السلام عليكم ورحمة الله وبركاته
أولاً اقسم بالله انه لاتربطني اية علاقة في صاحب ثلاجة المزروع ولا لي اي مصلحة من نشر هالموضوع الا لتعم الفائدة
ثانياً :ابلغني ااحد زملائي اللي يسكنون في حي الخليج بأن عندهم صاحب ثلاجة لم يرفع الاسعار كما رفعوها اصحاب المحلات والسوبرماركات الاخرى وأنهم يشترون اغراضهم من عنده وأن اسعار تعتبر الافضل ، قلت ليش مااروح واشوف بعيني وخصوصاُ وأنها ليست بعيدة عن الحي اللي انا ساكن فيه، المهم وصلت عند الثلاجة ولقيت واحد سعودي هو اللي يحاسب بنفسه وعنده عمالة يشيلون اغراض وينزلونها ، وعرفت انه صاحب الثلاجة لأن خويي قال لي : بتحصل صاحب الثلاجة هو بنفسه اللي يبيع (( شخص ملتزم ولا نزكي على الله احد )) وبعدين اخذت منه اغراض وخذيت لي لفة على الثلاجة عشان اشوف الاسعار ولقيتها فعلاُ ارخص من جميع الاسواق الاخرى، نسيت اقولكم أن خويي ينقل عن صاحب الثلاجة قوله: بأن التجار هم من افتعل ازمة الغلاء وأنه لاتوجد دواعي لرفع الاسعار بهذه الطريق كما يقول صاحب الثلاجة, ومن اراد التأكد عليه ان يذهب اليه ومو شرط انك تشتري بس تأكد واذا اعجبتك الاسعار ارجع لهم بعدين.
موقعها: حي الخليج / مقابل مستوصف سلامتك/ أو سلامات( مانيب متأكد بالضبط )

يجزاك خير هذا المراد ننصح الاخرين ونفيدهم وهم يجربون ويتاكدون ان بغوا

فيه المزروع بحي الروضة مقابل الممشى الجديد هل هو تابع له ؟؟
المزروع هذا اللي بالروضة معروف اسعاره رخيصة وله رز باسمه ممتاز وسعره اخبر انه اقل

جمرة غضى// مرورك زادني شرف
اما اللي جنب ممشى الروضة لإنا لا اعلم هل هو تابع له ام لا ،
فأنا اعرف اللي في الخليج بس، وفقك الباري

خال العيال عنده بقاله قدام الممشى حق الروضه من شمال ويقولي ان في ركن الشارع هنا جنبنا ثلاجه وتموينات اسمها ثلاجة المزروع وهي تبيع بسعر الجمله يعني اقل من اسعارنا وطبعا ساحبه الزبائن ويقول ما يجينا الفرج الا اذا قفلت الثلاجه وهي طبعا تقفل الساعه عشره.. هذا طبعا استكمال لكلام عميدتنا
عموما تشكر اخوي ابوعادل وهذه بادره رائعه اتمنى من كل عضو يرى شي ايجابي او سلبي على السلع ان يذكره
تحياتي لك

اخي الكريم ابو عادل 22

اولا جزاك الله خير لنشرك الموضوع وانت بذلك تدل اخوانك على الخير ان شاء الله

وحتى لو قال البعض انه نوع من الدعاية فمثل هذا الشخص يستحق الدعاية

ثانيا من اهداف المنتدى حماية وتوعية المستهلك وبيان السلع والتجار الذين لم يرفعوا اسعارهم وتشجيعهم وحث الناس على دعمهم

جزاك الله خير وبارك فيك

اسعدني مروركم ، وقد تكون الثلاجة اللي قدام ممشى الروضة فرع أخر لهم.

جزاك الله خير

بس ممكن الوصف افضل وش اسم الشارع اللي عليه؟

ام العيال / راح اتأكد من اسم الشارع انشالله

مشكوووووووووووور
ننتظر الوصف

الله يوفقه ويبارك له في رزقه

وجزاك الله خير ابو عادل