اكثر من اللازم

يعني لا صار مطعم لبناني خلاص -- خقينا

انا جب لي كباب لحم كان بارد و سخنه و قلتله هذا من متى مسوينه قال الحين مسوينه و قلتله طيب هالبياض اللي في الجوانب من وين جاء ؟ قال لي هذي النكهة

المشكلة المره جابتني للمطعم و قالت لي ان هالمطعم حلو من رواية احد اقاربها و في الاخير دفعت فوق ال 200 و قلت للمدام ... مافي من اليوم و رايح الا بروستد هابي لاند و مشويات قصر الرحاب و تخب عليكم بعد

فعلا مطعم لصوص وحرامية .. وأكلهم ما فيه الطعم أبدا

رحت قبل 3 شهور تقريبا وأنا طلبت شوربة عدس - فتوش - حمص - لحم مفروم مع البطاطس المهروسة بالفرن - جمبري البلد ..

طبعا الطلب قعد 40 دقيقة لين نزل .. وبعدين الجمبري ما نزل ..اكلنا من كل شيئ لقمتين وكله ما له طعم ولا لذة ولا نكهة ولسا الجمبري ما وصل .. طلبت الحساب ولسا الجمبري ما وصل آخر شيئ جابوه وعطوني إياه عبارة عن طماطم مضروب بالخلاط ومحطوط معاه الروبيان ربع إستواء بدون نكهة ولا راحة ولا طعم ..

أخذت كل الأشياء سفري ودفعت حوالي 200 ريال .. ولما رحت للبيت طبخت الروبيان مع الكزبرة والبهارات على الطريقة التايلندية وصار يؤكل !! زلذيذ ... بس انه مثلج !!


مطعم البــلــد !!! قفلوا أحسن لكم !!

والله انك صادق
هههههههههههههه

هههههههههههههههههههههههههههههههههههههههه
هههههههههههههههههههههههههههههه

او ماي قاد سفن ب7 ريال ليش فيه زئبق احمر <<مي متاثره بسالفه الماكينه
والله لو انه انا اني مااقعد لان من البدايه مو حاطين ستاير ولاشي لييييييييش في مصر واحنا ماندري
مادري كيف زوجتك اكلت هناك ياعمري عليها شكلها انحاست

المشاركة الأصلية كتبت بواسطة ||شــاي ليبتون||

او ماي قاد سفن ب7 ريال ليش فيه زئبق احمر <<مي متاثره بسالفه الماكينه

هههههههههههههههههههههههههههه
<< تمدد

وتعليقاً على الاخوان وخصوصا على العضو اجيبها صح ...مع احترامي الشديد لك لكن ما رفع من قيمة هالمطاعم الا مثل زيارتك لها ...
يعني بديهي وهذي صارت موضه ..
مطعم مايسوى ريال .. يضبط هذاك الديكور الي يشق الوجه .. ويحط هالموظفين لبنانيين او سوريين ... ويسون حركات يقالك برستيج مالت عليهم ...
وافتح المينيو وغن آه يا ليل ...
انا بأفهم على ليش خدمه .. انا ملاحظ الحركه هذي في مطاعم كثيره ...
يعني علشان يجيب لي الطلب يآخذون 10 او 15% من قيمة الفاتورة ؟؟؟؟؟

ياعزيزتي تمتع فأنت في السعوديه حيث لا توجد مكانه للمواطن .. حتى الاجنبي لا ينظر لشخصك انما ينظر لما هو داخل مخفظتك ...