@اموال البلد وثروته تهدر على هالاشكال !!!@

**حمر عين** · 17-01-2009, 01:35 PM

~~ في بلدي ~~
الي كنت امدح فيه الاوضاع الطيبه في بلدنا الحبيب

ثق عزيزي المباحث
اني مواطن صالح

واسعى بأن يكون بلدي الحبيب ولا احب سواهوووو
اغنيه حافظينها منذو مبطي

اسعى بأن يكون افضل الدول

بس ماااااا اظن وهالفساد فيه

يعني نقول سوق الاسهم طاح

مافي مشكله .. حلالنا فدى

بالروح بالدم نفديك يايا؟؟

يعني اكيد واحد من الي عليهم الكلام طفران واكيد وده يستغل فرصة هبوط الاسواق العالمية
و يبي يستثمر ويشتري الاسهم الي برى دام هي طايحه باسعار مو معقوله

طبعا بالاول والاخير المستفيد طويل العمر .. قصدي البلد

بالروح بالدم
نفديك يا زعيمممممه

لكن المصيبه االأعظم

اذا جاك واحد من هالمتسعودين .. ومعه كم واحد يثبت الكوره له

وهو يشووت بأموال البلد
هنا المصيبة

انا راح اتكلم اليوم عن خبر ورد بجريدة شمس

المفروض مايمر مرور الكرام ... يجب ان يتأكد من الموضوع .. واما محاسبة المسئول او محاسبة الجريده
ولو اني اشك ان المحرر ماراح يكتب شيء زي كذا الا وهو متأكد من مصادره

بأتركم مع الخبر كما في الصورة المرفقة

طبعا مثل ماهو واضح قدامكم بالخبر

ان المشروع توقف وماني عارف ايش ............ الخ
وهذا موب شيء ذات اهمية .. لأنه ماهو اول مشروع يوقف

كل المشاريع عندنا تجلس بالسنيين ... يعني عادي اذا توقف شهر .. شهرين .. سنه .. سنتين

شيء طبيعي

لكن المصيبة الأعظم

يقول الخبر :
ان شركة سعودي اوجيه ( مطور نهضتنا العمرانية

) مستلمة المشروع بـ 698 مليون ريال
<<< طالعه كأنها تخفيضات كارفور ينزلون ريال عشان ماتكمل المئه

وهم منقصين مليونين << الله واعلم بجيب مين

عشان ماتكمل 700 مليون
<< شكلها بجيب الصادر والوارد

>>> هذا الي يسمونه حديث النفس بين عدة اشخاص

المشروع رسى على اخينا الوسيم <<< يقولون متكي بطرابلس الرجال

رسى عليه بـ 698 مليون ريال وسلمه لشركه الأحديه تشتغل فيه بـ 400 مليون !!!

يعني 300 مليون راحت لطرابلس

<< الا مليونين عشان اكون دقيق

وقامت شركت الأحادية سلمت المشروع لشركة الأسناد المعماري بـ 70 مليون !!!!

يعني 330 مليون ربح شركة الأحدية

قامت الشركة الضعيفة الاخيره سلمت المشروع لشركة إنجاز السلام بـ 18 مليون

عاد هالضعيف هو الي جالس يبربس الان بطريق التخصصي تقاطع الملك عبدالله

لاحول ولاقوة الا بلله !!!

اموال البلد وثروته تهدر على هالاشكال !!!

لازم الموضوع ماينسكت عنه ... يجب ان يتم التحقق من هالارقام

وانا اقول ليش الاقتصاد ما انفقع عندنا

لابجد
وانا اقول الملك ليش مالقى بالمالية فلوس يوم جاء بيرفع بدل المعيشة وصفت على الـ 5 %

انا قرائت بالمنتديات والشبكة العنكبوتيه

انها كانت 50 %

بس صارت 5 % من اجل تطوير نهضة البلد بالباقي

بعذره والله ما انفقع الاقتصاد معه

كل من هالحرامية

ااااااااااااااااااااااهـ بس

ياقلب لاتحزن

الخبر هذا ذكرني بنكته انتشرت قبل فتره

ولا تدرون

ليس المجال لذكرهااا عشان ماينقلب الموضوع ضحك

هو فعلا
شر البلية مايقهر مدري مايضحك

ترى مستعد فى اي لحظه بالمسأله القانونيه
ولاداعى للفضايح كرما ارسال ايميل ومستعد احضر فى اي اداره حسب طلب الاخوان كما ارجو من ادارة منتدى المقاطعه مسح الايبي تكفون لكن ابشرو مالكم الا مايسركم ولدي علوم وعلوم وعلوم اأههههههههههههههه ثم أهـ

**مقاطع من الجبيل** · 17-01-2009, 02:27 PM

شكرا لك
الموضوع مكرر سبق وان نزل في حينه هنا

**سعودي غير** · 17-01-2009, 02:38 PM

للمعلوميه بس بلدنا يحتل المركز 80 عالميا لأكثر الدول فساد مالي واداري حتى مصر طلعت احسن منا احتلت المركز 115 وعجبــــــــــــــــــي !!!!

**أبو فرح** · 17-01-2009, 06:30 PM

أخوي والله البلد كلها نصب بس قويه الفساد الإداري عندنا أقوى من مصر.
لكن ذكرتني بمقالة كتبها الكاتب الغني عن التعريف/عبده خال. العام الماضي عن ميزانية المدارس اللتي وضعت لمدارس جده تخيل ماذا فعل الكاتب؟ جمع جميع مدارس جده يعني كم عددها وبعدين جاب الفصول اللي في كل مدرسه وجمعها مع بعض وقسم الميزانية على الفصول.توقع كم طلع الناتج؟؟؟؟؟؟؟؟؟؟
طلع خمس مئة وثلاثون ألف ريال للفصل الواحد في المدرسة الواحدة. بالله إش رايك قمة النصب.

**جمرة غضا** · 17-01-2009, 07:02 PM

اقتباس:

المشاركة الأصلية كتبت بواسطة المسكين

أخوي والله البلد كلها نصب بس قويه الفساد الإداري عندنا أقوى من مصر.
لكن ذكرتني بمقالة كتبها الكاتب الغني عن التعريف/عبده خال. العام الماضي عن ميزانية المدارس اللتي وضعت لمدارس جده تخيل ماذا فعل الكاتب؟ جمع جميع مدارس جده يعني كم عددها وبعدين جاب الفصول اللي في كل مدرسه وجمعها مع بعض وقسم الميزانية على الفصول.توقع كم طلع الناتج؟؟؟؟؟؟؟؟؟؟
طلع خمس مئة وثلاثون ألف ريال للفصل الواحد في المدرسة الواحدة. بالله إش رايك قمة النصب.

حسبي الله ونعم الوكيل

**خالد الوايلي** · 17-01-2009, 07:26 PM

ما عرفنا اخي العزيز اسمك مره مشعللها ومره حمر عين

**جمرة غضا** · 17-01-2009, 07:29 PM

اقتباس:

المشاركة الأصلية كتبت بواسطة خالد الوايلي

ما عرفنا اخي العزيز اسمك مره مشعللها ومره حمر عين

انت غيرت معرفك يا مشعللها ؟

mqataa · 17-01-2009, 08:01 PM

نعم ، الاخ مشعللها طلب تغيير المعرف عبر مراسلتنا وتم تغييره بناءا على طلبه الى ( حمر عين )

**جمرة غضا** · 17-01-2009, 08:05 PM

اقتباس:

المشاركة الأصلية كتبت بواسطة mqataa

نعم ، الاخ مشعللها طلب تغيير المعرف عبر مراسلتنا وتم تغييره بناءا على طلبه الى ( حمر عين )

ياليت يتم طلب تغير المعرفات عن طريق ادراج موضوع لذلك
ليعرف الاعضاء بالامر

**حمر عين** · 21-01-2009, 07:43 AM

نعم الاخوه الكرام تم تغيير معرفى واعتذر منكم لعدم التنويه
شاكرللجميع روح الاخوه العامه والردود المثقفه
نتمنى الرقى بمنتدى المقاطعه الى اعلى مستوى بجهود الاداره المباركه والاخوه المشرفين
والاعضاء للوصول الى العالميه

كل الود للجميع واكرر الاعتذار